الحمد لله رجعت يوم الأربع من أجازة فى العين السخنة و مكنتش عاوز أرجع
المهم قبل السفر كنت بفكر أغير الفردتين القدام ...أنا كده كده كنت عاوز أغير الأربع فرد من ساعة ما اشتريت العربية
نزلت و لفيت شوية و علشان الوقت المضغوط قبل السفر و قررت تغيير الأربع فرد مع بعض علشان اشترى دماغى و تبقى العربية موزونة و أنا مطمن و اقتناعى بأهمية العجل الخلفى زى الأمامى
المهم قررت أجيب كاوتش اسمه achillis
و جبته من وكيله ممدوح غطاطى قدام مترو ماركت اللى عند أخر شارع جنينة مول
الفردة صناعة اندونيسى و طرية و محترمة الصراحة
بس اللى شغالين هناك و لا فاهمين أى حاجة فى الترصيص (كانو بيزودوا العجلة رصاص لحد أما قراءة جهاز الترصيص تصفر)
المهم الفردة عملت 420 شامل الترصيص و التركيب طبعا
بعد التركيب أكيد العجلة فرقت فى الفرامل و الصوت على الأسفلت هدى و الإحساس بالنقر و الحتت المكسرة بقى أقل (الكاوتش القديم طلع خلصان خالص و مشقق وحالته وحشة و أنا كنت بمشى بيه على 140 )
مبروك عليك الكاوتش ربنا يديك خيرهم
أنا اليومين دول برضو عمال اقارن علشان حاغير الاربع فرد... بس اشمعنى النوع ده جيبته وسيبت الكومهو أو الهانكوك مع انهم اشهر وناس كتير شكرت فيهم وفى نفس رينج السعر ؟
رحلتى مع الالفا روميو156 : http://www.nilemotors.net/Nile/359168-156.html
رابطة ملاك الكيا برايد : http://www.nilemotors.net/Nile/211218-a.html
مبروك عليك الكاوتش ربنا يديك خيرهم
أنا اليومين دول برضو عمال اقارن علشان حاغير الاربع فرد... بس اشمعنى النوع ده جيبته وسيبت الكومهو أو الهانكوك مع انهم اشهر وناس كتير شكرت فيهم وفى نفس رينج السعر ؟
و الله هى كانت مع واحد صاحبى و كان بيشكر فيها و معاه بقالها 20 ألف و الوقت كان مزنوق و ملاقتش المقاس اللى أنا عاوزه عند أشرفكو اللى فى مدينة نصر
فا توكلت على الله و جبتها
تم غلق الموضوع ويتم فتح موضوع اخر يحمل نفس العنوان ( ج 3 )
مشرف 3ب
21/4/2012
1.20am
المفضلات