سؤال لولبى

**seka** · 31-10-2007 03:00 PM

بقوة لا اله الا الله و الحمد لله وشكر ليك يارب حاجتان حصلوا فى ان واحد الاولانى انى خارجت من القاهرة الكبرى و ضواحيها وابوس ايدى شعر ودقن و الحاجة التانية ان و الحمد لله اشتريت لانسر 2008 الشكل القديم بعد عذاب فى الاختيار بين القديم والجديد وهنا السؤال يطرح نفسة سؤال لولبى هل مرسى مطروح فيها مراكز صيانة و لا اهضطر انى ارجع للحلوة المحروسة ام ظفاير حلوة _ ام الدنيا _ قصدى و الانتقال الرسمى و الفعلى سيكون يوم 8 /11 /2007 و هرخص باذن الله نمر مطروح

**الريس** · 31-10-2007 04:41 PM

مبروك عليك السكن و العربية
بس للاسف معنديش فكرة

**lolo_nody** · 31-10-2007 09:12 PM

يفيدكى كده مصراوى جداً (طارق زويل) و الف مبروك و ربنا يديك خيرها و يكفيك شرها

**اسلام المصرى** · 01-11-2007 12:01 AM

ألف ألف مبروك يا أستاذ سيكا :-) ربنا يديك خيرها و يبعد عنك شرها و أهلا وسهلا بيك فى أسرة نايل موتورز و فى قسم ميتسوبيشى :-) مبروك عليك الخروج من القاهرة و بداية موفقة فى المكان الجديد ان شاء الله. على حسب علمى لا توجد مراكز خدمة معتمدة فى مرسى مطروح , هتشرفهم فى القاهرة يا باشا :-)
مراكز الخدمة متوفرة فقط فى الأماكن التالية:
مركز الخدمة الرئيسى الكيلو 16 طريق مصر أسكندرية الزراعى
فرع مصر الجديدة جسر السويس أمام سوق القنال الدولى
مراكز الخدمة المعتمدة:
12 شارع عبد الخالق ثروت
5 شارع النيل المهندسن
شركة الرواس الكيلو 12 طريق الأسكندرية الزراعى

**مصراوي جدا** · 01-11-2007 08:57 AM

استاذ سيكا

اهلا بيك والف مبروك العربية الجديدة

ومبروك الحياة الهادية عند شاطىء الغرام وعجيبة
بخصوص مراكز الخدمة المعتمدة فهي بالقاهرة والاسكندرية فقط حسب الاعلان التالي

وعموما حضرتك اعمل حسابك تخلص الألف كيلو الأولى وتعمل صيانة الألف قبل السفر لمطروح
وبعد كده الصيانة هتكون كل عشر آلاف كيلو ودول متوسط استهلاكهم في 6 شهور لو مش بتسافر كتير بالعربية يبقى مش محتاج باذن الله اي نوع من الصيانة خلال العشرة آلاف كيلو ولا حتى غيار الزيت (ده لو حطيت زيت موبيل وان اللي بيقعد برضه 10 آلاف كيلو)
يعني في مطروح تشتري بنزين بس ووقت الصيانة تطلع اسكندرية او القاهرة

**seka** · 01-11-2007 09:11 AM

مرسى جدا على الردود

**seka** · 01-11-2007 09:14 AM

طب معلش يا استاذ مصراوى جدا ممكن رقم التليفون بتاع حضرتك علشان اما اعمل صيانة الاف كيلو اجيلك و معلش بردو صيانة الاف بكام

**مصراوي جدا** · 01-11-2007 01:22 PM

استاذ سيكا

صيانة الألف عبارة عن تغيير زيت موبيل وان (اختياري) وفلتر ودول تمنهم 270 جنيه شامل الضريبة

بالاضافة الى المراجعة على السيور والفلاتر وخلافه

لو العربية مصري في الضمان يبقى المصنعية مجانا ولو خليجي يبقى هتدفع 50 جنيه مصنعية

وصيانة الألف ممكن تشرفنا من غير حجز

انا موجود في مركز الخدمة الرئيسي في قليوب ت : 42157629 وشغالين من السبت للخميس من 8 : 4 عصرا