=== صيانة علبة دركسيون 1302 عند الدكتور خالد رباب ===

**smsmxxxxxx** · 17-11-2011 03:51 AM

المشاركة الأصلية كتبت بواسطة ahit

أنا اللى أعرفه يا محمد إن المنطقة دى كلها إسمها بين السرايات
لكن هو فعلاً عند مسجد الشوربجى

الجزء دا من بولاق الدكرور اسمه ابو قتاتا والمنطقة دى الشوربجي
يا ريته ينقل بين السرايات او فيصل

المشاركة الأصلية كتبت بواسطة arc_adham

استاذ محمد حضرتك كلمينى و انا اخدك للاسطى خالد هو جنب بيتى و انا عارف ورشته و تحت امرك فى ايه وقت

ربنا يخليك يا ادهم ان شاء الله هكلمك ونروح له

**asaeed** · 17-11-2011 11:49 AM

ألف مبروك يا أبو حميد رجوعك للمنتدى
وألف مليون مبروك على الصيانة... وأنت بسم الله ما شاء الله عجبني جدًا اهتمامك بالعربية... من حيث الصيانة الدورية.. والتأكد من سلامتها...
أدعيلي أنا كمان أخلص من تظبيط كهربة الموتور عند المايسترو وعمنا الكبير عاطف عبده فرج وبعد كده أخش على العفشة بإذن الله.
وشكرًا جزيلاً لك أستاذنا أحمد حسن على تعبك معايا الفترة إللي فاتت دي علشان تعرفني السكة لأول الطريق... وأنا فعلاً بأتعلم منك حاجات كتير في الفولكس..
أنا بالفعل رحت للأسطى عاطف... والله عامل معايا الواجب وهو راجل محترم جدًا.. وتسلم إيه... بس المفروض أروح له مرة ثانية.. لأن العربية فيها ظبطه معية عايزة تتظبط عليها وبعد كده تفوق معايا بإذن الله وأنا بالفعل كلمته وقال لي تعالى وهنظبط كهربا تاني وأجرب والموضوع مش هياخد وقت.. وبإذن الله هحس بعد كده بقيمة العربية وسحبها..

**yousefkaram** · 06-12-2011 10:55 AM

فيين يا باشا الاسطى عاطف عبده ده ؟؟؟؟
و ياريت لو ارقامه معاك و شكرا للافاده

**sakr84** · 06-12-2011 12:20 PM

المشاركة الأصلية كتبت بواسطة yousefkaram

فيين يا باشا الاسطى عاطف عبده ده ؟؟؟؟
و ياريت لو ارقامه معاك و شكرا للافاده

بص يا باشا احسن اتنين يشتغلوا فى البيتلز من وجهة نظرى عاطف عبده فرج اللى فى اثر النبى ومحمد على اللى فى جسر السويس عاطف سريع جدا وارخص من محمد على لكن الاتنين كويسين جدا جدا عنوان عاطف جمب موقف اتوبيسات اثر النبى اللى جمب دخلة دار السلام اللى عند مركب نايل كريستال اللى على كورنيش المعادى وتليفونه 0101467431 ومحمد على عنوانه جسر السويس خلف حديقة العرب موبايل الحاج محمد على : 0129305520

**yousefkaram** · 06-12-2011 09:57 PM

شكرا يا باشا و شكرا جداااااا
بس لو اتقل عليك ياعني انا عاوز ميكانيكي ف مدينة نصر عشان انا في عربية عجباني هناك و نفسي ميكانيكي يشوفها قبل ماشتري فا ياريت انتا باين عليك تعرف صنايعية و قديم بيتل :] انا لسة اول عربية

**ahmed.zahra** · 08-12-2011 11:16 AM

في ميكانيكي فولكس في مدينة نصر في امتداد مصطفى النحاس بعد المنهل بمسافة صغيرة ع الصف التاني

**sakr84** · 08-12-2011 01:42 PM

المشاركة الأصلية كتبت بواسطة yousefkaram

شكرا يا باشا و شكرا جداااااا
بس لو اتقل عليك ياعني انا عاوز ميكانيكي ف مدينة نصر عشان انا في عربية عجباني هناك و نفسي ميكانيكي يشوفها قبل ماشتري فا ياريت انتا باين عليك تعرف صنايعية و قديم بيتل :] انا لسة اول عربية

بص يا باشا انت كده كده لما حد هيجى معاك هياخد فلوس وعلى ما اعتقد ان ولا محمد على ولا عاطف هيروح معاك لان عندهم شغل كتير ومش هيسيبوا الورش بتاعتهم لكن ممكن تعرض على الحاج محمد على لان جسر السويس من مدينة نصر تعتبر اقرب من عاطف فى اثر النبى واحتمال كبير يقولك لا لكن يبعت معاك عمرو ابنه وطبعا هتتفق معاه على الفلوس وانا من وجهة نظرى انه لكعى وتقيل لكن الولد بصراحه بيفهم زى ابوه تقريبا وسنه صغير وابوه يعتبر مش معتمد عليه فى الورشه لانه لعبى لكن بيفهم الى حد كبير وهو ده اللى ممكن يروح معاك فى اى حته علشان الفلوس :) بس تتفق معاه الاول