اجيب منين sand mats علشان عرزت و طلع عين اهلى النهارده

**MohssenRashed** · 15-11-2011 08:30 AM

تيريوس 2007 4 * 4 . ممكن اجي بس من اسكندريه؟؟

**SAiF3S** · 15-11-2011 09:46 AM

المشاركة الأصلية كتبت بواسطة m!na

طلعة سانت كاترين ده موضوع اعلاني.... و هي بتطلع لما العدد يكمل 6-7 أفراد...

لكن اللي بنتكلم عليها دي طلعة في الصحرا... مفيش برنامج محدد... مفيش طلوع جبال... ولا نزول بحر ولا قعدات بدوي...

هي فسحة في الصحرا مدتها يوم واحد... أو يوم بليلة واحدة مبيت.... و ديه هنعملها بالاشتراك مع بعض ... بمعنى اننا هنحسب التكاليف كام للأكل و الوقود و نقسمها على الناس اللي طالعين....

أهم حاجة كله يجهز كاميراته...

مينا, متهىء لى اننا قواعد للمشاركه , للى عندهم 4x4 والركاب ايضا وتبقى موضوع منفصل , وبما انه تجمع لأعضاء المنتدى و الغرض منه المتعه و قضاء يوم ممتع فى الصحراء والغرض ليس الربح بل المشاركه ,انك تعمل موضوع جديد و تستأذن أ/ كريم منير والموضوع يتعمل فى المنتدى الاجتماعى او السيارات العام او حب ما ترى الاداره
اهم شىء ان قواعد المشاركه للسيارات ال 4x4 يكون صاحبها متأكد انها 100% بدون مشاكل ميكانيكيه وبحاله تسمح لها بتحمل الظروف القصوى فى الصحراء , وبالنسبه للافراد تكون قواعد مشاركتهم واضحه جدا من الناحيه الماديه ويتم تحديد وقت للرحله والتأكيد من الاعضاء قبل الرحله بوقت كافى

**MohssenRashed** · 15-11-2011 09:59 AM

المشاركة الأصلية كتبت بواسطة saif3s

مينا, متهىء لى اننا قواعد للمشاركه , للى عندهم 4x4 والركاب ايضا وتبقى موضوع منفصل , وبما انه تجمع لأعضاء المنتدى و الغرض منه المتعه و قضاء يوم ممتع فى الصحراء والغرض ليس الربح بل المشاركه ,انك تعمل موضوع جديد و تستأذن أ/ كريم منير والموضوع يتعمل فى المنتدى الاجتماعى او السيارات العام او حب ما ترى الاداره
اهم شىء ان قواعد المشاركه للسيارات ال 4x4 يكون صاحبها متأكد انها 100% بدون مشاكل ميكانيكيه وبحاله تسمح لها بتحمل الظروف القصوى فى الصحراء , وبالنسبه للافراد تكون قواعد مشاركتهم واضحه جدا من الناحيه الماديه ويتم تحديد وقت للرحله والتأكيد من الاعضاء قبل الرحله بوقت كافى

+111111111111111111111111111111111

**mohammadrashee** · 15-11-2011 10:27 AM

المشاركة الأصلية كتبت بواسطة mohammadrashee

يا باشا انا راشق ولو الكمبروسر منفعش ممكن انفخ ببقي المهم اليوم يكون كويس

لو مينفعش انفخ ببقي عندي 2 كمبروسر في المصنع ممكن اجيب واحد وكام كيلو كهرباء وانا جاي
قولتوا ايه

**M!NA** · 15-11-2011 10:55 AM

المشاركة الأصلية كتبت بواسطة mohssenrashed

تيريوس 2007 4 * 4 . ممكن اجي بس من اسكندريه؟؟

تنفع...بس لو محتاجة صيانة...تغيير زيوت - فلاتر... تشحيم صلايب كرادين... الخ... ياريت لو تعملهالها قبل ما تطلع الطلعة ديه...

المشاركة الأصلية كتبت بواسطة saif3s

مينا, متهىء لى اننا قواعد للمشاركه , للى عندهم 4x4 والركاب ايضا وتبقى موضوع منفصل , وبما انه تجمع لأعضاء المنتدى و الغرض منه المتعه و قضاء يوم ممتع فى الصحراء والغرض ليس الربح بل المشاركه ,انك تعمل موضوع جديد و تستأذن أ/ كريم منير والموضوع يتعمل فى المنتدى الاجتماعى او السيارات العام او حب ما ترى الاداره
اهم شىء ان قواعد المشاركه للسيارات ال 4x4 يكون صاحبها متأكد انها 100% بدون مشاكل ميكانيكيه وبحاله تسمح لها بتحمل الظروف القصوى فى الصحراء , وبالنسبه للافراد تكون قواعد مشاركتهم واضحه جدا من الناحيه الماديه ويتم تحديد وقت للرحله والتأكيد من الاعضاء قبل الرحله بوقت كافى

تمام كدا.... هنسق مع كريم.... و هعمل موضوع منفصل فيه كل التفاصيل و البرنامج بوضوح و كل حاجة....

**M!NA** · 15-11-2011 11:38 AM

[QUOTE=mohssenrashed;3873931070]

المشاركة الأصلية كتبت بواسطة m!na

تنفع...بس لو محتاجة صيانة...تغيير زيوت - فلاتر... تشحيم صلايب كرادين... الخ... ياريت لو تعملهالها قبل ما تطلع الطلعة ديه...

ان شاء الله اظبط و اغير الزيتو الفلاتر . بس ايه تشحيم صلايب كرادين؟؟؟

برجاء الافاده بخصوص صيانات ال 4 *4

دلوقتي ال4*4 بيكون فيها 2 كرونة....
نظام جرها الخلفي بالكرونة الخلفية....و الكرونة الخلفية بتاخد الحركة عن طريق عمود الكردان... و اللي بياخد حركته من الفتيس....

عمود الكردان بيكون فيه صليبتين.... واحدة قدام عند الفتيس و التانية ورا عند الكرونة....
و الصليبة ديه بيكون فيها بلي...و لازم تكون مليانة شحم عشان البلي مايفرطش....
لأن البلي لو فرط و الصليبة باقت فاضية...ممكن عمود الكردان يقع...
و ده في منتهى الخطورة ... و ممكن يقلب العربية لأنه بيغرز في الأرض و يرفع العربية ...

لذلك لازم دايما تشحيم صلايب الكردان الخلفي و الأمامي....

الجزء اللي قدام... بيكون فيه بلي العجل الأمامي... و دا عادة بيكون له مشحمة برضو....

العربية ال4*4 لازم تتغسل و تتشحم بصفة دورية.... و الغسيل مقصود بيه غسيل عفشة و شاسيه + تشحيم....

و فايدة الغسيل أنه بينزل الرمل و التراب اللي ممكن يدخلوا بين أجزاء العفشة المتحركة و يسببوا تزييق ....

و عشان عربيتك تكون دايما فايقة... بعد دخولك في أي رملة أو تراب تنضف فلتر الهوا فورا في أي بنزينة.....

و بالتأكيد الزيوت و الفلاتر أساسية.... و بتكون تقديرية في ميعاد تغييرها...
يعني مثلا لو بتغير كل 10 آلاف كم.... فرضنا أنك في المرة ديه قرصت على العربية زيادة شوية.... يكون أفضل لو تغير على 8500 - 9000 و متستناش للآخر...

تربيط العفشة.... كل 3-4 شهور.... مجرد مراجعة و تربيط....

و لو السوست ورق.... يتم مراجعتها بصفة دورية....

لأنك ممكن تفاجأ بأن فيه ورقة سوستة مكسورة من غير ما تحس...

جلب العفشة و المساعدين و كل الكلام ده لازم يتبص عليه كل 5-6 شهور....

الفتايس و الكوارين....

معظم الناس بتزود الزيت بتاعهم بس....

لكن الصح هو تغيير الزيت بالكامل.... تصفية القديم ووضع جديد....
كل سنة و نص - سنتين (حسب الاستخدام)

و لو فيه أي ترشيح أو تسريب.... لازم يتراجع و يتعرف سببه ايه و يتعمل اللازم.... (سواء كان طقم اصلاح - أو غيره)

طبعا يفضل يكون فيه فيوزات و شوية حاجات احتياطي في درج العربية للطواريء

و من الأساسي وجود طقم عدة ولو بسيط ....

دي الحاجات الأساسية.... و اللي لو اتبعها كل واحد هتكون العربية فايقة معاه دايما... و مش هتعطل بإذن الله

**M!NA** · 15-11-2011 11:58 AM

المشاركة الأصلية كتبت بواسطة mohssenrashed

الف الف شكر ياكبير الصحرا.

ان شاء الله اراجع على التشحيم ده في صيانه ال 35 الف ( انا عامل دلوقتي 33 الف) و اراجع على كل النقط اللي قلت عليها.

ممكن رأي حضرتك في التيريوس من حيث 4 * 4 و الاستحمال و كده. اكيد انا مش بقارن بالجيب و عربيات الصحرا

بص... هي تعتبر suv أكتر منها 4x4
مشكلتها أن الموتور ضعيف شوية في المطالع الجامدة.... بس بتأدي برضو مبتقولش لأ.... بحسب اللي بيسوق....

الكاوتش و العفشة ليهم دور كبير برضو.... مش كل الحمل على الموتور....

فيه ناس أعرفهم بيعملوا بالتريوس حاجات جامدة جدا ... مش لأن التريوس جامدة... لأ.... لأنهم محترفين.....

الموضوع بيعتمد بنسبة كبيرة جدا على اللي بيسوق....

-

-

-

الموضوع: اجيب منين sand mats علشان عرزت و طلع عين اهلى النهارده

LinkBack

أدوات الموضوع

عرض

-

-

-

-

-

المواضيع المتشابهه

ايه الحل علشان الحق اتصرف النهارده؟

منين اجيب الاستيكر اللى بتيلزق على الزجاج علشان الشمس ؟

exhaust air jack & sand mats

استفسار سريع علشان هشترى النهارده بليل

بفكر اجيب عداد كامل علشان Rpm

الكلمات الدلالية لهذا الموضوع

المفضلات

المفضلات

ضوابط المشاركة