الموضوع: رابطة الوحوش ملاك السيفيا (ج2)

انت تانى يا عصام طيب ونويت على ايه من بعد ما تبيعها ؟

على العموم لو ناوى خلاص قول ناوى تبيعها على كام بس متضربش قوى يا عص يمكن ربنا يريد يكون ليا فيها نصيب ..... بالمناسبة هى عربية اخوك سيفيا برضو ؟

المشاركة الأصلية كتبت بواسطة الغزالى

هههههههههه ... يا راجل يا طيب هوا واخوه ... معاهم نفس العربيه ... السيفيا النبيتى بتاعت عصام هيا هيا بتاعه اخوه .... والنسبه للعربيه التانيه هوا لسه مقررش هاجيب .. ايه هابيع دى الاول وبعد كدة يشوف هايجيب ايه ... وان شاء الله يجلعها من نصيبك

يادى الكسوف

طيب حد منكم يلافينى ببيانات عن العربية

ان شاء الله يا احمد نويت انا فعلا كنت منتظر بس افكر تانى كويس لان خايف بصراحه ابعها مش اعرف اجيب حاجه كويسه
او ابعها واقول يا رتنى وكمان عشان الفلوس

هو التغيير على حسب فلوسك بس أنا مثلا كنت بفكر من بعد السيفيا فى الهيونداى النترا موديل 2005 العربية دى تحفة وفيه برضو بروتون بيرسونا كويسة بس مشاكلها فى التوكيل وقطع الغيار وال bmw 316 موديل حاجة وتسعين العربية دى قطع غيارها رخيصة بشكل غريب أو بقى تجازف وتجيب الفا روميو واستمتع.... طبعا بمجرد ذكر الالفا روميو حلاقى غزالى ناطط وعمال يتحسر

انا لحد امبارح والله مكنش فى دماغى حاجه بالعكس كنت لسه راجع من بره بيها ومبسوط منها وكنت لسه مدلعها وجايب mp3
وبعدين قاعد بتكلم مع اخويا وانا واخويا مفيش غيرها بس اخويا تقدر تقول كدا مش بيركب العربيه غير فى المناسبات وحتى لما بيركب بيقعد جمبى

المهم انى فتحت الموضوع واقنعتوا اننا نبيع وبعد كدا نشوف لان هنسعى فى الشرا اكتر نويت على ايه معرفش والله ربنا يسترها

أنت خد وقتك فى قرار البيع واستخير وسيبهاعلى ربنا

ههههههه وبعدين يا احمد انت اصلا متعب وبعدين انت جيت كذا مره وشوفت العربيه وعارف الى فيها وحتى هتلاقى كل حاجه عملها فيها فى المشاركات بتعتى هيا موديل 2001 فابريكه جوة وراشه حزام ورخصه 3 سنين وانا والله عاوز اعمل موضوع عن كل حاجه فيها بس مش جيلى قلب بس ان شاء الله هبقى اعمل كل حاجه عنها
وبعدين مش فاكر انت سوقتها ولا صقر بصراحه ولو ليك انت يا احمد من غير فلوس هات 60000 بس

يا عم ولا متعب ولا حاجة أنا عايز عربية تعيش معايا حبة حلوين لانى مش من النوع اللى بيحب يغير كل شوية يعنى طول ما هيا مريحانى طول ما هيا معايا .... يعنى كل اللى مركز عليه حالة كويسة وعداد ما يبقاش كتير قوى علشان لو جيت ابيعها

وعلى فكرة المرة اللى فاتت انا جربت عربية ماكس وصقر وعربيتك يادوب ركبتها علشان ابص عليها من جوة

وبالنسبة للسعر ان شاء الله مانختلفش أنا مش بتاع فصال انا ممكن اخدها منك على 30000 بيتهيألى المبلغ مش بعيد قوى من اللى أنت طالبه شوفت بقى أنا مش بتاع فصال ازاى

يا عصام عيب عليك السؤال ده أنت عارف انى كنت ناوى على السيفيا من بتاع سنة

على العموم أنا الاسبوع ده نازل شغل فى الاجازة فمش حاينفع اقابلك ممكن اظبطها الاسبوع الجاى إن شاء الله أو لو انت نازل قريب من التوفيقية ابقى اشوفك