الموضوع: رابطة الوحوش ملاك السيفيا (ج2)

المشاركة الأصلية كتبت بواسطة ابو ليلى

هو الناس اللى اتكرمت هنا راحت فين يابتوع المغارة اخرجو شوية الجو بره جميل .

الرابطة محسودة اليومين دول يا أبو ليلى والناس اغلبهم غايبين

بالمناسبة هو مش المفروض الموضوع يتقفل ونعمل جزء ثالث ؟

وماتنساش علشان يظبطوك زيادة تقولهم انك جايلهم من طرف رابطة الكيا سيفيا وقله انا من طرف عصام الابيضانى أبو نضارة واحمد الجندى اللى كان لسه جايب منكم المارشدير وموتور المارش

معلش أنا غلطت وعكست انا جيبت المارش وموتور المارشدير

المشاركة الأصلية كتبت بواسطة zomprakes

باشا حضرتك بتتكلم جد دا مافيش وجة للمقارنة ال abs فارق كتير و احسن حاجة غاجباني في العربية ال abs ولا حضرتك معاك الفرجن اللي مافهوش الabs

ايون هوه الفيرجن اللى من غير abs بس لان حالة العربية كانت كويسة وخسارة كنت افرط فيها عشان ال absواسيبها تروح منى وانت عارف العربيات دى فرص بقى

المشاركة الأصلية كتبت بواسطة zadgo

السلام عليكم ويارب يكون يوم سعيد عليكم وعلى مصر ان شاء الله
محتاج منكم شوية نصائح كده وياريت تساعدونى

1- كنت عاوز اعمل غطاء تفصيل للعربية عشان العربية لتهرت من الشمس خلاص قياريت لو حد ينصحنى ويكون سعر مناسب لانى سمعت اسعار مبالغ فيها شوية 400 جنيه.

2- كنت مسافر من 10 ايام كده والجو كان حر جدا وقت الظهر كده فركنت ونزلت اشترى حاجه مفيش 5 دقائق ورجعت ادور العربية مش بتدور خالص مفيش كونتاكت لكن البطارية سليمة قعدت حوالى نص ساعه قلت خلاص مفيش امل وبعدين جيت ادور راحت دارت الحمد لله ومن وقتها لم يتكرر ومش عارف ايه السبب فهل ممكن تكون السخونة ولما سبتها بردت شوية اشتغلت...ياريت حد يفيدنى

3- العربية سحبها كويس الحمد لله بس ساعات لما بقف كتير فى الزحمة يعنى مابين الغيار الاول والتانى وبعدين الطريف يفتح الاقى العربية مش بتجمع معايا خالص وسحبها بطىء وممكن صوت الموتور يعلى شويه لدرجة ان الناس اللى ورايا بتقعد تزمر وبتكون متضايقه لانى ماشى تاتا فامش عارف ممكن يكون ايه السبب ياريت برده تفيدونى لانى مش بحب استغلال الميكانيكية ويقعدوا يجربوا لحد ماتصيب معاهم فبحب اكون فاهم وانا بعمل الحاجة.
وشكرا لكم مقدما

يعنى مفيش ولا حد عاوز يرد عليا..شكرا يارجاله السيفيا ولا علشان معايا شوما يعنى !!