الموضوع: أيه رأيكوا بفكر أبيع الشارك !!!!!

المشاركة الأصلية كتبت بواسطة silverlite

اتفق تماما مع الاخ kareemz الباسات من العربيات الالمانى عاليه الجوده ؟ -بس يعنى ايه مكتمه؟!

مكتمة ده مصطلح يتحس ما يتقالش :-) يعنى ماسكه نفسها.

عكس مشخلله :-)

المشاركة الأصلية كتبت بواسطة romioramy

نصيحة واحدة بس لو حضرتك شايف إنها مش اكتر من انها فرصة فلا تكبد نفسك بمصاريف انت ممكن تكون مش قدها ... مصاريف بنزين عالية جدااااااااااااا بزات لو بتستخدم العربية في مشواير بعيده و كمان صيانة غالية جدا ... اصل انا قبل الكارنز كنت هجيب نفس الموديل مستعمل برده و كمان كانت عاملة 92000 كم برده فنفس الموقف و كانت حالتها 100 100 المهم الراجل صاحبها كان قايلي عامل صيانة 60000كم ب 7800 جنيه و الصيانة التانية الثقيلة في 100000 كم تخيل لو 60 عاملة كده يبقى ال 100000 كم بكام ... بصراحة لو متيسر و الحالة 100 100 جبها و حتحس بفرق .

لكن لو من الاشخاص الطبيعين من الطبقة المتوسطة او أعلى شوية فلا تكبد نفسك بما لا تستطيع ... علشان فقط هيا فرصة .

خليك راضي بما قسمه الله لك و العربية اللي معاك برده عربية شديدة و حلوة شيك و منظر برده و موديل عالي و صيانتها معقولة .

و الأمر يرجعلك في الاخر . بس فكر كويس و خلي بالك انه ممكن ربنا يرزقك بفرصة أحسن و انت في حالة أحسن من كده و تقدر عليها زيرو كمان .

الله ينور عليك متشكر جدا على النصيحه ورأيك أقتنعت بيه تماما

المشاركة الأصلية كتبت بواسطة szaalouk

طب الباسات مطلوب فيها كام و هي أنهي فئه .

الباسات موديل 2007 وماشيه 90 الف وكل صيانتها فى التوكيل وممكن تخلص ب 130 الف

المشاركة الأصلية كتبت بواسطة samoreception

يا جماعة الفرق مش كبير قووى كده ما بين قطع غيار الانسر شارك والباسات
اصلا قطع غيار الانسر شارك غالية جدااا جدااا مش زى ما الناس فاكره انا كنت هجبها وفى الاخر غيرت رائى وجبت اوكتافيا ايه 5 والله الاوكتافيا فى حاجات فى قطع غيارها ارخص من الشارك بكتير
انا لو مكانك طبعاااااااااااااا مكنتش فوت فرصة الباسات ديه وخصوصا انها من حد معرفة (بجد ركوبة تانية خااالص )
استخير ربنا وشوف هتوصل لفين

والله الموضوع رجع يلعب فى دماغى تانى أبويا عاوز يغير عربيته النوبيرا موديل 2000 وقالى انا ممكن اشترى عربيتك وانت اشترى الباسات بتاعت خالك عشان مش حقدر على صيانتها وبنزينها

وكل ما اشوف الباسات بنبهر الصراحه وكده كده انا بستخدم بنزين 95 فى الشارك مش فارق معايا الموضوع ده

طب انت شايف ان الباسات لو ماشيه 90 الف فى 5 سنين ده كويس ؟؟

وهل حصرف عليها كتير فى الصيانات الدوريه ؟

معلش نسيت أقول ان الباسات base line