الموضوع: حل نهائى لسخونة الاوبل ( والله اعجاز ) هدية الصيف

انا المشكلة دى عندى فى الاوبل ال2000 cc موديل 95
لما بشغل التكيف و الحرارة بتكون عالية و على المحور مثلا فى وقت من الساعة 2 ال 5 يعنى المشى تاتا تاتا الحرارة بتوصل عندى ال98 و بكون قلقان جدة و بضطر اقفل التكيف
لكن الملحوظة كمان انى لما بشغل المروحة بتاعة التكيف العالية العاربية بتجيب ال100 حرارة
مع العلم انى عامل موضوع الارضى دى فى مقار السنى الى فاتت و كدة و الحال احسن كمان من الاولز
دانا من زهقى من الموضوع دة بفكر ابيع العربية واركب اى حاجة حتى لو كورى بس استريح من هم الحرارة
حد عندة رأى او مشورة
و اكون شاكر لو حد بس يرن لى على الموبيل وانا اكلمة 0101617036
وشكرا

والله المشكلة اللى انت بتقول عليها دى بردة كانت عندى بالظبط بس مش حسيت بيها غير لما نزلت القاهرة وبقيت اشغل التكيف على السرعه البطيئة يمكن مكنتش بحس بيها هنا فى شرم علشان الطرق مفتوحة وعمرك ما بتمشى تاتا تاتا بس اول مانزلت القاهرة حسيت بالمشكلة دى قوى ورحت لمحمد بتاع صقر قريش وحل المشكلة دى خالص وبقيت اشغل تكيف على الفاضى والمليان

العيب كان الارضى للمروحة + طبة المياه كانت بتسرب

حاجة اعملها قبل اى حاجة شوف دورة المياه فيها هواء ولا حاجة

الزيت عندى لونة بيتغير بعد ال 3000 كلم - و لما استعملت الشل البلس فضل لل 4000 لزنة زى ما حطيتة - حتى انى عملت بية 7500كلم و لما كشفت عالية فى شل بالصدفة و كنت راجع من سفر طوالى عامل 457 كلم على سرعة 100 / 120(بالمناسبة استهلاك البزين فى الرحلة دى كان 25 لتر) قالو لى فى المحطة انة مستهلك بنسبة 33 % بعد 7500 كلم - حتى الولد الى كشف على الزيت مصدقش انى عامل بية 7500 و انة البلس مش وان 1
اما بلنسبة للمياة فانا بغيرها كل سنة فى شهر 5 كالعادة بالمياة الزرقة بتاعة شل - و بتنزل نضيفة برضة - بس الحقيقة بتحتاج ازودها كل اسبوع حوالى كوباة كدة لان القربة فيها شرخ فى بزبوز خرطوم خفيف يعنى
اعملية فعلا محيارانى بس بقول الى يسرى على الاوبل يسرى عالية و ساكت لحد ما اغير خالص و خلاص
بالنسبة لطلمبة الميا انا مغيرها من 3 سنوات فى مقار - هل تعتقدو انها خلصت و استهلكت ؟ و مش بتدور دورة المياة بكفائة ؟؟؟
بالنسبة ل محمد بتاع صقر قريش فين و العنوان اية؟ و التليفون لو سمحت يا أمير و كمان صقر قريش بتاعة الشيرتون و لا المعادى ؟؟؟؟؟؟؟
شكرا لكل الاخوة الى اهتمو بالموضوع ا

المشاركة الأصلية كتبت بواسطة ADM

الزيت عندى لونة بيتغير بعد ال 3000 كلم - و لما استعملت الشل البلس فضل لل 4000 لزنة زى ما حطيتة - حتى انى عملت بية 7500كلم و لما كشفت عالية فى شل بالصدفة و كنت راجع من سفر طوالى عامل 457 كلم على سرعة 100 / 120(بالمناسبة استهلاك البزين فى الرحلة دى كان 25 لتر) قالو لى فى المحطة انة مستهلك بنسبة 33 % بعد 7500 كلم - حتى الولد الى كشف على الزيت مصدقش انى عامل بية 7500 و انة البلس مش وان 1

تقصد اية بلسة زى ماهو؟؟ لو لونة زى مهو دى مش ميزة بالعكس لما لونة يغير دة دليل على انة بيقوم بوظيفتة لأنة المفروض بينضف اى رواسب موجودة فى الموتور وينزلها الكارتيرة بجانب تزييت الموتور طبعا

المشاركة الأصلية كتبت بواسطة ADM

اما بلنسبة للمياة فانا بغيرها كل سنة فى شهر 5 كالعادة بالمياة الزرقة بتاعة شل - و بتنزل نضيفة برضة - بس الحقيقة بتحتاج ازودها كل اسبوع حوالى كوباة كدة لان القربة فيها شرخ فى بزبوز خرطوم خفيف يعنى
اعملية فعلا محيارانى بس بقول الى يسرى على الاوبل يسرى عالية و ساكت لحد ما اغير خالص و خلاص
بالنسبة لطلمبة الميا انا مغيرها من 3 سنوات فى مقار - هل تعتقدو انها خلصت و استهلكت ؟ و مش بتدور دورة المياة بكفائة ؟؟؟
بالنسبة ل محمد بتاع صقر قريش فين و العنوان اية؟ و التليفون لو سمحت يا أمير و كمان صقر قريش بتاعة الشيرتون و لا المعادى ؟؟؟؟؟؟؟
شكرا لكل الاخوة الى اهتمو بالموضوع ا

ممكن تكون القربة هى السبب فى موضوع السخونية دة لأن دورة المية هنا المفروض مضغوطة pressurized
جرب غير القربة او روح لحد بتاع رادياتيرات بيكسر البوز دة وبيركب واحد نحاس بقلاووظ ونضف دورة المية وبالمرة بص على المراوح ووصلاتها واتاكد انها شغالة

طلمبة المية عاملة كام كم؟؟