اعادة ملو تيل الفرامل

19-05-2008 11:32 PM

المشاركة الأصلية كتبت بواسطة NaderNabil

أنا أول مره أعرف ان الأمامي بيتملي....طول عمري كنت بملي الخلفي و لمل كنت باروح لبتاع الملو عمري ماشفت عنده امامي بيتملي خالص....ومنكم نستفاد يا باشمهندسنا :)

اى خدمه يانادر..بس مفيش اى حاجه كده عاالطاير لاخوك الجعان

انت بتديله ...التيل اللى عندك ...(التالف)
وهو بيقوم بعملية نطر (غير بتاعت المصارعه طبعا )

للقمة التيل المتآكله ويفصللك واحده ..
.يا اما لزق يا اما كبس (فهمت حاجه)

**NaderNabil** · 19-05-2008 11:34 PM

ماهو كان دايما يسألني عايز الكبس ولا اللزق....مكانتش بتفرق معايا فا جربت الاتنين في المرتين الي عملتهم

اغلي سندوتش في العالم علي الماشي:)

**hitham_sh** · 19-05-2008 11:36 PM

يعني لا امل في ملو التيل :(

**medohai510** · 20-05-2008 02:23 PM

عن تجربة :
واحد صديق كان عنده سيارة 4*4 بس مشفاكر نوعها أيه وكان في مشكلة في الفرامل وقام بملو التيل الأمامي والخلفي الأمامي الزوج بــ40 جم والخلفي بــ80 جم والنتيجة كانت سيئة جداً.
من الأحسن شراء التيل المطابق لمواصفات السيارة والله الموفق.

**Karim_Monir** · 20-05-2008 02:31 PM

هاني فلاينج ادالك المفيد
ولا انصح بملو التيل ده نهائي
لانه معمول من اسواء الانواع
واللي هاتوفرة في الملو هاتدفعة في تغيير الطنابير في فتر اقل لانه التيل الملو هايبهدل الطنبورة فعلا وخاماتة زي الزفت
وكمان الرايش المتطاير منه لو عندك جنط اسبور بيخلي لون الجنط اسود وبيبهدلة خاصة مع الحرارة الشديدة المتولدة من عملية الفرملة والاحتكاك الرهيب الليب يحصل

**hazem_khidr** · 20-05-2008 08:25 PM

ملو التيل
=
تسخين الطنابير
=
تسخين الشحم علي الرولمن بلي
=
البلي يقفش و تبقي مصيبه .
............
خليك في الاصلي و بلاش مغامره
و غير كده مبلغ الملو دا كتير اوي
و مستنين راي ابو عبد الله

**eng_mkhalaf** · 21-05-2008 12:38 PM

المشاركة الأصلية كتبت بواسطة FLYINGPEUGEOT

انا ليا بس تعقيب صغير يانددور

التيل الامامى بيتملى عادى خالص...يعنى ليه ملو...وفى ناس كتير بتملاه
............................

اما فيما يخص الاستاذ هشام

بص ياباشا بعيد عن تحليلات فنيه معقده

انت عارف حضرتك الفكره فى ملو تيل الفرامل ايه...واحنا بنعملها ليه اصلا؟؟؟

لما يكون التيل دا مش موجود ...ولا جديد ولا استيراد للعربيه
......

وبصرف النظر عن الاخطاء الفنيه فى تصنيعه وردائة المواد المستخدمه وكل الكلام دا

بس ساعات بيأدى الغرض فى حالة عدم تواجده فقط...غير كده لو تمنه مليون جنيه وموجود اشتريه وريح دماغك

المميزات.
..لاتوجد اى ميزه تذكر

العيوب

1- ساعات نسبة الخلوص بين التيل والطنبوره بتقل...(التيل محممل)
مما يؤدى سلبا على قوة الفرامل (الماستر مابيخدش راحته )

2-وجود (ريجا) فى التيل نفسه تؤدى لحدوث ريجا فى الطنبور نفسها مما يؤدى
لحدوث رعشه اثناء الفرمله

3-رتوش وذوائد معدنيه ..تؤدى الى حدوث صفاره مستفزه....
-رائحه كريهه...حتى بعد عملية ال suitably (التطبيع)
...-عمل خدوش فى الطنبوره نفسها..ودى هتخللى الطنبوره تاكل اى تيل بعد كده
بسرعه كبيره

4-اداء الفرامل عموما بيقل خصوصا..فى القيادات العنيفه او المصاحبه للضغط المتكرر على الفرامل...التيل بيسخن جامد..بالتالى الطنبوره بتسخن جامد...بالتالى بيحصل sliding بين التيل وسطح الطنبوره مهما دوست فرامل بقوه مش هتأفش

دا غير ان الحراره الشديده دى بتؤدى الى
تلف التيل بسرعه كبيره
تلف الطنبوره ايضا...ساعات بتتكسر كمان

والاخطر من دا كللو....ممكن تنزل تلاقى الدشمه كلها مولعه !!!!!!!

دا فيما يخص ملو التيل عموما

................
بالنسبه لمشكلة حضرتك فا دى بترجع ل

1-اسلوب القياده
2-خامات التيل رديئه
3-عيوب فى الطنابير نفسها
4-وجود عيوب فى المساتر نفسها
(بطء فى فتح البساتم بعد الضغط على الفرامل )

الحلول

-تغير نوع التيل المستخدم بآخر مضمون ومتجرب
(اسأل احد مالكى السياره)
-تكشف على مكونات الفرامل عندك (طنابير ومساتر)
-اكشف على نسبة الخلوص بين المساتر والطنابير
(المساتر أفشه شويه)

وانا قلت اللى عندى
ومن غير ما اطول اهو

وزى ماقلتلك من غير تحليلات فنيه ولا فزلكه اهو

وياريت اى سندويتش عا الماشى

الله ينور يا boss والواجب دة عندى

**whmn39** · 10-07-2017 04:08 PM

الامامي بيتملي بس بيكون ملي كباسين وده مش كويس لذالك اشتري جاهز احسن والخلفي بيتملي منه لزق ومنه كباسين وبرضه الاهمال في الزق مش بيعيش نوع خامات الفرامل كلها مستوره بس اهمال العمال بيخلي النتيجه مش حلوه .... الافضل تشتري تيل فرامل مصري موجود مصانع ممتازه في سته اكتوبر والعاشر من رمضان لكن مفيش توزيع ولا دعايه لعدم اقبال المصرين عليه واعتباره نوعيه سيئه بدون تجربه لذالك بيتصدر فقط ولا يوجد توزيع له بمصر اما الخلفي اشتريه جاهز لان الاهمال في اللزق بيكون عمره قليل جدا وياريت نلاقي منه مصري تصنيع محالي الموضوع مش صعب ابدا