رابطة الوحوش ملاك السيفيا (ج2)

**Esam Mosaad** · 09-01-2012 08:47 AM

هو انا مقلتلكوش اني غيرت الكبالن من يومين والحياه بقت زي الفل الحمد لله
اشتريتهم من ابو ادهم ب 350 ج وغيرت التيل بالمرة وميه ميه
جدعنه بقى منكم
انا عاوز شرح على قد ما تقدرو للحاجات اللي بينضفها جورج وهو بيعمل الصيانه بتاعتو عشان اخلي الميكانيكي بتاعي يعملها لأن مشوار جورج بعيد جدا عليا وكمان مش هاقدر استنى عندو الوقت ده كلو وكمان الميكانيكي بتاعي عفريت وفاهم جدا وكمان جنب البيت
بس انتو قولولي ايه اللي بيتعمل بالظبط عشان اعرف اتابع معاه برضو ويا سلام لو شويه صور بقى..
ها .. مين اول واحد هيقول بعد عصام؟؟

مبروك يا صقر على الكبالن واضح انك جبتها استيراد
مش عاوز اقلئك بس ربنا يسترها
الموضوع بسيط وجورج مش بيعمل حاجه زياده غير انو بينظف كويس وهوا يشتغل
اغلبيه الميكانيكيه عاوزين يخلصوا من عربيتك عشان يشوفوا عربيت غيرك فعاوزين ينجزوا
فتلاقى هوب فوك ارمى المسامير وهوا شيل القديم وركب الجديد على وسختوا وشحموا وزيته وسلطاته وبعد كدا يركب وتلاقى نسى يركب 3 او 4 مسامير لان الباشا ضيعهم او كسل يوطى تحت العربيه ويقولك تمام يا بيه
جورج لما بتدخلوا لو فاضى انوا يشتغلك صح مش بيمشيك عشان كدا حنا بنكلموا قبل منرحوا بغض النظر عنى طبعا اعتبر صبى عندوا ههههههههههه ما علينا
هوا نظرتوا ان عربيه فى اليوم كفايه مش عشان هوا حاجه بس جروج بيدى الحاجه حقها وبعد كدا بيهنج عشان كدا كل شويه ياخد شويه بريك وده عادى بيجدد النشاط

المهم انو شغلوا نظيف يعنى بيظبط عربيتوا الاول على الجمال وبعد كدا يفك مساميرك فى علبه عشان الحياه تبقى حلوه وبيبقى ليه نظره على الماتور وهوا شغال لو شاف حاجه محتاجه تتنظف او تتغير ولما بيشيل القديم مش بيركب على التراب او الزيت الموجود بينظف كل الكلام ده كويس الاول وبعد كدا بيركب
غير انو بيغسل كل الاجزاء الى بيخرجها كويس عشان يبقى الشغل تمام ده بالنسبه للجزء الخاص بالسيور

لو هتدخل فى الانجكشن بيشيل كل ما يتعلق بيه من بوابه وعم هوا وحساسات وبيبتدى يتعامل معاهم برضوا مره واتنين وعشره وكذلك فك الرشاشات ودمج سائلين من wd40 + منظف الانجطشن وبيضخهم فى الرشاشات مع فصل الموبينه وافتح كونتاكت على الدوير شويه حلوين

المخلص المفيد ان جورج بيشتغل فى عربيتك على اساس انها اول واخر عربيه هيشتغل فيها
مش تتعشم انك تمشى بدرى لازم على 12 او 1 بليل مع حوالى ساعتين الرعبيه واقفه عشان تبرد اول متروح
ودمتم على كدا
دول صورتين واحده لجورج وهوا نايم جوا الماتور

والتانيه لجمب الماتور بعد التنظيف

**حماده المصري** · 09-01-2012 11:21 AM

يا رجاله السيفيا

قدامي سيفيا 2000 مانيوال ممتازه في كل حاجه ورشه خارج نضيف جدا وجنوط وكوتشات جديده والعربيه مانيوال
صاحبها قافش في 43 ب انا حاسس انها غاليه وماشيه 115 الف بس ايه الحل بقى اخر العربيه دي في السعر كام

وياريت لو حد قدامه سيفيا كويسه يقولي

**Ahmed_Ramadan** · 09-01-2012 11:27 AM

المشاركة الأصلية كتبت بواسطة حماده المصري

يا رجاله السيفيا

قدامي سيفيا 2000 مانيوال ممتازه في كل حاجه ورشه خارج نضيف جدا وجنوط وكوتشات جديده والعربيه مانيوال
صاحبها قافش في 43 ب انا حاسس انها غاليه وماشيه 115 الف بس ايه الحل بقى اخر العربيه دي في السعر كام

وياريت لو حد قدامه سيفيا كويسه يقولي

لو حالتها نضيفة جدا زى ما بتقول خلص على 42 و هو هيرضى

**حماده المصري** · 09-01-2012 11:43 AM

ربنا يستر انا هحاول وشاكر ليك ردك السريع

انا خايف جدا من ركوبتها اساسا انا كان معايا النترا 2005 والدنيا لخبطت شويه جبت لانوس بعتها بعدها بشهر وفضلت اني اكون من غير عربيه افضل من اني اركبها

خايف اجيب السيفيا واتدايق وابيعها من المشاكل او الجو ده

**أحمد الجندى** · 09-01-2012 12:52 PM

المشاركة الأصلية كتبت بواسطة حماده المصري

ربنا يستر انا هحاول وشاكر ليك ردك السريع

انا خايف جدا من ركوبتها اساسا انا كان معايا النترا 2005 والدنيا لخبطت شويه جبت لانوس بعتها بعدها بشهر وفضلت اني اكون من غير عربيه افضل من اني اركبها

خايف اجيب السيفيا واتدايق وابيعها من المشاكل او الجو ده

على فكرة أنا ليا واحد زميلى كان معاه سيفيا والنترا نفس الموديل اللى كان معاك وقالى بلسانه انه كان بيفضل يركب السيفيا على الالنترا مع انى مكنتش مصدق بس ده كلامه بلسانه ... فإن شاء الله السيفيا تريحك وتلاقى حاجة كويسة

**roland_yamaha** · 09-01-2012 02:18 PM

المشاركة الأصلية كتبت بواسطة حماده المصري

يا رجاله السيفيا

قدامي سيفيا 2000 مانيوال ممتازه في كل حاجه ورشه خارج نضيف جدا وجنوط وكوتشات جديده والعربيه مانيوال
صاحبها قافش في 43 ب انا حاسس انها غاليه وماشيه 115 الف بس ايه الحل بقى اخر العربيه دي في السعر كام

وياريت لو حد قدامه سيفيا كويسه يقولي

لو حالتها فعلا كويسة خلص فيها 42000 ومتسبهأش

**حماده المصري** · 09-01-2012 02:34 PM

اهو صاحبها بقى قفش وساق الهبل على الشيطنه

قالك انا مش هحركها من مكانها عشان يتكشف عليها ياعم انا لازم اروح مكان ميكانيكي او بنزينه قالي لا انا مش محركها روحت قافش ورفضت

حاجه غريبه اوي يعني ايه مش عايز يحركها من مكانها يعني المفروض اخلص فيها وهي تحت البيت مثلا يعني متحركتش

**حماده المصري** · 09-01-2012 02:35 PM

يا جماعه من فضلكم لو اي حد قدامه سيفيا او شومه شرط انها تكون ممتازه مش فارقه مانيوال او رشه خوارج او لا بس المهم تكون ممتازه ياريت ميبخلش عليا

**أحمد الجندى** · 09-01-2012 02:45 PM

المشاركة الأصلية كتبت بواسطة حماده المصري

اهو صاحبها بقى قفش وساق الهبل على الشيطنه

قالك انا مش هحركها من مكانها عشان يتكشف عليها ياعم انا لازم اروح مكان ميكانيكي او بنزينه قالي لا انا مش محركها روحت قافش ورفضت

حاجه غريبه اوي يعني ايه مش عايز يحركها من مكانها يعني المفروض اخلص فيها وهي تحت البيت مثلا يعني متحركتش

سيبك منه اللى انت عملته صح وان شاء الله تلاقى حاجة احسن منها

-

الموضوع: رابطة الوحوش ملاك السيفيا (ج2)

LinkBack

أدوات الموضوع

عرض

-

-

-

-

المواضيع المتشابهه

رابطة ملاك الكارينز

رابطة الوحوش ملاك السيفيا (ج3)

رابطة الوحوش ملاك الافيو

رابطة الوحوش ملاك السيفيا....الجزء الاول

الى رابطة وحوش السيفيا الحقونى

الكلمات الدلالية لهذا الموضوع

المفضلات

المفضلات

ضوابط المشاركة