الموضوع: صوت ونة فى الكورونة

المشاركة الأصلية كتبت بواسطة Xpert

احب اقول اضافه صغيره بس ...
العفشه الخلفيه و اجزائها عامه للادا غاليه .. فلو هاتفك و مصاريفك هاتعدي ال 700 جنيه (و غالباُ هاتعدي لو احتجت كرونه او حاجه) .. انصحك ساعتها بانك تروح لواحد حداد عفشه و تخليه يجيبلك كرونه بتاعه ياباني (بتبقي تيوتا) بنفس المقاس (عرض العفشه الخلفيه) و بيلحم القواعد الحديد بتاعه اللادا و يركبها ورا ... المهم يكون نفس المقاس - نفس السره بتاعه الجنط - و نفس الratio بتاع الكرونه ...و ميزتها انها بتبقي عمليه و قليله الصيانه و في نفس الوقت رخيصه ... يعني كرونه الفيات او اللادا عامله في حدود 2500 جنيه .. في حين ان الياباني عامله في حدود 700 جنيه ...

بس ده ممكن يدخله فى مشاكل تانية مع الفرامل ( تيل طنابير الخ ) و ميعرفش ماركة الكورونا ايه
وبعدين لو الكرونا اليبانى طلع فيها مشاكل هيكون خسر الكرونا الاصلية علشان الحداد هيقص القاعدة
بعدين العربية 2004 يعنى جديدة احسن يركب الاصلى حتى لو غالى

اخى الفاضل ... للاسف واضح ان الكرونه باظت .......... الصوت ده كان بيطلع عندى فى ال131 ........ سمكرى الله يخرب بيته كان بيصلح العربيه وبيغير فارغه من الدفرينشل .... ومحطش زيت ... ف الكرونه باظت وبقت بتعمل الونه ديه بالاخص بعد سرعه 60 .... وبيبقى صوتها غبى بعد 90 لدرجه انى كان بيجيلى صداااااااااااااع من علو الصوت .... مشيت عليها فتره كبيره تقريبا سنه او اكتر وفى الاخر اضطريت اغيرها بواحده استيراد تقريبا كانت ب 2100 جنيه وخد القديمه ب 300 جنيه ....... الكلام ده من حوالى سنه ونص .

احتمال برضه ان يكون فى رومان بلى باظ ..... وده بيبان انك ترفع العربيه على كوريك وتلف العجله" اليمين و الشمال " بايديك .... لو العجله بتلف بشكل حر ومفهاش خشونه يبقى الرمان بلى سليم ........ والكرونه فعلا باظت .
لو الرمان بلى يبقى الموضوع سهل ....

لو اتأكد فعلا ان العيب من الكرونه ... متحاولش نهائى تصلح الكارونه تحت اى ظرف من الظروف اوعى تسمع كلام اى ميكانيكى انه حيغير التروس والكلام الفارغ ده ...... لانها 6 شهور بالظبط وبترجع تون تانى .... او لقدر الله بتقفش خالص وده حصل مع اخويا معاه 131 ريسنج ..... وهو ماشى الكرونه قفشت والتروس اتدمرت والعجل وقف والعربيه لفت بيه على المحور وربنا ستر ان العربيه متقلبتش ........

مالهاش علاج غير التغير بالكامل .