الموضوع: فيكترا بدون تكييف؟

كلام موزون بجد

العربية الي محمود اخويا بيتكلم عنها كانت كالتالي

مرشوشة من برة ببوية زبالة وتقريبا الي عملها كان سباك مش بوهيجي، المهم انها تلمع وتلعلط وخلاص
وانت واقف وراها الشنطة مفتولة وملووحة يمين ومن الشمال مفارقة جامد جدي وممكن تدخل كلب منها
المرايات - الشمال طايرة خالص واليمين من غير الكفر بتاعها
الأكصدام الأمامي - قاطع فتحتين مربعين (تجهيز فوجات) والشبكة ممسوكة بمسمار شك وبتلعب (العب العب العب - اه يا سيدي)
من الداخل :
حدث ولا حرج
مكان المراية الي مخلوعة الباب متبهدل والصاج متني ومصدي
التابلوه مكسر وقاطع جمب مفتاح النور ومركب مفتاحين زجاج من ام مليم (اصله عامل 2 زجاج كهرباء)
عصاية الفتيس مغير الراس ومركب راس خشب (ياريتها حتي ابانوس) لا وكمان بتطلع فايدك لو مسكتها
الفرش مبهدل ومركب كسوة رخيصة
فرش الأبواب مكسر ومبهدل ومكان اوكر الزجاج المخلوعة فاضي (فتحة مدورة ومقورة)

بالنسبة للدهان فاللون الأبيض طايل الهواية الخلفية ومهببة السقف والقوايم من جوة (تقريبا كان شغال من غير جرايد)

فتحنا الشنطة لقينا الستارة الخلفية مدقوقة كمية دق ومصدية وواخدة حموات في الرفرق الشمال ورا ومكان الأستبن مصدي وداخل علي بارومة

للأمانة
لما فتحنا الكبوت كان الحوض فعلا نظيف وفبريكة ومفهوش شغل والموتور مش معرق زيت ولا الكلام دة

بعد الفرجة انا قدرت العربية ب22 الف وتوقعت انه هيطلب في حدود 26 او ماشابه

اتفاجأت لما محمود دخل سأل انه بيقوله 40 وعشان خاطرك انت هخلصهالك علي 38

انا طبعا مشيت من غير حتي ما اقدر الراجل واسلم عليه وانا ماشي
بس بصراحة دة اقل حاجة ممكن اعملها مش احسن من اني كنت ادخل اشتمه واحرج اخويا معاه

وعلي هذا ...

يبقي لما الراجل طلب 32 كان واقعي الي حد ما عشان تخلص 30 ويبقي لا ضرر ولا ضرار

والله المستعان
،
،