مشاكل في جولف 2011 1600

**Unendlich** · 09-11-2011 10:29 AM

صباح الفل على رجالة الفولكس و كل سنة و أنتم طيبين
كان عندي استفسار صغير بخصوص عربية جولف 2011 1600 مش TSI
دلوقتي العربية بتيجي تطلع مطلع الجراج بتبقى مهزلة, بتتدحرج لورا و لازم الواحد يكبسلها بنزين عشان ترضي تطلع و لازم تبقى شادد الهاند لو وقفت في نصف المطلع غير كده مش هتلاقيها.
العربية على الطرق السريعة مفيهاش مشكلة, تدخل الزحمة من هنا, تركبها العفاريت, أصوات شخلله, تبقى على ال D و برده ترجع لورا مع ترك الفرامل
بالإضافة كمان لصوت تزييق جاي من الجنب الخلفي شمال (ورا السواق)
تم الإتصال بالتوكيل, و بعتوا 3 كده بعربية أودي كان معادهم امبارح الساعة 12 وصلوا 2.45
الراجل اتزحلقت منه العربية و هو بيطلعها من الجراج و اضطر انه يكبسلها عشان يطلع بسرعة فخبط المراية الجانبية ... و في النهاية بعد كل ده عملها ما يسمى بالسوفتوير أبديت Software update و طبعا هو مجرد ضحك على الزبون
اللطيف في الأمر إن الرجل اعترف إن الجولف مليانة مشاكل و قال انه مستحيل يركبها و هيفضل يركب عربية ياباني, تخيلوا لما واحد من التوكيل يقول كده
اللي مجنني إن العربية زيرو, بقالها من سبتمبر اللي فات و عاملة 4000 كم, الواحد قرب يولع فيها
خلاصة الأمر بقى , هل الواحد يروح التوكيل يسبلهم ولا يسلم أمره لله و يبيعها و يخسر فيها قد كده ؟؟
هل ده فتيس أم وحدة الميكاترونيك أم الاثنين محتاجين يتغيروا ؟؟
معلش أنا طولت عليكم بس تخيلوا الواحد يبقى دفع ما يقرب من ال 180 ألف جنيه في عربية ألماني و تعمل كده, حاجة تيييييييييييت والله

**hany63** · 09-11-2011 11:07 AM

كل ده بسبب ال DSG عشان هو فتيس مانيوال و الموضوع من الاخر مالوش حل حتى لو ركبت 30 فتيس
و نصيحه تجنب السواقه في الزحام بقدر الامكان و ياريت تراجع الموضوع ده بتركيز
http://www.nilemotors.net/Nile/250319-dsg.html
وتحت امر حضرتك في اي استفسار

**pirlo2000** · 09-11-2011 06:06 PM

انا بعشق حاجة اسمها جولف 6 و كنت خلاص شبه نويت.... بس للاسف من ساعة ماعرفت مشاكل ال dsg و انا كبرت دماغي بأه....

ربنا يعوض عليك خير انشالله.....

**ahmedtunning** · 09-11-2011 07:44 PM

في واحد صاحبي برده معاه جولف ونفس الفيس بس الفتيس احرق خالص راح يجيبوه من التوكيل قالوله 40 الف جنيه تقريبا او اكتر كمان

راح جايب نص جولف 5 فيها مكانه 1800 20v بفتيسها اتومتيك بكل حاجة و سقطه فيها اتكلف تقريبا 15 الف والمكانه بسم الله ماشاء الله تحفه بجد بطالع تقريبا 125 حصان وباع الموتور التاني

**farahat** · 09-11-2011 09:45 PM

المشاركة الأصلية كتبت بواسطة ahmedtunning

في واحد صاحبي برده معاه جولف ونفس الفيس بس الفتيس احرق خالص راح يجيبوه من التوكيل قالوله 40 الف جنيه تقريبا او اكتر كمان

راح جايب نص جولف 5 فيها مكانه 1800 20v بفتيسها اتومتيك بكل حاجة و سقطه فيها اتكلف تقريبا 15 الف والمكانه بسم الله ماشاء الله تحفه بجد بطالع تقريبا 125 حصان وباع الموتور التاني

حضرتك بتتكلم على واحد جايب جولف 6 ، وراح سقط فيها مكنة وفتيس golf 5 ؟ طب ازاي ؟

**ahmedtunning** · 09-11-2011 09:49 PM

اللي كان المتاح قدامه وهي هي نفس الشاسيه وفي نفس الوقت موتور اقوي

**cameeron** · 09-11-2011 10:09 PM

المشاركة الأصلية كتبت بواسطة unendlich

صباح الفل على رجالة الفولكس و كل سنة و أنتم طيبين
كان عندي استفسار صغير بخصوص عربية جولف 2011 1600 مش tsi
دلوقتي العربية بتيجي تطلع مطلع الجراج بتبقى مهزلة, بتتدحرج لورا و لازم الواحد يكبسلها بنزين عشان ترضي تطلع و لازم تبقى شادد الهاند لو وقفت في نصف المطلع غير كده مش هتلاقيها.
العربية على الطرق السريعة مفيهاش مشكلة, تدخل الزحمة من هنا, تركبها العفاريت, أصوات شخلله, تبقى على ال d و برده ترجع لورا مع ترك الفرامل
بالإضافة كمان لصوت تزييق جاي من الجنب الخلفي شمال (ورا السواق)
تم الإتصال بالتوكيل, و بعتوا 3 كده بعربية أودي كان معادهم امبارح الساعة 12 وصلوا 2.45 :_alshmokh08[1]:
الراجل اتزحلقت منه العربية و هو بيطلعها من الجراج و اضطر انه يكبسلها عشان يطلع بسرعة فخبط المراية الجانبية ... و في النهاية بعد كل ده عملها ما يسمى بالسوفتوير أبديت software update و طبعا هو مجرد ضحك على الزبون

اللطيف في الأمر إن الرجل اعترف إن الجولف مليانة مشاكل و قال انه مستحيل يركبها و هيفضل يركب عربية ياباني, تخيلوا لما واحد من التوكيل يقول كده :copy of majd(4):
اللي مجنني إن العربية زيرو, بقالها من سبتمبر اللي فات و عاملة 4000 كم, الواحد قرب يولع فيها
خلاصة الأمر بقى , هل الواحد يروح التوكيل يسبلهم ولا يسلم أمره لله و يبيعها و يخسر فيها قد كده ؟؟:_alshmokh11:
هل ده فتيس أم وحدة الميكاترونيك أم الاثنين محتاجين يتغيروا ؟؟
معلش أنا طولت عليكم بس تخيلوا الواحد يبقى دفع ما يقرب من ال 180 ألف جنيه في عربية ألماني و تعمل كده, حاجة تيييييييييييت والله

و الله قلبى معاك و متخيل احساس حضرتك خاصة انها عربية غالية بس اقول ايه الناس بتنخدع فى فخامة الفولكس من غير ماتدرس مشاكلها كويس قبل الشرا خاصة الفتيس المنيل dsg اللى مش عارف وجهة نظر فولكس فيه ايه فى مصر على الاقل كانت حطته اختيارى و تسيب عربيات بفتيس الاسكودا الستيبترونيك العادى على فكرة فى حاجة محدش خد باله منها اوبل فى مصر تراجعت عن الفتيس ايزيترونك اللى هوا زى dsg و رجعت الاتوماتك العادى فى عربيات 2012

**Unendlich** · 10-11-2011 01:07 AM

المشاركة الأصلية كتبت بواسطة hany63

الموضوع من الاخر مالوش حل حتى لو ركبت 30 فتيس
و نصيحه تجنب السواقه في الزحام بقدر الامكان

ده مش حل واقعي بالمرة

المشاركة الأصلية كتبت بواسطة pirlo2000

انا بعشق حاجة اسمها جولف 6 و كنت خلاص شبه نويت.... بس للاسف من ساعة ماعرفت مشاكل ال dsg و انا كبرت دماغي بأه....

ربنا يعوض عليك خير انشالله.....

حسنا فعلت, اوعى تغلط نفس الغلطة و اللي يقولك أصلها الماني و فخامة و بتاع تديله باللي في رجلك
يا راجل ده بتاع التوكيل قال عليها عربية بنت كلب

المشاركة الأصلية كتبت بواسطة ahmedtunning

في واحد صاحبي برده معاه جولف ونفس الفيس بس الفتيس احرق خالص راح يجيبوه من التوكيل قالوله 40 الف جنيه تقريبا او اكتر كمان

راح جايب نص جولف 5 فيها مكانه 1800 20v بفتيسها اتومتيك بكل حاجة و سقطه فيها اتكلف تقريبا 15 الف والمكانه بسم الله ماشاء الله تحفه بجد بطالع تقريبا 125 حصان وباع الموتور التاني

ده كده لما يجي يبيعها يحمد ربنا لو جابتله 50 ألف

المشاركة الأصلية كتبت بواسطة cameeron

و الله قلبى معاك و متخيل احساس حضرتك خاصة انها عربية غالية بس اقول ايه الناس بتنخدع فى فخامة الفولكس من غير ماتدرس مشاكلها كويس قبل الشرا خاصة الفتيس المنيل dsg اللى مش عارف وجهة نظر فولكس فيه ايه فى مصر على الاقل كانت حطته اختيارى و تسيب عربيات بفتيس الاسكودا الستيبترونيك العادى على فكرة فى حاجة محدش خد باله منها اوبل فى مصر تراجعت عن الفتيس ايزيترونك اللى هوا زى dsg و رجعت الاتوماتك العادى فى عربيات 2012

كلمة سليمة, الناس بتنخدع
ربنا يجازيهم على استغلالهم و جشعهم

**mody3on** · 10-11-2011 01:22 AM

انا مش عارف بصراحة فين العيب .. الفتيس ناجح جدا في عربيات الفولكس وكل البلاد فيها زحمة ومع ذلك مفيش مشاكل وفولكس عاملة اكبر مبيعات .. وهو هو نفس الفتيس اللي بينزل بره .. مش عارف ده عيب صناعة ولا ايه بس متسكتش وكلم فولكس المانيا وقولهم ومتسكتش غير لما يظبطوا الفتيس

**dramir1** · 10-11-2011 01:44 AM

مشوار صغير للتوكيل وتطلب تدخل للمدير ويبقى معاك ناس وتقوله انك هتعمل شكوي للشركه الام في المانيا...شكوي في حماية المستهلك لو العربيه دي متغيرتش او على الاقل يحللك المشكله اللي فيها ولاتنسى قبل الدخول على المدير الدعاء "الهم اكفينيهم بما شئت وكيف شئت انك على ما تشاء قدير""...
الناس دي بتوع التوكيلات فاكرين الناس بتلاقي الفلوس نازله من حنفية الميه ولا ايه...حسبي الله ونعم الوكيل في كل من يغش الناس

الموضوع: مشاكل في جولف 2011 1600

LinkBack

أدوات الموضوع

عرض

مشاكل في جولف 2011 1600 - انشر الموضوع فى :

-

-

-

المواضيع المتشابهه

مشاكل فى كورسا 1600

هل يوجد مشاكل فى جولف 5

مشاكل جولف 5

جولف 6 - 1600 سي سي

اخر مشاكل التقفيل فيرنا 1600

الكلمات الدلالية لهذا الموضوع

المفضلات

المفضلات

ضوابط المشاركة