المياة الخضراء

**ENG\AHMED** · 20-05-2008 08:51 PM

المياة الخضراء اللى موجودة فى السوق معظمها مضروب وبيبقى محطوط عليها نسبة حامض (ماية نار) غالبا علشان تمنع الصدأ والنتيجة انها بتبوظ وش السلندر والرادياتير والوصلات

حصلت معايا من فترة كنت بفتح القربة ابص على المية لاقيت المية شكلها مش طبيعى زى ميكون عليها زيت او حاجة حتى ملمسها نفسة مش طبيعى لما تبل صابعك منها وبعدها بكام يوم العربية كانت بتنقط مية من الرادياتير روحت لواحد بتاع رادياتيرات فكة لقى الجنب البلاستيك riser بيسرب والغريب ان مكان التسريب لما المية عاملة مادة حمرا وهو اللى قاللى على الموضوع دة وورانى رادياتير نيو شيروكى بايظ بردة بسبب نفس الموضوع

يااما تحط مية عادية ياما مية مقطرة وفى حل تانى لو عايز مية خضرا بس دة محتاج روقان انا شخصيا كنت بعملة بس بقيت باستسهل واجيب مية خضرا بس شكلى هعملة تانى
اشترى مية مقطرة من البنزينة واشترى علبة اثيلين جليكول لوحدها وهى المادة اللى بتدى لون للمية ووظيفتها انها بترفع درجة غليان المية وخلطهم ببعض وهتلاقى التعليمات على علبة الاثيلين جليكول واهمل مية خضرا (بس هات نوع اجنبى بلاش مصرى علشان النتيجة معروفة)

**ahmedmaklad** · 20-05-2008 09:03 PM

ايه يا عم انت هتخوفني ليه هتخليني انزل ارمي المية اللي لسه حاططها يوم السبت هو الراجل قالي دي ميه خضرا سعودي و حاجات كدة و انضف حاجة كانت الجركن ب 25 جنيه و حط علية ميه عادية انت خوفتني دلوقتي طب اعمل ايه افضي الميه دي يعني و لا اية
و بعدين حكاية الميه البايزة دي من امتي

**ENG\AHMED** · 20-05-2008 09:11 PM

المشاركة الأصلية كتبت بواسطة ahmedmaklad

ايه يا عم انت هتخوفني ليه هتخليني انزل ارمي المية اللي لسه حاططها يوم السبت هو الراجل قالي دي ميه خضرا سعودي و حاجات كدة و انضف حاجة كانت الجركن ب 25 جنيه و حط علية ميه عادية انت خوفتني دلوقتي طب اعمل ايه افضي الميه دي يعني و لا اية
و بعدين حكاية الميه البايزة دي من امتي

جركن مدور ونسبة التركيز 40% ؟؟؟
بص انا بقول على اللى شوفتة واللى الراجل قالة...الاضمن انك تغيرها 25 جنية ولا وش سلندر وللا رادياتير؟!!

**ahmedmaklad** · 20-05-2008 09:14 PM

طب منين الميا المقطرة دي و الايثيلين ده و بعدين دول مش 25 جنية و 20 جنية تنضيف الموتور و هندفع تاني تغيير و تنضيف
البنزين خرب بيتنا

**smsmbakr** · 20-05-2008 09:17 PM

شكرا ياباااااااااااااااااااشا

**ENG\AHMED** · 20-05-2008 09:18 PM

الاتنين من اى ماركت بتاع بنزينة
وممكن مادام انت لسة منضف علشان متدفعش تانى هتلاقى خرطوم رفيع طالع من الطرمبة من فوق هاتلاقية قدام الموتور من ناحية الرادياتير دور العربية وفكة وافضل زود مية عادية على طزل لحد لما تلاقى المية اللى طالعة من الخرطوم بقت مية صافية مش ملونة واملاها مية عادية وخلاص

معلش بس هيا دى بلدنا هنعمل اية انا قلت انبة احسن لما تعمل مشاكل مع حد وتبوظ حاجة

**bluegene** · 20-05-2008 09:19 PM

أنا لسا من فترة كلنت عندي نفس المشكلة برده و كان الردياتير اتخرم بسبب المياه الخضرة الزفت دي. الراجل الللى بيصلح الردياتير شفنا زى حبر أخضر كده أماكن التسريب و قاللى نفس الكلا م إن ألاحماض هى السبب..فيه ناس فى المنتدى قالوا إن أحسن مياه ميه mobil....مش عارف
يا ريت أستاذ noname أشتري علبة اثيلين جليكول منين و سعرها كام؟

**ENG\AHMED** · 20-05-2008 09:22 PM

والله مفيش حاجة مضمونة فى البلد دى والاضمن لو عايز مية خضرة اعملها بايدك ادام عينك احسن

سعر اليثيلين جليكول والله مش فاكر الكلام دة كان من فترة بس ممكن ابقى اشوفة واقولكم على النوع والسعر

**Yarisawy** · 20-05-2008 11:17 PM

فيه مياه خضراء نوعها شل وموبيل متهيألى دى نظيفه

**Ahmad Allawy** · 21-05-2008 09:15 AM

اناهاقولكم علي تجربتي الشخصية..
بس المية مكانتش خضرا..
انا اول ما اخدت العربية.. غيرت شوية فلاتر و زيوت و سيور و الكلام ده..
وغسلت الردياتير و غيرت المية في دورة التبريد كلها..
الراجل عمل ايه..؟؟
جاب قزازة خل.. و حطها في القربة.. و ساب العربية دايرة شوية..
و بعدين بطل.. و نزلنا المية كلها و كانت لونها صدا خالص.. و حط مية تانية من غير خل
وبعدين حطيت مية حمرا.. اللي هي بتعت كالتكس..
الجركن 5 لتر بحوال 50 جنيه.. والحمد لله زي الفل..مش بتقل ولا العربية بتسخن خالص..