اثنين حينفصلوا او بمعني اوضح حيطلقوا بسبب.......

**wa7d_tany** · 08-11-2011 10:01 PM

عن تجربة شخصية

سبها ولا تعبرها والفترة دي متع نفسك وطنش وياريت لو يوصلها انك عايش حياتك ومش سائل فيها , صدقني حيسوقوا عليك طوب الارض علشان ترجعها وفي النهاية حتلاقيها رجعت لوحدها

اوعي حتي لو حد اتصل بيك من اهلها ترد اساسا متردش علي حد ولو حصل واتكلم معاك حد قلهم مش حتكلم اي كلام الا لما مراتي ترجع البيت ودي مشكلة بيني وبين مراتي محدش ليه دخل فيها ,اعمل لنفسك شخصية علشان تقدر تكمل حياتك بسلام ويكون ليك كلمه بعد كدا ومحدش يدخل فى حياتك عمال علي بطال

**zago** · 08-11-2011 10:05 PM

روح اتجوز يا عم واحده تانيه

**waelfarid** · 08-11-2011 10:34 PM

زمان قالو لا تذم ولا تشكر قبل سنة وست اشهر
دا علي الجواز
وماتبان البضاعة غير بعد الحبل والرضاعة
الزوجة دي واهلها مستعجلة قوي
والمثلين اللي قلتهم مش ظاهريا من ناحية الجسم فقط وانما في المعاملة والطباع لان فيه زوجات بتتمسكن لحد ماتتمكن يعني بعد ما تخلف وياسلام بقي لو مخلفة ولد تبيع وتشتري وتتلت عموما اللي يرفس النعمة ترفسه وكذلك اللي يتبطر عليها
ربنا يهدي
بدل مالبيت بتاعهم يتخرب بالطلاق بسبب فرض نفوذ علي واحد بيتقي الله في مراته بجد حاجة تزعل !!!!!!!!!!!!

**marimmarum** · 08-11-2011 10:49 PM

بصراحو كلامكوا صح وانا مقتنعة بية جدا بس مين اللي يسمع ويفهم

**Donzi** · 08-11-2011 11:13 PM

المشاركة الأصلية كتبت بواسطة blazer

حديث ضعيف

فعلا ؟؟ اول مرة اسمع المعلومة دي !!

المشاركة الأصلية كتبت بواسطة shaddadfalcon1

الزوج راجل شكله محترم واللي بيعمله عين العقل
الزوجه شكلها دلوعة امها ومش بتخبي حاجه عليها ودي مشكله كبيره والأهل مقوينها يبقي الحل الفصل التام بين الزوجه واهلها وليها صلة الرحم فقط
ثانيا: شغلها ده برده مقويها وخصوصا ان ليها مرتب كبير زي مابتقولي وبالتالي جايز حاسه انها مستقله بزاتها او مسترجله ومش محتاجاله في حاجه وجايز ده اللي بيوصلها احساس انه بخيل لانها مش بتطلب منه حاجه وبالتالي مع الوقت هتبتدي تحس انه هو اللي مش بيديها حاجه ده غير ان شغلها ماثر علي بيتها يبقي تسيب شغلها ده خالص لحد ماتعرف تصون بيتها وجوزها الأول

اخوكي او قريبك يسيبها في بيت ابوها يدلعوها كيفما شاءو وميجبش سيرة الطلاق خالص ويقولهم انه هيتجوز لو مرجعتش وانه هيثبت انها ناشز عشان ثابت البيت ومش عايز ترجع وفي الأخر مهما وصل عند الأهل لازم هينخو عشان بنتهم

الزوج بيدخل الجواز ويطلع منه فابريكه ومش فارقه معاه حاجه وميعيبوش انه متجوز او مطلق وهي اللي هنحتاس ويطلع عينها وساعتها يبقي اهلها وشغلها ينفعوها

المشاركة الأصلية كتبت بواسطة hossam_elwani

خلاصة تجربتى الشخصية فى مشكلة من نفس النوع بالضبط مع مراتى

سابت البيت وانا حلفت على نفسى وقلت مفيش غير حلين يا اما ترجع لوحدها مهما طال الزمن انا نفسى طويل جدا يا تطلق وهيا الى تحتار انا قابل بأى وضع انا سايب وهيا الى مربوطه وعلى فكره عندى منها ولد وبنت واهلها عامو على عومها برضه لاكتر من شهرين وفى الاخر ساقو طوب الارض عشان اجى اخدها ونا حاسم امرى دون تردد وفى الاخر ابن عمى جه حلف عليا انه يروح يجبها بدون حضورى وفعلا جت زى البوبى وربنا يهدى ويصلخ الحال

خلاصة الكلام يطنش ويسيبها لحد ماتستوى على نار هاديه ......... والله المستعان

+11111111111111111111

بالظبط كدااااااااا زي الرائيين اللي فاتو دول و مفيش حاجة زيادة تتقال

**zago** · 08-11-2011 11:32 PM

المشاركة الأصلية كتبت بواسطة waelfarid

زمان قالو لا تذم ولا تشكر قبل سنة وست اشهر
دا علي الجواز
وماتبان البضاعة غير بعد الحبل والرضاعة

اموت واعرف بيجيبوا الكلام ده من فين
:)
بس انا شايفه صح مليون في المليون

**tareksakr** · 08-11-2011 11:34 PM

من خبرة سنين في مشاكل الازواج افضل وأسلم حل هو التجاهل التام للزوجة واهلها وكلمة وردغطاها يا ترجع يا تخلع والناس اللي زي دي اللي تبقي شايفة الحق وتحيد عنه ما يستاهلوش واحد زيه حصلت ادامي مواقف مشابهة كتير جدا ولما الزوج بيطنش ولا يسال او يعبر نسايبه والله بيسوقوا عليه طوب الارض عشان يرجعها وترجع بشروطه هو فيتوكل علي الله ويسيبها شوية حلوين بس يكون صبور ونفسه طويل وفي نفس الوقت حازم جدا يا ترجع يا تخلع

**marimmarum** · 08-11-2011 11:34 PM

انا خليتة دلوقتي يقرا كل المشاركات بنفسة لان فعلا ما خاب من استخار الخالق واستشار الخلق وهو حيعمل اللي نصحتوة بية وربنا يهيديها ويرشدها للصواب

**Donzi** · 08-11-2011 11:43 PM

المشاركة الأصلية كتبت بواسطة marimmarum

انا خليتة دلوقتي يقرا كل المشاركات بنفسة لان فعلا ما خاب من استخار الخالق واستشار الخلق وهو حيعمل اللي نصحتوة بية وربنا يهيديها ويرشدها للصواب

ربنا يهديه للي فيه الخير و الصالح ان شاء الله

و خليه يدعي ربنا كتيييييييييييير انه يهديلو زوجته و ان شاء الله ربنا يستجيب و ماتوصلش لطلاق

-

الموضوع: اثنين حينفصلوا او بمعني اوضح حيطلقوا بسبب.......

LinkBack

أدوات الموضوع

عرض

-

-

-

المواضيع المتشابهه

اوضح تعبي عن اللي كانت فيه البلد

رجل اعمال مصري قذر بمعني الكلمة

suzuki_gsx_750_inazumagلقطه بمعني الكلمة

الكلمات الدلالية لهذا الموضوع

المفضلات

المفضلات

ضوابط المشاركة