بالنسبة للصيانة يا احمد با شا انا كنت حاجز الساعة 9 عند السبع واتأخرت شوية على معرفت اوصلهم
المهم اول ما وصلت قدام المركز قام واحد من الامن قالى اركن هنا يا باشا وهات معاك الضمان والرخصة وادخل من هنا عملت اللى قالى عليه ودخلت لقيت واحد على الباب من جوه سألنى على ميعاد الحجز والاسم وحجزت عن طريق ايه وكده وراح ادنى بون برقم قالى اتفضل هنا وهما هيقولو رقمك دلوقتى مفيش 3 دقائق انتظار نادوا على رقمى قومت روحت مكتب رقم 1 علشان تسجيل البيانات وقالى انت مع المهندسة ( مش فاكر اسمها ) المهم قعدت مع المهندسة وشرحتلى ايه هيتعمل فى الصيانة وان تكلفتها مجانى وهناخد ثمن الزيت فقط والفلتر مجانى روحت قولتلها انا مغيره بره وسألتنى فى اى ملاحظات بالنسبة للعربية روحت قولتلها كل حاجة وبعدين طلعت معايا وعاينت العربية وسبتلها المفتاح وقالتلى اتفضل حضرتك استريح فى الكافتيريا فوق واول ما تنتهى الصيانة هبلغك والوقت المستغرق من
ساعة ونصف لساعتين قولت تمام اعيش مع نفسى شوية لحد ما يخلصوا وروحت طالع الكفتيريا واول ما طلعت اتكيفت اوى انى قاعد فى الكافتيريا وشايف كل العربيات واللى فى الورشة تحت وكان فيه كمان شاشة تعرفك عربيتك دلوقتى فى انهى مرحلة واخذت بون مجانى ب 15 جنيه للكفتيريا
المهم بعد ساعتين الا ربع كانت كل حاجة خلصت واستلمت العربية ولقيت كل حاجة تمام
ما عدا الدركسيون زى ما هوا كل لما اطلع او انزل من على مطب الطارة تتهز فمشعارف بقى هى الصنى كلها كده ولا هما مجوش جنبها حد من ملاك الصنى يفدنى فى النقطة ديه ؟؟؟؟
[COLOR="rgb(139, 0, 0)"]واتصلوا بيا النهارده وسألونى رايك فى المركز والخدمة والعربية بعد الصيانة قولتلهم كل حاجة 100 100
ونسيت اقولهم على الطارة اصلى كنت لسه صاحى من النوم ومش مركز
المجمل ان مركز السبع ده خلانى احب اعمل كل الصيانات اللى جاية فى التوكيل اقلها ببقى شايف كل حاجة بتتعمل فى عربيتى ونفس الوقت الصنيعية اللى فى الورشة لازم يشتغلولك فى عربيتك بأهتمام علشان عرفين انك شايفهم وفى نفس الوقت بتبقى جوه الضمان
وتوتا توتا خلصت الحدوتة مملة ولا مظلوطة
وتحياتى للجميع
[/COLOR]
المفضلات