الموضوع: مشوار إصلاح سيارتى بالأسعار

الف شكر يا جماعة و شكرا يا استاذ احمد جمال و بالنسبة لسؤال أستاذ دارك ماسك بقولهأنى الكربراتير ليه علبة بخاخ مخصوص بيتفك الكربراتير كله و بيترش بيها و بيبقى تمام و زى الفل بس يفضل بعض تنظيف الكربراتير تغير فلتر الهواء و يفضل تحط بنزين 90

و بمناسبة البنزين حصل لى موقف فى الطريق نسيت اكتبه و هو انى انا كنت حاطط حوالى 30 لتر 80 و كملت التانك 90 و قبل مدينة الطور مونت 80 تانى و بعد التموين عينكم ما تشوف الا النور تنتيش و بهدلة و مدافع على خفيف انا قلت اهلا كدة حنقف فى نص الطريق و صاحبى سواق السياحة اللى فى شرم يبعت او يجيلى بالمينى باص الكوستر يشدنى او بعربية السفارى لكن الحمد لله كملت بس بعد عناء.
فنصيحة هامة: اوعى الميكانيكى يقولك لو مسافر حط بنزين زى ما انت عايز ده كلام فااااارغ
و عن تجربة تظبط كهربتك 80 او 90 و تمون غير كدة لا......
و نوعين بنزين على بعض لا و ألف لا.

Yousef 1978 الله يسلمك و الحمد لله الرحلة كانت جميلة جداً و راس محمد حاجة تانية و جمال السمك هناك سبحان الله غير جمال شرم بس للأسف فى أماكن ملحقناش نروحها نظراً لقصر الرحلة و لضيق الوقت و عشان شغلى بس انشاء الله ناويين نعمل زيارة تانية الى شرم الشيخ نزور فيها بقية الأماكن و الحاجات اللى مزرنهاش فى الرحلة الاولانية و انشاء الله أتفادى أخطاء المرة اللى فاتت و الف شكر على ردك يا يوسف.

egyptiandiver الله يسلمك من كل شر ألف شكر لردك.

hugan فعلاً كلامك صح عند جامع الظاهر بيبرس و هو ده الراجل اللى انا رحتله لأنى كمان ساكن جمبه و بيت نسايبى جمبه و أفتكر أسمه الأسطى كمال و نفس الكلام اللى بتقوله هو اللى عمله بس بصراحة بعد كدة لو لا قدر الله ربنا شاء انى يحصل حاجة فى عامود الكردان مش هروح غير ليه سواء كان ضبط رفة أو صلايب أو كرسى نص أو غيره، لأنى فعلا فى الحاجت دى بالذات أدى العيش لخبازه و لو أكل نصه و الحق يتقال يستاهل كل مليم اخده منى.
و رجعت بعد الرحلة و كنت معدى من جمبه و دخلت له الورشة مخصوص و قال لى بكل ثقة أول ما شفنى أيه الأخبار كله تمام قلت له انا جاى اقولك حاجة واحدة بس الله يبارك لك.
و شكراً لردك.