الموضوع: شكر واجب للأستاذ أحمد مصطفى

المشاركة الأصلية كتبت بواسطة sehsss

ربنا يخليك يا أحمد باشا انت راجل زوق ومحترم والواحد ما يقدرش يوفيك حقك، وما تزعلش مني المرة اللي جاية أي حاجة هابقى أقولك.. بالنسبة لموضوع الطارة أنا شيكت على الزوايا في بريدجستون وظبطلي الطارة، وما فيش مشاكل، الطارة عندي بتتظبط من تحت مش من فوق، هي كل الحكاية إنها كانت مايلة في العدل ناحية اليمين، هو ما فتحش أي حاجة في الدركسيون ظبطها من تحت تقريبا ليها مسمار أو رجلاش حاجة زي كده وعربيتي اللانوس كانت بتتظبط كده برضه، هي ما كانت مايله بس، وشكرا للمرة التانية على اهتمامك

بس في حاجة كنت عاوز أسأل عليها، الراجل وهو بياخد مقاس ارتفاع الرفرف عن العجل قاللي العربية مايلة شوية وخليها في التوكيل يضبطولك ارتفاعاتها، أنا كنت سمعت إن الصني تصميمها كده وإنها بتبقى مايلة ناحية اليمين شوية، فالراجل ما اقتنعش، وأنا مش متأكد إذا كان كلامي ده صح ولا لأ