من أسبوعين كنت كتبت عن تجربتي السيئة في مودرن موتورز أبو رواش في صيانة الـ 5 آلاف، والإنذار اللي مركبه عندهم وبوظوه في الصيانة... الأستاذ أحمد مصطفى منسق القسم لما شاف الموضوع بصراحة الراجل قاللي أكلمه علشان ياخدلي معاد في التوكيل علشان يصلحوا ما أتلفوه وكان عندي ظروف وبعدين خلصت راح الستاذ أحمد مكلمني يوم الإثنين وقاللي عاوز تروح امتى وخلى مهندسة تقريبا من التوكيل كلمتني وحجزتلي ميعاد يوم الأربعاء الساعة 11 وقابلني مهندس ظريف جدا إسمه سامر مسئول الإكسسوارات، وقولتله على اللي حصل في الإنذار فطلب مني صورة أمر الشغل اللي اتعملت علشان الإنذار يركب والفاتورة وطبعا كانوا معايا لأني بحتفظ بالفواتير راح الراجل معتذرلي وخد العربية وظبطها وأخدت حوالي ساعة وربع وبقت تمام الحمد لله، وطبعا أنا بشكر الأستاذ أحمد مصطفى على اهتمامه والراجل ده فعلا جدع جدا ومهما قولت مش هاقدر أوفيه حقه