الموضوع: سؤال لولبى يا عصابه :)))

المشاركة الأصلية كتبت بواسطة No Comment

ازيك يا وائل ... كل سنة وانت طيب .
انا كنت هعمل برضوا موضوع زيك كدة عن مشكلة سلك الفتيس لانى الكيك داون عندى بدا يخرف بعد ما رحت لمركز الصفا ... وهما بعد ما اشتغلوا فى تنضيف الكربراتير معرفوش يظبطوه ويرجعوه تانى زى ما كان .
رحت لمنير ولعصام كمان وبرضوا مش راضى يرجع زى زمان لدرجة انى ندمت انى رحت لمركز الصفا اصلاً ... لان الضرر اللى حصلى اكتر من النفع وبالذات سلك الفتيس .

مشكلتى انه اوقات بيجمع بشكل تصاعدى كويس واوقات بيبقى تعبان ... لاكن الكيك داون بتاعه بقى فى الضياع .. تدى كيكاية يقوم يعلى الـ rpm وميلقطشى النقلة وميحصلشى تسارع فى المقابل .

كان قبل ما اروح المركز ده الكيك بيخلى العربية تتنطر وتتحول لوحش كاسر ... والهونداوية طبعاً عارفين كيك الهوندا بيبقى عامل ازاى .

فمش عارف اعمل ايه ... حالى من حالك يا صحبى .

وعلى فكرة حاطط زيك برضوا ماجنتك بقاله 1000 كيلوا تقريباً ... بس حاسس انه متقل العربية شوية ولأول مرة اسمع صوت التاكيهات فى العربية صباحاً معاه .

الرفة اللى عندك لو على سرعة قليلة اعتقد تبقى بلية ... ولو سرعة عالية شوية تبقى ترصيص (الكلام ده مشى عادى بدون فرامل) .

والتكة ممكن تكون كوبلن زى ما قال خبيرنا الاستراتيجى بووزين .

ياريت تتابع معايا مشكلة سلك الكيك لانه معلمنى الادب اليومين دول ومخلينى محترم فى الجرى ... مع انى برضوا مكنتش بستخدمه كتير الا فى الضرورة .

احمد باشا امين زعيم العصابه واحشنى جداا يا كبير وكل سنه وانت طيب

بص انا من ساعت مسقط الفتيس عند منير لما اتكسر منى وانا ماشى بالعربيه وفيها نتشه مع الغيار مفيش مشكله عندى فى الكيك داون لما بكبس بتجرى وكل حاجه بس المشكله فى نقلة العربيه بحس بنتشه وتأقلمت معاها لان محدش كان بيظبطها ورفعت السودانى نفسه قالى عادى انت راكب عربيه قديمه ولازم يكون فيه احساس بالنقله بس انا مقتنعتش بكلامه لان صاحبى راكب el ومعندوش احساس بالنقله خالص

فى مره بقى قولت اروح لعصام وفى 5 دقايق ظبتلى السلك ومرضاش ياخد فلوس وقالى لو فيه حاجه تعالالى .. طلعت جربت مش مصدق نفسى كأنى ركبت عربيه تانيه خالص احساس مختلف دواسه البنزين خفت جداا والعربيه من اقل لمسه بتجرى ومفيش احساس بالنقله تمامآ ....
لبست البتاع اللى فى الطريق ده ولعبت فى السلك وخرفت تانى :((

بص انت عايز عصام يطلع معاك يجرب على الطريق ويظبط السلك ... انا ان شاء نازل القاهره اخر الاسبوع وهروحله علشان زهقت بجد من الموضوع ده .....

وموضوع الزيت تانى مره احط ماجنيتك واول مره كنت بحرق وبجرى ومفيش اى نقص الا بعد 8000 كيلو
مش عارف المره دى بقى ضربوه ولا ايه !!!!!!!!!! لانه اتبخر بسرعه جدا عكس المره اللى فاتت مع العلم ان المره اللى قبل الغيار ده كنا فى الصيف فمش عارف بقى ايه الموضوع ده وكمان حكايه التاكيهات دى مش عارف من الزيت ولا هيه عايزه تتظبط تانى ... كله هيبان بإذن الله لما اروح لعصام

الرفه اللى عندى دى بقى شكلها بليه والله اعلم علشان افتكرت دلوقتى انى وانا كنت رافع العربيه كنت حاسس ان العربيه خشنه جداا ومطلعه صوت حشرجه كده .. و ياسمسم
الكوبلن الخارجى مش لو بايظ المفروض يظهر صوت طقطقه فى كسر الدريكسيون ولا كده هوه فى بدايه بوظانه ؟؟!!!
انا على العموم هرصص قبل ما اسافر وربنا يسهل ...


ويا ابو حميد تعالى نروح مع بعض بقى لعصام بما اننا مشاكلنا واحده واهوه الواحد يشوفك علشان واحشنى :) وبالمره علشان عايز اشد معاك فاكر صلاح سالم انت ههههههههههههههه


اخر حاجه بقى الايام اللى فاتت واضح ان العين مش بتسبنى فى حالى بفتح الباب اليمين وانا واقف قدام كافيه كده وواحد قاعد مركز مع العربيه اوووى كأنى راكب فيرارى مثلا واسمع صوت طق
الاقى الحديده اللى ماسكه الباب وبيبقى فيها البنز اتقطمت اجيبها من فين دى بقى هلاقيها ؟؟؟

حاجه كمان مش عارف دى عندى انا بس ولا ايه درج التابلوه يا جدعاااااااان :((((((((((
من اول ما جبت العربيه وانا كل لما اجى اقفله لازم افتح المقبض بتاعه مش زى اى عربيه سلس كده لو جيت اقفله من غير ما افتح المقبض ميتقفلش غير بصعوبه وطبعا كل اللى بيركب معايا ميعرفش الكلام ده وطبعا المقبض بعد فتره اتكسر من حته وحشه اووى ... من ناحيه المسمارين اللى ماسكينه من جوه ولحمته بامير وطبعا كل شويه يتكسر والحمه لحد ما الامير عمل طبقه وبقى المقبض مش مظبوط واللى زاد وغطا من اسبوع كده لقيت المقبض نفسه بدأ يتكسر من بره فقولت هيه كده جبرت درج تابلوه كامل وامرى لله بس طبعا عارف الكلام الجميل لو حد رضى يطلعه وهسمع فى الحرفيين ارقام خياليه فيه 250 و 300 جنيه فياريت لو حد يعرف مكان حنين اجيبه منه يقولى
وموضوع قفل الدرج ده عندى انا بس ولا كل العربيات كده علشان انا عند صاحبى نفس النظام بس سألت مصطفى wildwest قالى انه بيقفل عنده عادى :)

وياريت يا رجاله نشوف مقابله على الخميس ولا الجمعه الجايين علشان مش عارف اذا كنت هقدر احضر مقابلات تانى ولا لأ :( ,,,, يا أما يا سمسم بقى نعمل مقابله ونعمل هجوم هونداوى على الغردقه