استفهام بخصوص الفرامل !!

**MMamdouh** · 16-11-2011 01:25 PM

المشاركة الأصلية كتبت بواسطة Ashraf_Ibrahim

الموضوع المتحكم في الامر دا اولا واخيرا هو مهاراتك الفرملية في استخدام الفرامل لو الفرامل بتاعتك عادية مفيهاش abs

لو الطريق أسفلت العربية اللي هتكسح 100% هتبقا اخر عربية تتوقف لأن الانغلاق التام للفرامل -الكسح يعني - بيزود من مدة التوقف ناهيك عن انعدام التحكم باتجاه العربية -ودي وظيفة ال abs -

طب لو الطريق عليه تراب مثلا ليه العربية اللي هتفرمل 99% بدون abs او اللي هتفرمل 100% بال abs مش هيقفوا الاول !
زي ما قال استاذ ممدوح عشان طبيعة الطريق وجود رمال على الطريق مثلا او الطريق الزلق بتغير من طبيعة الفرامل في حد ذاتها
العربية اللي هتفرمل 100% مع الكسح دي هتشيل طبقة الرمل او التراب دي وبالتالي هينكشف قدامها الجزء الصلب من الطريق اللي هو الاسفلت وبالتالي يكون قوة الاحتكاك اكتر
بس لو انت استخدمت الفرامل صح في حالة ال 99% بدون abs او ال 100% مع ال abs
الاولى هتتوقف بصورة مطلقة قبل التانية والفرامل في حالة الانغلاق هتكون اخر واحدة تتوقف

MMamdouh

**moh19227** · 17-11-2011 02:23 AM

لموضوع المتحكم في الامر دا اولا واخيرا هو مهاراتك الفرملية في استخدام الفرامل لو الفرامل بتاعتك عادية مفيهاش abs

لو الطريق أسفلت العربية اللي هتكسح 100% هتبقا اخر عربية تتوقف لأن الانغلاق التام للفرامل -الكسح يعني - بيزود من مدة التوقف ناهيك عن انعدام التحكم باتجاه العربية -ودي وظيفة ال abs -

تماااااااااااام كدا

طب لو الطريق عليه تراب مثلا ليه العربية اللي هتفرمل 99% بدون abs او اللي هتفرمل 100% بال abs مش هيقفوا الاول !
زي ما قال استاذ ممدوح عشان طبيعة الطريق وجود رمال على الطريق مثلا او الطريق الزلق بتغير من طبيعة الفرامل في حد ذاتها
العربية اللي هتفرمل 100% مع الكسح دي هتشيل طبقة الرمل او التراب دي وبالتالي هينكشف قدامها الجزء الصلب من الطريق اللي هو الاسفلت وبالتالي يكون قوة الاحتكاك اكتر

ماشي بردو لحد دلوقتي تمام

بس لو انت استخدمت الفرامل صح في حالة ال 99% بدون abs او ال 100% مع ال abs
الاولى هتتوقف بصورة مطلقة قبل التانية والفرامل في حالة الانغلاق هتكون اخر واحدة تتوقف

دي حضرتك تقصد بالنسبه للعربيتين التانيين ؟!!
يعني متفقين ان ال 100% هتقف الاول وبعديها ال 99% وبعديها ال100% abs دا بالنسبه للطريق اللي عليه تراب
مظبوط ؟!!

**moh19227** · 17-11-2011 02:35 AM

لا يا باشا هناك فرق....

الكسح على اسفلت علية طين او رمل بيخللى الكاوتش يكنس الرمل او يغرز فى الطين لحد ما يوصل للاسفلت و الكاوتش يكلبش العربية

انما مع 99% او الABS مش حيحصل كنس ولا غرز فا الكاوتش هيفضل ماشى على طبقة الرمل او الطين و بالتالى التماسك هيبقى قليل جدا و العربية هتاخد مسافة عشان تقف

الكسح على اسفلت ناشف مش هيعمل حاجة غير تاكل الكاوتش و العربية مش هتقف... خللى بالك ان الفكرة الاساسية فى الفرملة هى تحويل الطاقة الحركية للعربية الى حرارة من خلال احتكاك اتيل باللطنابير... اذا كل ما قدرت تولد حرارة اكبر من الفرامل كل ما هتقف اسرع

المشكلة بقى مع الكسح على اسفلت ناشف ان مبيبقاش فيه احتكاك بين الطنابير و التيل لانهم قافشين على بعض... الاحتكاك بيحصل بين الكاوتش و الاسفلت و هنا بيحصل تحويل الطاقة الحركية لحرارة... بس الكاوتش بيتحرق على درجة حرارة اقل بكتير جدا من الحرارة اللى بيولدها احتكاك التيل بالطنابير بالتالى مقدار فقد الطاقة الحركية اللى بتتحول لحرارة اقل بكتير فى حالة الكسح بالتالى العربية بتفضل مندفعة مسافة كبيرة

اللى بيحصل فعليا ان الكاوتش بيسخن من الاحتكاك و بيتحرق عند درجة حرارة معينة (و دة اللى بيعمل الدخنة الفظيعة مع الفرملة) و الحرارة دى اقل بكتير جدا من حرارة احتكاك التيل بالطنابير و دة اللى بيفرق فى مسافة التوقف

انا معرفش درجات الحرارة تحديدا بس كمثال بسيط... انا مرة كنت راجع من مشوار متاخر و المفروض ادى العربية لوالدى عشان ينزل بيها مشوار تانى و كان لازم اغير التيل قبل ما اديهالة... طبعا جريت جامد مو حملت على الفرامل طول السكة و اول ما وصلت البيت فكيت العدلة و زقيت التيل بمفك... فردة التيل اللى وقعت على الارض سيحت الاسفلت...

طبعا مستحيل فردة كاوتش تقدر توصل للسخونة دى من غير ما تتحرق... و دة معناه ان فردة التيل حولت جزء كبير جدا من الطاقة الحركية للعربية الى حرارة عشان تقف فى اقل مسافة ممكنة

دخلنا علي الكلام الكبير وشغل الهندسه

معلش بقي علشان انا استيعابي علي قدي فركز في الكلام بتاعي

خللى بالك ان الفكرة الاساسية فى الفرملة هى تحويل الطاقة الحركية للعربية الى حرارة من خلال احتكاك اتيل باللطنابير... اذا كل ما قدرت تولد حرارة اكبر من الفرامل كل ما هتقف اسرع

طب حلو اوي الكلام ده نركز بقي علي اللي جاي

المشكلة بقى مع الكسح على اسفلت ناشف ان مبيبقاش فيه احتكاك بين الطنابير و التيل لانهم قافشين على بعض

طب علشان كده قولنا ان علي الاسفلت اخر عربيه هتقف هي ال 100% كسح
طب مهو علي الطريق اللي عليه تراب واستخدمنا 100% كسح مش هيبقي فيه احتكاك بردوبين الطنابير والتيل علشان قافشين علي بعض ؟!!
معلش ممكن توضحلي الحته دي

**MMamdouh** · 17-11-2011 01:57 PM

فى حالة الاسفلت المغطى بالرمل بيبقى تماسك العجلة بالارض ضعيف جدا نتيجة وجود الرمل...

لما بتفرمل 100% بدون ABS انت بتكسح الرمل و الكاوتش بيحتك بالاسفلت..

و لما بتفرمل 100% مع ABS او 99% انت مش بتكسح الرمل و الاحتكاك بيبقى بين التيل و الطنابير...

نتيجة ضعف التماسك بسبب الرمل مش هتقدر تطبق احكتاك شديد يولد حرارة عالية عشان العربية تقف لان اى لمسة فيها قوة هتخللى العجل يقفش... و مع الABS هتلاقية بيشتغل من اول لمسة برضة... اذا قدر الاحتكاك اللى بين التيل و الطنابير بيبقى ضعيف جدا نتيجة الزحلقة و بالتالى الحرارة اللى بتولدها الفرامل قليلة و علية بتفضل العربية ماشية مسافة

مع الكسح 100% الكاوتش بيحتك مع الاسفلت و يطلع حرارة اعلى من اللى يقدر التيل يطلعها لما يحتك بالطنابير فى الظروف دى

MMamdouh

**Yzeyada** · 18-11-2011 03:12 PM

Great discussion, Just a small correction, there is no such a thing as 99% breaking. You can’t really break more than 15-20%. Beyond this you will go right to a 100% almost instantaneously.