ما مده تسخين المحرك

**kemks** · 20-05-2008 02:38 PM

ما مده تسخين محرك السياره وهل تفرق من محرك انجيكشن او كربرتير عادي
مع بحثي في الانترنت وجدت المواضيع ناس بتقول لمده 30 ثاينه و ناس بتقول من 3 الي 5 دقائق و ناس بتقول 8 دقائق او 10 دقائق

و في ناس بتستني لغايه لما مؤشر الحراره بيرتفع او يتحرك بس
و في ناس بتقول اول لما مؤشر rpm ينزل عن الواحد او علي الواحد عشان اول لما بتدور العربيه بيبقي المؤشر فوق الواحد

انا بقي اليومين دول بقيت بستني اول لما المؤشر بيبقي عند الواحد او تحته بحاجه بسيطه و بعدين بطلع

وياتري لو سخنت و مشيت و وقفت ساعه مثلا الواحد يمشي علي طور ولا يسخن تاني

ارجو الافاده من الموضوع لكل الاعضاء

**arch_peter** · 20-05-2008 02:48 PM

المشاركة الأصلية كتبت بواسطة kemks

ما مده تسخين محرك السياره وهل تفرق من محرك انجيكشن او كربرتير عادي
مع بحثي في الانترنت وجدت المواضيع ناس بتقول لمده 30 ثاينه و ناس بتقول من 3 الي 5 دقائق و ناس بتقول 8 دقائق او 10 دقائق

و في ناس بتستني لغايه لما مؤشر الحراره بيرتفع او يتحرك بس
و في ناس بتقول اول لما مؤشر rpm ينزل عن الواحد او علي الواحد عشان اول لما بتدور العربيه بيبقي المؤشر فوق الواحد

انا بقي اليومين دول بقيت بستني اول لما المؤشر بيبقي عند الواحد او تحته بحاجه بسيطه و بعدين بطلع

وياتري لو سخنت و مشيت و وقفت ساعه مثلا الواحد يمشي علي طور ولا يسخن تاني

ارجو الافاده من الموضوع لكل الاعضاء

انا بصراحة اللى قالوهولى اول ماجبت الفيرنا انى ادورها واسيبها لغاية لما الار بى ام ينزل ويوصل 0.8 او 0.7 وبعدين اتحرك
ماعرفش ياريت نسمع باقى الأعضاء

**Adham_Sabry** · 20-05-2008 02:55 PM

معلوماتي :
-لو زيت معدني يبقي تستني لما مؤشر الحراره يتحرك
- لو زيت تخليقي يبقي ممكن متسخنش وتمشي علي طول علي rpm لا تزيد علي 2500 لحد ما تسخن .. والأمن تسخن لمده دقيقه او دقيقتين

موضوع كربراتير او انجيكشن يفرق في طريقه التسخين بس .. الإنجكشن بتسيبه علي السلانسيه من بس ...لكن الكربراتير بتكارك بنزين

وننتظر اراء الخبراء لنفي او تاكيد الكلام ده

**kemks** · 20-05-2008 03:08 PM

ياريت الاعضاء تشارك في الموضوع
للافاده للجميع

**SEATLOVER** · 20-05-2008 03:32 PM

بص يا kemks على الموضوع دة
أهمية تسخين المحرك صباحا ً

واى حاجة مش واضحة اسأل براحتك

**kemks** · 20-05-2008 03:41 PM

المشاركة الأصلية كتبت بواسطة SEATLOVER

بص يا kemks على الموضوع دة
أهمية تسخين المحرك صباحا ً

واى حاجة مش واضحة اسأل براحتك

شكرا علي الموضوع لكن الموضوع هنا هوا مده التسخين وليست فائده التسخين لان فائده التسخين معروفه جدا و لكن السؤال هنا

ما هيا مده الامان للتسخين و كيفيه معرفه ان كان المحرك سخن او مستعد للحركه بدون اذي للمحرك و نريد رد قاطع من الخبراء او خبرات الاعضاء عن المده و شكرا لك يا اخي

**fahd_628** · 20-05-2008 03:52 PM

سخنة دقيقة كفاية لو عربية حديثة لو مستعجل اوى متسخنش بس تمشى بالراحة خالص

**SEATLOVER** · 20-05-2008 03:59 PM

المشاركة الأصلية كتبت بواسطة kemks

شكرا علي الموضوع لكن الموضوع هنا هوا مده التسخين وليست فائده التسخين>>>

اقرا الموضوع للاخر و خصوصاً من صفحة 3 و 4
المشاركات فى اى موضوع بتبقى مكملة لية ولا تقل اهمية عن الموضوع نفسة

**Adham_Sabry** · 20-05-2008 04:00 PM

هو اكيد الفيصل في الموضوع ده كتالوج العربيه ..
لكن الكلام للي معهوش كتالوج او الكتالوج مش مكتوب فيه حاجه عن كيفيه التسخين

...معلومه علي جنب .. واحد صاحبي كان معاه 132 - 80 وبيقولي انه في الشتاء لازم كل يوم باليل (الساعه واحده او اثنين ) يسخن العربيه علشان تدور تاني يوم ..ولو معملش كده متدورش تاني يوم.. مش عرف تفسير الموضوع ده هل بينشط البطاريه ؟؟ او جايز بيخلي الزيت اخف فيسهل الدواره !!