هو فيه ايه؟ ماله الحجاب مش فاهمة؟

**Moh.Fahmy** · 21-05-2008 03:17 AM

المشاركة الأصلية كتبت بواسطة أبو عبدالله

يقول تعالى:
(ظَهَرَ الْفَسَادُ فِي الْبَرِّ وَالْبَحْرِ
بِمَا كَسَبَتْ أَيْدِي النَّاسِ
لِيُذِيقَهُمْ
بَعْضَ الَّذِي عَمِلُوا لَعَلَّهُمْ يَرْجِعُونَ)
[الروم: 41].

بالظبط كده يا ابو عبدالله
انا و الله حزين جدا للوضع العجيب بس لغاية امتي يا جماعة حنفضل سلبيين و نفضل نناقش و نناقش و نستريح شوية و نرجع تاني نتناقش و اهو كله كلام و خلاص لا يجيب و لا يودي مع احترامي الشديد لكل المشاركين
طيب ايه العمل هل احنا كمسلمين لما نشوف حاجة زي كده المفروض نسكت يعني و نستغرب و خلاص و لا نبقي ايجابين و نعمل حاجة لنصرة هذا الدين ...يعني مثلا انا لو سمعت او وقع تحت ايدي اعلان بيشترط ان المتقدمة تكون غير محجبة و الله ما اسكت ابدا ...يعني علي اقرب محكمة و اروح رافع قضية مستعجلة عشان صاحب الشركة دي يتفضح و يحرم يطلب في اعلاناته حاجات ضد الشريعة و ضد ما امر الله به و عشان يرتدع كل من تسول له نفسه التفكير في مثل هذا الاعلان لان ما يصحش ابدا في مصر بلد الازهر و خير اجناد الارض يحصل فيها الكلام الفارغ ده و حتي لو النظام عندنا ما يهمهوش مثل هذه الامور لانه لولا انه نظام غير حازم ما سمح بأصدار مثل هذه الاعلانات ابدا
انا ادعو كل من يملك اعلانا بمثل هذه المواصفات ان يسارع برفع دعوي قضائية علي نفقتي الخاصة لان ده نوع من انواع الجهاد في سبيل الله اللي الغرب دخل في دماغنا ان الجهاد هو الارهاب فأصبح معظمنا يخشي النطق بها

علي فكرة انا بشتغل في شركة بترول اجنبية و الحمد لله مافيش مثل هذه الطلبات الغريبة و معظم زميلاتي في العمل محجبات و يعملن بمنتهي الحرية

محمد فهمي

**MoToRiZeR** · 21-05-2008 05:42 AM

سؤال أخر يطرح نفسه و هو : هو معظم البنات المحجبات في مصر اصلا محجبات فعلا؟

يعني لو افترضت ان انا عندي شركة .. و جتلي بنت من اللي بشوفهم .. لبس مش متناسق ( جينز لو ويست - و بدي ضيق - و حجاب ! ) انا مش بتكلم في الوان ولاموضة .. اللبس ده ميليقش علي بعضه .. زي ما مينفعش راجل يلبس جاكت بدلة و شورت مثلا ! .. فا البنت بيبقي شكلها غريب و هي لابسة ضيق و حاطة ميك اب كامل بس مغطيالي شعرها .. سيبك من الوضع الديني انا مش هخش النار بدالها .. بس شكلها بيبقي فيه حاجة غلط ! و اكيد مش هشغلها .. عشان كدة لو انا عندي شركة هعمل انترفيو اشوف فيه البنت اللي متقدمة دي فعلا محجبة لأنها ملتزمة ولا هتخشلي واحدة علي راي عادل امام (من فوق مصاحبة عمرو خالد و من تحت مصاحبة عمرودياب) .. و طبعا أكيد فيه ناس بتقولك و انا ليه اوجع دماغي ؟ بلاها المحجبات خالص يا عم !

**OlaOsman** · 21-05-2008 06:31 AM

المشاركة الأصلية كتبت بواسطة Xpert

هوه بالنسبه لبره اقدر اقلك انه بيبقي نوع من التحيز الديني غير المستحب ... مش عارف بس هم بيقولوا كده :D بس فعلاً بره يعني مابيسمحوش باللبس غير المتعارف عليه الا في حاله ان كان مثلاُ رئيس ديني .. يعني قسيس مثلاُ او امام او حتي حاخام يهودي ... غير كده بيتمسكوا و بيزوروا الجماعه شويه :D

سؤال بقي جانبي ... انا بافكر ادرس ال CPA و ال series 7 brokery exam ... انا في كليه تجاره ... من الاخر بدات افكر في التوظيف عوضاُ عن الشغل الحر ...ايه نظام الشهادات دي بالنسبه للشغل ؟ طبعاُ جوه مصر او بره .. و مش في القريب العاجل لان انا باخد راحتي علي الاخر

http://en.wikipedia.org/wiki/General...sentative_Exam
http://en.wikipedia.org/wiki/Certifi...lic_Accountant

و شكراُ

طبعا يا إكسبرت لو قدامك فرصة انك تبدأ الCPA أول ما تتخرج اوعى تتردد لحظة، الشهادة دي بتطلب بالإسم جوه و بره مصر و اللي حاصل عليها بيدخل في salary category تانية خالص.

**alaa_dash** · 21-05-2008 06:41 AM

معلش ممكن اسأل ايه هيه شهادة سي بي ايه ديه؟! و ايه مدى صعوبتها عشان تتطلب بالاسم ؟ و يعني ايه لو قدامك فرصة ؟ لصعوبتها مثلا , او غلوها ... يعني لو تفاصيل بسيطة ..عشان ما نخرجش عن الموضوع

**OlaOsman** · 21-05-2008 06:43 AM

المشاركة الأصلية كتبت بواسطة alaa_dash

معلش ممكن اسأل ايه هيه شهادة سي بي ايه ديه؟! و ايه مدى صعوبتها عشان تتطلب بالاسم ؟ و يعني ايه لو قدامك فرصة ؟ لصعوبتها مثلا , او غلوها ... يعني لو تفاصيل بسيطة ..

طيب.. كده الموضوع هاياخد مسار تاني خالص

هارد على سؤال حضرتك ان شاء الله ع الخاص، بس اديني نص ساعة كده أكون وصلت الشغل :)

**Moh.Fahmy** · 21-05-2008 06:48 AM

علي قد معلوماتي لحد لما حد محاسب يرد هي شهادة تابعة لجمعية المراجعين و المحاسبين القانونيين الامريكية و طبعا زي خريجي Auc ما هم مطلوبين الشهادة دي برضه خطيرة جدا
مع اني اخوي معاه شهادة جمعية المراجعين و المحاسبين المصرية الا انه كان نفسه ياخد Cpa عشان يعلي سعره في السوق انما كان بيقولي انها مش حتضيف له كتير من الناحية الفنية لان زمالة جمعية المحاسبين و المراجعين المصرية من اصعب الزمالات في العالم

محمد فهمي

**alaa_dash** · 21-05-2008 06:54 AM

يعني لو بنت محجبة و معاها الشهادة ديه ..ممكن يتغاضوا عن كونها محجبةو يشغلوها ؟

كده نبقى ما خرجناش عن الموضوع :)
شكرا جزيلا يا استاذ محمد ..

**abobode** · 21-05-2008 07:44 AM

عجبت لك يازمن نلتزم فية بطول البنطلون ولا نلتزم بطول الجوب نلتزم فية برباط العنق ولا نلتزم بمقاس فتحة الصدر نلتزم بطول اللحية ولانلتزم بالكابوريا وطول القصة وذيل الحصان لكن عزائنا لكل من فقد فرصة عمل لهذة الاسباب ان يصبر ويحتسب ويصدق النية مع الله عز وجل وانا اقسم صادقا غير حانث ان الله سيعوضة خيرا منها ان شاء الله وجزاكم الله خيرا

**OlaOsman** · 21-05-2008 07:48 AM

المشاركة الأصلية كتبت بواسطة alaa_dash

يعني لو بنت محجبة و معاها الشهادة ديه ..ممكن يتغاضوا عن كونها محجبةو يشغلوها ؟

كده نبقى ما خرجناش عن الموضوع :)

شكرا جزيلا يا استاذ محمد ..

شوف، هي الشركات اللي بتحط قيود على الحجاب 3 أنواع:
1- نوع مش بيعين في السكرتارية او الريسبشن او خدمة العملا او العلاقات العامة أو التسويق اي واحدة محجبة.
2- نوع مش عايز يبقى أغلب موظفات الشركة محجبات او ان الحجاب يكون هو السائد بغض النظر عن نوع الوظيفة.
3- نوع ال code dress بتاع الشركة لازم يكون من غير حجاب.

لو واحدة معاها ال CPA يبقى ما ينفعش تشتغل في النوع الأخير من الشركات بأي حال من الأحوال و دول الحمد لله نسبتهم مش كبيرة في مصر - حتى الآن.

**OlaOsman** · 21-05-2008 07:52 AM

على فكرة بأه الجميل في الموضوع هو ان فيه بنات و سيدات كتير غير محجبات بيرفضوا يروحوا الinterview مع اي شركة من دول لما يعرفوا ان شرط الوظيفة هو عدم الحجاب، فيه منهم بتقول انا دلوقتي مش محجبة آه، بس قرار الحجاب هاخده في يوم من الأيام و مش عايزة لما آخده ألاقي نفسي برة الشركة او في موقف بافاضل فيه بين ديني و بين شغلي.

الموضوع: هو فيه ايه؟ ماله الحجاب مش فاهمة؟

LinkBack

أدوات الموضوع

عرض

-

-

-

-

-

المواضيع المتشابهه

صوت غريب مش فاهمة

بجد ناس فاهمة و محترمة الصراحة

انا مش فاهمة حاجة.............الحقونى

حاسة العربية تقييييييييلة موش فاهمة ليه ؟

انا مش فاهمة؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة