المياة الخضراء

**M.Mokhtar** · 21-05-2008 10:36 AM

المشاركة الأصلية كتبت بواسطة NoNaMe

العربية كانت بتنقط مية من الرادياتير روحت لواحد بتاع رادياتيرات فكة لقى الجنب البلاستيك

انا حصل معايا الموضوع ده بالظبط وكان الموتور هيودع عشان ما اخدتش بالى من الحراره بس الحمد لله لحقته
بتاع الريداتير ورانى العلبة البلاستك اللى على الجنب فيها شرخ بسيط وقالى ده عمر افتراضى
طبعا غيرناها وكان كل اللى فى السوق صينى ودوخت على ما جبت وحده استيراد انضف كتييييييييييييييييييييييي ر

تفتكر فعلا المياة الخضراء هى السبب؟

**kh_talaat** · 21-05-2008 11:20 AM

الراجل عمل ايه..؟؟
جاب قزازة خل.. و حطها في القربة.. و ساب العربية دايرة شوية..
و بعدين بطل.. و نزلنا المية كلها و كانت لونها صدا خالص.. و حط مية تانية من غير خل
وبعدين حطيت مية حمرا.. اللي هي

خل ؟؟ إية نظام الخل دة ؟؟؟ أول مره أسمع عن الموضوع دة
يا ريت توضح أكتر عن فوائد الخل في تنظيف الرداتير يا باشمهندس Ahmad Allawy

**Ahmad Allawy** · 21-05-2008 12:46 PM

المشاركة الأصلية كتبت بواسطة kh_talaat

خل ؟؟ إية نظام الخل دة ؟؟؟ أول مره أسمع عن الموضوع دة
يا ريت توضح أكتر عن فوائد الخل في تنظيف الرداتير يا باشمهندس Ahmad Allawy

(بيتهيألي و مش متأكد )
الخل حمض بس حمض ضعيف مش قوي..
لما بيتخفف في مية كتير زي مية الردياتير دي..
بيدوب اي املاح و صدا ممكن تكون موجوده في دورة التبريد..
و بينضفها.. و فعلا اللي لاحظته ان حتي قربة المية نضفت جدا بعد الغسلة دي..

انا برضه استغربت الموضوع قوي اول مرة اشوفه..بس عرفت منه انه عارف الموضوع ده من ايام التوكيل..

الموضوع محتاج مقابلة مع المهندس فادي يشرحلي الموضوع او مكالمة علي روقان افهم منه..

**ENG\AHMED** · 21-05-2008 03:13 PM

المشاركة الأصلية كتبت بواسطة mimysheckles

انا حصل معايا الموضوع ده بالظبط وكان الموتور هيودع عشان ما اخدتش بالى من الحراره بس الحمد لله لحقته
بتاع الريداتير ورانى العلبة البلاستك اللى على الجنب فيها شرخ بسيط وقالى ده عمر افتراضى
طبعا غيرناها وكان كل اللى فى السوق صينى ودوخت على ما جبت وحده استيراد انضف كتييييييييييييييييييييييي ر

تفتكر فعلا المياة الخضراء هى السبب؟

اللى انا شوفتة عندى دة كان بسبب المية لأن مكان التسريب لما المية نشفت كانت عاملة مادة غربية لونها محمر وكمان قبل الموضوع دة بكام يوم لما فتحت القربة كانت المية شكلها غريب وحتى لما تبل صابعك منها تحس انها مش مية عادية عاملة زى ميكون عليها زيت او حاجة مش طبيعية ف دة استحالة تبقى مية خضرا

**Ahmad Allawy** · 21-05-2008 03:16 PM

المية الحمرا بتاعت كالتكس دي علي فكرة اللي قولتلكم عليها ملمسها دهني شوية..
يعني زي ما تكون عليها زيت او هي نفسها زيت خفيف..
وده نتيجة ان عليها اضافات و مواد بتحسن الخواص التبريدية بتاعت المية..
يعني ده مش عيب فيها.. بيتهيألي ان ده الطبيعي ان يبقي ملمسها مزيت كده

**M_55** · 21-05-2008 08:15 PM

يعني دلوقتي المفروض نعمل ايه ونحط مياه لونها ايه زرقاء ولا خضراء ولا عادية
والموضوع ده كان بيتكلم عن المياه والوانها بس برده اريد ان اعرف القرار الصائب
http://www.nilemotors.net/Nile/showthread.php?t=553
انا عربيتي فيها مياه خضراء ، اعمل اي ؟ه

**Ahmad Allawy** · 21-05-2008 08:37 PM

هات اهم حاجة مية من مكان محترم و حاجة ليها اسم..
مش من تحت بير السلم..

**ENG\AHMED** · 21-05-2008 10:10 PM

المشاركة الأصلية كتبت بواسطة Ahmad Allawy

هات اهم حاجة مية من مكان محترم و حاجة ليها اسم..
مش من تحت بير السلم..

جنت بجيب انواع مستوردة وبردة مفيش فايدة الناس مسابتش حاجة غيرلما غشيتها

**Ahmad Allawy** · 22-05-2008 12:45 AM

مش موضوع مستورد..
بس هي الفكرة انك تشتريها من مكان محترم و مشهور..
يعني تجيب مية موبيل من محطة موبيل..
او تجيب كالتكس من محطة كالتكس..
مش هيبيعوا في المحطة حاجة مغشوشة..

**ENG\AHMED** · 22-05-2008 10:21 AM

المشاركة الأصلية كتبت بواسطة Ahmad Allawy

مش موضوع مستورد..
بس هي الفكرة انك تشتريها من مكان محترم و مشهور..
يعني تجيب مية موبيل من محطة موبيل..
او تجيب كالتكس من محطة كالتكس..
مش هيبيعوا في المحطة حاجة مغشوشة..

كنت بشترى على طول من وطنية اللى ورا شيراتون ... المشكلة مش فى المكان المشكلة فى الضمير اللى بقى استك يعنى مثلا اية اللى ضمنك ان المية دية مش مية حنفية , بلاش مية مقطرة ومظبوطة مفيش مشكلة بس نسب الخلط مش مظبوطة ...حاجات كتير والواحد قرف من موضوع الحاجات المضروبة عارف لو يحطلك دة ويحط دة ويقولك دة بكذا ودة بكذا وانت حر تشترى اللى يعجبك انما يغش الحاجة ويحطها بسعر الاصلى ويحلفلك انها اصلى

الموضوع: المياة الخضراء

LinkBack

أدوات الموضوع

عرض

-

-

-

-

-

-

المواضيع المتشابهه

المياة الخضراء

صدأ المياة الخضراء

المياة الخضراء

سؤال عن المياة الخضراء

سوءال عن المياة الخضراء

الكلمات الدلالية لهذا الموضوع

المفضلات

المفضلات

ضوابط المشاركة