أخيرًا امتلكت البيتلز 1302

**asaeed** · 01-11-2011 08:40 PM

السلام عليكم لكل مالكي الأسطورة الخالدة (فلكس بيتلز)
أولاً: أنا كنت في حيرة شديدة جدًا بين أن اقتني البيتلز الألماني ولا الفيات 127 أو 128.
وكان سر حيرتي أنني:

هل

أبحث عن فيات 127 أو 128 وأهي تبقى تصليحها على أد فلوسي ومصريفها بسيطه واسمها عربية بتوديني وتجيبني والسلام.

أم

أبحث عن عشيقتي التي إذا مرت بجانبي على طريق يزداد إعجابي بها يومًا بعد يوم وما أعملش حساب للفلوس وأسيبها على ربنا، وزي ما تيجي تيجي.

فقمت بالبحث أولاً عن الفيات 127 و128، وصدقوني والله كلما ذهبت إلى سيارة لأراها في سوق السيارات من هذا النوع أحس إحساس غريب بعدم مناسبة هذه السيارة لي إطلاقًا نظرًا لأنها ضعيفة جدًا، وكل ما أشوف عربية ألاقي الشاسيه والدواخل بتاعتها وحشة، فحسيت أن مافيش نصيب أني أركب فيات وده خير ليا.

والحمد لله اقتنعت أن البيتلز أكثر سيارة مناسبة بالنسبة لي...
قمت بالبحث عن سيارة تكون حالتها كويسة وفي نفس الوقت على أد فلوسي والحمد لله انبارح ربنا كرمني بعربية 1302 موديل 1972 بس هي فيها شوية مصاريف ربنا يساهل وتبقى بسيطة بإذن الله، لي بعض الاستفسارات ياريت تفيدوني فيها بإذن الله

مبدأيًا أنا محتاج أجيب قلب كالون لغطاء الموتور وقلب كالون للباب اليمين فأجيبهم من فين بالضبط وأركبهم في أي مكان؟؟؟ وهل فعلاً بيتباع القلب بس ولا بتتباع الأكرة كاملة؟؟؟

ثانيًا: العربية تيجي عند السرعة من 50 إلى 60 وتغربل بسيط وبعد كده فوق الـ 60 الغربلة تروح خالص، العفشجي قال لي أن مساعد الغربلة ضارب زيت وعلبة الدركسيون محتاجه تتغير بس العلبة شغالة وتمشي مسافه ومش لازم أغيرها دلوقت، فدلوقتي محتاج أجيب مساعد الغربلة، أجيبه من فين بالضبط؟؟؟؟

ثالثًا: والأهم: الكربراتير متاج يتعمل له جاويت عند الخراط علشان يحكم بك الصلانصيه، لأن دلوقتي البك ده الميكانيكي ضاغط عليه بمسمار على اعتبار أنه حل مؤقت، ولكن محتاج أعمله على أبوه فعلاً... أعمله فين بالضبط؟؟؟

فأكون شاكر جدًا لو حد من المخضرمين يجاوبني على أسئلتي

وآسف جدًا للإطالة
لكم جزيل الشكر

**MaZaGAngeE** · 01-11-2011 08:59 PM

الف مبروك و اختيار مناسب جدا
العربية قوية سريعة و ثابتة جدا و صيانتها بسيطة بس عند الصنايغي اللي بيفهم فيها

**asaeed** · 01-11-2011 09:10 PM

المشاركة الأصلية كتبت بواسطة mazagangee

الف مبروك و اختيار مناسب جدا
العربية قوية سريعة و ثابتة جدا و صيانتها بسيطة بس عند الصنايغي اللي بيفهم فيها

الله يبارك فيك يا باشا، أي نعم أنا مش حاسس بسرعتها دلوقتي، لأنها مش بتسحب جامد وأعتقد ده علشان مشكلة الكربراتير إللي ذكرتها سابقًا

**smsmxxxxxx** · 02-11-2011 04:43 PM

الف مبروك يا عمرو باشا
البيتلز فعلا اللى يعشقها لازم يشتريها

بالنسبة لمشاكل العفشة انصحك تروح لخالد رباب لانه بشهادة الجميع احسن واحد بتاع عفشة بيتلز

ومشكلة الكاربراتير اللى يحلها حد متخصص كاربراتير بس للاسف معرفش حد متروحش للخراط لانه ممكن يبوظهولك

اهم حاجة تعملها دلوقت هى الصيانة علشان العربية تفوق معاك
غير زيت الموتور بزيت موبيل ديلفاك ام اكس 20 /50 بس غيره عند ميكانيكي علشان تخليه ينضفلك مصفة الزيت وانتا تكون جايبله جوانين مصفة زيت ب 2.5 جنيه وتشوفه بعينك وهو بينضف المصفة
وزود زيت الفتيس فى البنزينة
ورجلش الفرامل
وظبط التاكيهات مع تغيير جوانين التاكيهات ب 5 جنيه
وغير البوجيهات
وظبط كهربة الموتور
وغير فلتر البنزين

هتفرق معاك العربية خالص
ولو ركبت الاشعال الالكترونى هتريح دماغك من مشاكل الابلتين والكوندنسر

ربنا يديك خيرها ويكفيك شرها
والف مبروك مرة تانية

**asaeed** · 02-11-2011 05:16 PM

المشاركة الأصلية كتبت بواسطة smsmxxxxxx

الف مبروك يا عمرو باشا
البيتلز فعلا اللى يعشقها لازم يشتريها

بالنسبة لمشاكل العفشة انصحك تروح لخالد رباب لانه بشهادة الجميع احسن واحد بتاع عفشة بيتلز

ومشكلة الكاربراتير اللى يحلها حد متخصص كاربراتير بس للاسف معرفش حد متروحش للخراط لانه ممكن يبوظهولك

اهم حاجة تعملها دلوقت هى الصيانة علشان العربية تفوق معاك
غير زيت الموتور بزيت موبيل ديلفاك ام اكس 20 /50 بس غيره عند ميكانيكي علشان تخليه ينضفلك مصفة الزيت وانتا تكون جايبله جوانين مصفة زيت ب 2.5 جنيه وتشوفه بعينك وهو بينضف المصفة
وزود زيت الفتيس فى البنزينة
ورجلش الفرامل
وظبط التاكيهات مع تغيير جوانين التاكيهات ب 5 جنيه
وغير البوجيهات
وظبط كهربة الموتور
وغير فلتر البنزين

هتفرق معاك العربية خالص
ولو ركبت الاشعال الالكترونى هتريح دماغك من مشاكل الابلتين والكوندنسر

ربنا يديك خيرها ويكفيك شرها
والف مبروك مرة تانية

الله يبارك فيك يا باشا
هي فعلاً العربية مخنوقة معايا بس الموضوع ده بسبب الكربراتير أنا عارف

أما زيت الموتور الراجل صاحب العربية قال لي غيره بعد العيد أنا لسمه مغيره وفعلاً ملمس الزيت لزج

أما موضوع التاكيهات دي: الراجل إللي باع لي العربية كان عامل عمرة كاملة للموتور من شهر ونصف لكن مش عارف إذا كان ظبط التاكيهات ولا لسه.. بس هي صوتها كويس إلى حد ما..

في حاجة كمان عندي لمبة الزيت والديناموا بيرعشوا في الصلانصيه... فلما سألت الراجل صاحبها قال لي العربية واطية ده غير أن الكربراتير لازم تظبطه عند أخصائي كربراتير وده على كلامه.

طقم الكهربا كان لسه مغيره والأبلاتين والكوندينسر هو بيقول لي شغالين كويس

أما فلتر البنزين فهل للعربية دي فلتر معين بيتركب لها... وإيه هو نوعه لو معين؟؟؟

أخيرًا وأهم حاجة... محدش جاوبني عن الأسئلة إللي هي أساس الموضوع:
أجيب قلب كالون غطاء الموتور من فين، وهل في فعلاً القلب بيتباع لواحده ولا لازم أجيب الأكرة كامله، كذلك الحال في قلب كالون الباب اليمين. ودول الأهم عندي دلوقتي علشان العربية ماتتفتحش وتتسرق

تحياتي
عمرو السقا

**smsmxxxxxx** · 03-11-2011 04:49 PM

فلتر البنزين بيتباع فى اى محل قطع غيار ب 5 جنيه هو بيركب على اى عربية
الكوالين روح لاى حد بيظبط ابواب وهو يوفقلك قلب لو القلب بايظ
ولو ملقتش قلب يركب عليه هتلاقي الاكرة كاملة بتتباع استيراد

وابقي خلي بتاع المفاتيح يظبطلك الكوالين كلها انها تتفتح بمفتاح واحد والكونتاكت كمان

اما موضوع السرقة فدا متقلقش منه البيتلز من اسهل العربيات فى السرقة
بحتة سلكة ومن بين كاوتش الازاز من ناحية الاوكرة بتتفتح فى ثوانى بتاع ظبط الابواب عملها ادامي
وانا مرة نسيت المفاتيح جوة جبت مفك وفكيت ازاز الجنب اللى ورا ومديت ايدي وفتحت الباب

يفضل تركيب انزار

روح عللى الموتور علشان رعشة اللمبات تروح لان رعشة لمبة الدينامو يعنى هو مبيشحنش
ورعشة لمبة الزيت بتدل ان العربية سخنت علشان ضغط الزيت اختلف عن المعدل الطبيعي

التاكيهات لازم تظبطها فى اول الشتاء على كلام البايع انه ظبطها فى الصيف

ونصيحة اهتم بالصيانة اللى قلتلك عليها علشان العربية متفتحش بقها معاك
ومتصدقش كل الكلام اللى بيقوله البائع
لاننا نفسنا ساعات بنهمل الصيانة امال اللي بيبيع العربية هيعمل ايه

**asaeed** · 04-11-2011 10:18 AM

للأسف نزلت أدور على الكالون بتاع غطا الموتور فوجدت الصيني المعفن بـ 50 جنيه، وأنا فعلاً غلط اني جبته لأن الكالون الأصلي بالفعل موجود بس كان محتاج قلب بالمفتاح، بس الله يسامحه بتاع البيبان إللي جانبي وهو المفروض أنه جاري... بس والله العظيم لا يفقشب شبه شيء في الصنعة خالص، وأنا إللي كنت بأقول له يعمل إيه وقعد كتير عقبال ما ركبه وظبطه مع أنه بيتربط بثلاث مسامير. المهم الحمد لله أنه ركب في الآخر..

المفاجأة هي

العربية موجود بها سنتر وإنذار بس أنا مش معايا الريموت وللإسف مش شغالين وماعرفش إيه إللي فيهم بالضبط.
السؤال هو
هل ممكن يتصلحه والراجل بتاع السنتر والإنذار يوفق له ريموت؟ ولا أشتري دماغي وأغيره خالص وأنزل التوفيقية أركب هناك سنتر؟؟

**sharpvision** · 06-11-2011 11:01 PM

اولا مبروك على حضرتك العربيه وانا فعلا من عشاق العربيه دى وساعدت واحد صاحبى يشتري بيتلز ,, ثانيا بالنسبه للانذار بيتبرمج عليه وحدات ريموت تانيه ومتهيألى نوعه يفرق ( اشهر الانذارات اللى تنفع فيها البرمجه دى هى الوولف) شوف نوعه وروح بيه لواحد بيركب انذارات وياريت لو توكيل زى وولف

**sharpvision** · 06-11-2011 11:27 PM

انا اسف كل سنه وحضرتك طيب قبل كل شىء :d

**mazagngi2010** · 07-11-2011 07:44 AM

مبروك عليك ياباشا عربيه محترمه

الموضوع: أخيرًا امتلكت البيتلز 1302

LinkBack

أدوات الموضوع

عرض

أخيرًا امتلكت البيتلز 1302 - انشر الموضوع فى :

-

-

-

-

-

-

-

-

-

المواضيع المتشابهه

يا رجالة البيتلز هى البيتلز ادفع فيها 20 الف جنية

أخيرًا وبعد ما يئست

أخيرًا جبت بولو

بيتلز 1302

@@@ التقيته أخيرًا أنعم به من لقاء! @@@

الكلمات الدلالية لهذا الموضوع

المفضلات

المفضلات

ضوابط المشاركة