رابطة الوحوش ملاك السيفيا (ج2)

**mas0h** · 31-12-2011 08:11 PM

ياجدعان حد مركب او عاوز يركب عدسات؟ الموضوع مشعشع فى نفوخى.

**the9ranger** · 31-12-2011 08:25 PM

معلش انا عندى سؤال علشان عربيتى هتجننى لمبه التشك تكون مطفيه وفجأه وانا ماشي تنور و شويه وتضفى تانى ورحت للكهربائى قالى مهمى مطفيه اهو وكلو تمام ومجرد ممشيت عندو نورت جيت ارجعلو طفت تانى هتجننى ومش فاهم فى ايه

**the9ranger** · 31-12-2011 08:26 PM

ومفيش حد عندو كهربائى كويس بيفهم فيها ويكون قريب من الهرم لحسن موضوع اللمبه دى مجننى

**roland_yamaha** · 31-12-2011 09:36 PM

المشاركة الأصلية كتبت بواسطة dody_jaja

ازيكم ياجماعة عاملين ايه
اولا مبروك ع الجزء التاني عشان انا كان بقالي كتير مش بدخل ع المنتدى ، بس انتوا عارفين الواحد بيفتكر المنتدى اول مابيحصله مشكلة في العربية
انا امبارح المقص الامامي الشمال اتكسر وانا ماشية ع الدائري، وطبعا مش هقولكوا ع البهدلة الي الواحد شافها لحد مالقيت ونش يشيل العربية
المهم حد معرفة ساعدني وجابلي عفشجي يصلحها، وفك المقص المكسور، الصنايعي قالي ان المقص دة نوعه كويس والافضل انه يتلحم، وهيكون احسن من الجديد عشان الجديد خامته اخف، انا خليت حد راح لحمهولي فعلا وعمل سبيكة تقوية للمقص والصنايعي قالي كدة ممتاز
المشكلة اني لما رحت لبتاع العفشة الي بتعامل معاه قالي لا مينفعش لحام في المقص ولازم تغيريه والمقص اليمين كمان محتاج تغيير
مش عارفة بقا اعمل ايه؟ الي لحمهولي ملهوش اي مصلحة غير انه بيساعدني قاعد يأكدلي ان بتاع العفشة بيعمل شغل وان المقص كدة ممتاز وعاوز ياخد المقص اليمين هو كمان يلحمهولي؟ وطبعا انا مش عاوزة اتبهدل تاني ع الطريق
ايه رايكم ياجماعة
وياريت لو حد يعرف سعر عصايا الفتيس الي في العربية من تحت كام؟ وممكن الاقيها فين عشان مش لاقياها عند حلمي سليمان

حضرتك فكرتيني باللي حصلي بالظبط المقص الشمال كسر مني بس حظي كان كويس مكنتش ماشي سريع جبت ونش طبعا ولهف 150 جندي مع اني كنت قريب من البيت المهم غيرته بواحد جديد احسن وبعديها ب3شهور راح اليمين مكسور هو كمان وغيرته بواحد جديد برضو فاحسن حاجة ريحي دماغك وهاتي جديد

**Esam Mosaad** · 31-12-2011 10:15 PM

معلش انا عندى سؤال علشان عربيتى هتجننى لمبه التشك تكون مطفيه وفجأه وانا ماشي تنور و شويه وتضفى تانى ورحت للكهربائى قالى مهمى مطفيه اهو وكلو تمام ومجرد ممشيت عندو نورت جيت ارجعلو طفت تانى هتجننى ومش فاهم فى ايه

اطلع على محمد السيد فى الدقى كهربائى كويس جدا ومعاه سيفيا وناس كتير هنا اتعملت معاه
وحتى لو اللمبه مطفيه هيحطهالك على الجهاز ويشوفلك الكمبيوتر مخزن ايه
http://www.nilemotors.net/Nile/75433-a.html

**Ahmed_Ramadan** · 01-01-2012 07:22 PM

إمبارح رحت لجورج ..أنا كنت كلمته الصبح قلتله عندى طقم سيرفيس عاوز أعمله و ديه كانت النية فعلا بس شغله مغرى أنك تطمع فى المزيد

وصلت عنده الساعة 2 بعد شوية توهان علشان أول مرة أروحله (المشوار بعد أما عرفته مأخدش منى 30 دقيقة)

الشغل:
بعد أما سلمنا و دردشنا فتحنا الكبوت طلعت طقم السيرفيس اللى كنت جايبه بقالى أكتر من أسبوعين و استنينا أما العربية تبرد شوية وبدأنا الشغل

-طقم السيرفيس:
فك مدخل الهوا اللى فوق الردياتير و فك غطاء التاكيهات و ابتدى يفك فى غطاء الكاتينة القطعتين اللى فى جنب الموتور
فك السيور و فك الترس اللى تحت خالص علشان كان مليان طين علشان كارتيرة الموتورعندى مش موجودة و قعد يغسل و يغسل و يغسل و غسل مدخل الهوا اللى فوق الردياتير بالبنزين و الجاز و قال كده تمام

بعدين بص على بلى الكاتينة قالى لازم يتغيروا ....قولتله مش مهم دلوقتى المرة اللى جاية بقى قالى مش هينفع علشان خشن....طيب إيه يا عم قالى خد تاكسى و روح للجندى بتاع مصر الجديدة هات الحاجة و طقم سلوك بوجيهات و أنا شايل هم المشوار

المهم خرجت على اول الشارع و وقفت تاكسى سبحان الله وصلنا بسرعة جدا و قالى هستناك علشان مش هتلاقى تاكسى يرضى يرجعك الزاوية تانى....و الحمد لله المشوار تم

رجعت لقيته مخلص تنضيف وقاعد بيشرب شاى و مستنينى و لقيته كمان نضف الجزء اللى تحت جوان التاكيهات كان موجود عليه بواقى من جوان قديم قعد يكشطها و صنفرة و شغل نضافة تمام .....الصراحة أنا مكنتش هعمل كده و كنت هكسل بس هوه حابب الشغل و ربنا يكرمه و يفتح عليه

المهم شافنى راح واخد منى الحاجة و نزل تحت العربية قعد يركب الترس اللى كان فكه بينضفه تحت و ابتدى يركب و يظبط الدنيا و قفل غطاء التاكيهات........تتبع

**Ahmed_Ramadan** · 01-01-2012 07:57 PM

كده المفروض إن باقى فلتر البنزين و خلاص .... قولتله بقولك إيه يا جورج انا عاوز أنضف الرشاشات زى عصام إشمعنى هو يعنى قاللى من عينيا اصبر بس
البوابة و الرشاشات:
المهم قعد يدور عنده على علبة المنظف ملاقاش روحت أنا و هو عند محل صغير قريب من عنده جبنا علبة منظف و علبة WD40 و ابتدى الشغل
البوابة
فك البوابة و طلعها بره و لقيناها متنضفة من بره بالطريقة العادية من اللى هى ترش على البوابة و العربية دايرة و تزود بنزين...المهم طلعها بره خالص و ابتدا تنظيف بالمنظف و الWD40 و اشتغل تسليك و مش عاوز أقولكوا على كمية السواد اللى كان فىها خصوصا جزء صغير كده عبارة عن ماسورتين صغيرين واصلين ببعض الوصلة ما بينهم كانت مسدودة خدت منه مجهود عقبال أما نضفها و بقت سالكة زى الحلاوة

المهم بعدها طلع الرشاشات و خلع واحدمنهم من مكانه و قعد بحقنة يحط خليط من المنظفين الى جبناهم و قاللى جو العربية و دور لحد اما أقولك كفاية....أول مرة قعدت أدور لحد اما قاللى بس , كررنا الموضوع ده مرتين لحد أخر مرة و انا فى العربية جوه و هو واقف عند الكبوت شوفت زى رذاذ كتير طالع من الكبوت و للأسف هو مكانش واخد باله فى خد شوية فى عينه و بقه فضلو حارقينه لحد أخر اليوم
المهم قاللى كده خلاص تمام و قفل الرشاشات و البوابة و فلتر الهوا و الجزء بتاع المدخل و قفل الموتور كله

قاللى كده فاضلك فلتر البنزين و تربيط العفشة ......قولتله لأ و كمان فبر الفتيس أنا جايبلك 4 علشان يتغيروا بالمرة بصلى بتعب كده و قاللى ماشى .....أنا برضه كنت تعبان بس قولت فرصة صنايعى عنده ضمير مينفعش أسيبه غير أما يخلص كل العربية

المهم عقبال أما نزل غير فلتر البنزين الساعة بقت 11.15 طبعا بعد شوية تليفونات علشان الحاج و الحاجة قلقانين من المنطقة هناك و أنا كنت زيهم فى الأول بعد كده خلاص كله بقى تمام قولتله نكمل بكره ...قاللى تمام كده أحسن و روحت

تانى يوم كنت عند الورضة الساعة 11.30 الصبح كلمته جه و فتح و شربنا الشاى

نزل ربط العفشة كلها ( كانت عندى قدام مفكوك شوية و من ورا تمام)
ربط حاجة تحت كده عند عصاية الفتيس و قاللى الفبر عندك زى الفل و حرام تغيره دلوقتى (وفر عليا 30 جنيه تمن 4 فبرات)
خليته بص على قواعد الموتور و زيت الفتيس ....قاللى القواعد شبه جديدة و زيت الفتيس نضيف

كان عاوز بعد أما خلص نروح نغسل الموتور مع بعض عند حد قريب ( بيحب النضافة زى عينيه) كنت مستعجل قولتله أنا هغسله فى بنزينة قريبة من عندى قاللى على حتة كده أبقى أغطيها بكيس تحت الغطاء الفبر بتاع الموتور اللى مكتوب عليه كلمة KIA من الجنب ناحية علبة الفيوزات

بعد أما خلص شغل شكرته جدا الراجل طلع عينه معايا و كان شغال بضمير و يستاهل كل قرش اخده و ربنا يكرمه

**Ahmed_Ramadan** · 01-01-2012 08:13 PM

نسيت أقولكوا

كنت افتكرت و أنا رايحله إن العربية مش بتفرمل كويس بتهد العربية بس (العجل مش بيقفش) ....قولتله بص على فرامل اليد لاقاها طالعة فوق قوى قاللى كدا هنعمل رجلاش فك العجلتين و صنفر و نضف بالفرشة و كله تمام

طلعنا جربناها العربية بسم الله ما شاء الله فاقت جدا و بقت مسعورة عاوزة تجرى و خلاص و قاللى امسك نفسك و راح مديها فرامل و أول مرة من أول ما جبت العربية أحس إن عندى فرامل ظبطت كتير الحمد لله و بقت بتقفش