الموضوع: رابطة الوحوش ملاك السيفيا (ج2)

انا هجيب لمبتين Osram Night Breaker من واحد فى المنتدى هى 55/60 و بتدى إضاءة أعلى 90% و مش محتاجة كتاوت....إيه رأيك ؟؟

هقولك على حاجه حلوه اوى بس الاول انا عدلت مشاركتى فوق برضوا راجع عليها

انا كنت مركب 200/260 وبرضوا مش متاكد من الارقام اوى تمام لحد ملبه اتحرقت لقيت اللمبه يقولك المانى ب 40 جنيه تمام
ومع ذلك مكنتش بشوف منهم حاجه
لحد مقريت عن الفيلبس رالى وفيلبس اكستريم باور والاوسرام تمام بغذ النظر عن نوع اللمبه ايه

الى جبتها كانت 60/55 والمفجاءه انها ادتنى اضاءه اقوى من 200/260 الى كانت راكبه عندى
وده لان اللمض الاصليه بتنزل لاما 60/55 او 90/100 بعد كدا بتبقى تحت السلم ده كلام الراجل

وعاو اقولك ان كل الى يشوف اللمض بتعتى 60/55 يستغرب من الاضاءه بتعتها هيا كان ناقصها بس اللون الابيض
ومركبها بقالى سنه اهو وشغاله الحمد لله تمام
فتوكل على الله وجبها ومش هتندم بس خالى بالك اللمض مش بترجع وحاول تعرف هتدى اضاءه كام ومدام 90% هتبقى حلوه انا بتعتى ادتنى 30 % بس واضائتها ميه ميه
وابعد عن التنجسرام ابن عمى جبها 60/55 بس هيا h7 وكانت اضائتها اى كلام
وحاول برضوا لو المقابله هتم انك تيجى نتعرف عليك

بإذن الله هتوكل على الله و هجيبها ....بس على فكرة التنجسرام 100/120 تقريبا ممتازة عن تجربة مع صديق ليا بس لازم كتاوت غير كده ملهاش لازمة و ديه الميزة فى الاوسرام و الفيليبس إنها مش محتاجة كتاوت

و للأسف مش هينفع أجى المقابلة علشان عقيقة إبن أخوى يوم الجمعة و الله كان نفسى أجى

خلاص انا راى بكره نبقى عند الراجل ده طالما فيها عقيقه هههههههههههههه

ربنا يسهل العربية عندى عاوز يتعملها كاوتش صباب علشان بتدخن أول ما تشتغل جامد بعد كده الدخان بيختفى تماما ...كلمت جورج قاللى بسيطة كاوتش صباب محتاج يتعمل


و كمان موضوع المروحة اللى بتشتغل بمزاجها و اكتشفت ان الترموستات مش بايظة بس فى حاجة أنا مش فاهمها بتخلى المروحة ساعات تشتغل و ساعات لأ

عاوز راى كبر دماغك اغلبيه العربيات فيها نفس الحوار الى انت بتتكلم فيه ده ومتخفش من نقص الزيت مش هيبقى ملحوظ
الكلام ده لو بتحط زيت 100000 او 15000

بقولك ايه يا صقر هي ايه الاعراض اللي كانت بتحصل عندك قبل ما تغير الكبالن الداخلية وهل ابو ادهم لسة عنده طقم تاني؟

هوا صقر جاب داخلى وخارجى بس ولا داخلى فقط يا هانى
انا فاكر زمان من سنتين كدا جبت داخلى وخارجى ب 450 جنيه
بس طبعا الاسعار دلوقتى اكيد اختلفت
المشكله ان الداخلى موجود منوا اليبانى بس الفرده الواحده عامله 350 جنيه يعنى الجوز ب 700 حرام مش كدا

واكيد هتلاقى ابو ادهم عندوا بدل الطقم عشره

المشاركة الأصلية كتبت بواسطة h a r d

ايوة لمبه واحده عالى وواطى افضل حاجه تجبها عشان مطوس فوانيسك 90/100
بس يكون نوع كويس ومش بتحتاج كتاوت فى هيقولك 260/200 مش متاكد من الارقام وديه اعلى حاجه لو فوانيس اصلى ونوع اللمض كويس مفيش مشكله
وهيبقى 90% عندك كتاوت راكبه ويفضل انك تجيب حاجه فيلبس وده من وجهه نظرى والله اعلم



تصدق بقى انا مفقوع منك اساسا
امبارح نزلت اقابل جماعه اصحابى فى العاشر تمام
مشوار العاشر لذيذ والحياه فله وطبعا هوا كدا كدا طريق اسماعيليه

نزلت العاشر اتخنقت منها لقتها صحراء جرداء بلا زرع او ماء ولاقيت ان اسماعيليه حوالى 50 كيلوا قولنا يلا
و50 كيلوا بمعدل 140 160 بالظبط كنت تلت ساعه هناك
اتصل بيك على 010 غير متاع ادور على رقمك 011 مش لاقى
لان موبيلى فى التوكيل
فين وفين لحد منتا اتصلت اتاريك انت مش انت وطلع حد تانى اتصل لما لاقانى اتصلت بيه
وطلعت ارقامك على التيلفون مش الكارت كان نفسى اشوفك والله

واهو بالمره اعلم عليك فى بلدكوا :p بس الاسماعيليه جميله والله وهاديه
عاوز اقولك وانا رايح بالظبط ساعه ونص والدنيا كانت فاضيه وانا راجع 3 ساعات ونص بسبب الزحمه وكان فى تفتيش

المهم والله غصب عنى انت فاهم انا مقدرش اتاخر وانا اولكوا فىا لمقابلات وخصوصا ديه هتبقى هنا
بس هيا ظروف ومعرفتش اقوله لا اكيد والعربيه مطلعه عينه والله يا ماكس وهوا ميعرفش غيرى

ان شاء الله لو مش هنروح بعربيتى زى مقولتلكوا هدى مفاتيح الجراج والعربيه وكذلك مفاتيح الشقه لغزالى
الشقه بتدخلها من الجراج مفيهاش حد منها تقعدوا تستريحوا وتداروا من البرد وبرضوا لو عاوزين تطبخوا يبقى ريحتوا دماغوا من الخناق والكل يبشارك بس محدش يشارك فى الحمام او السرير عشان محدش يفهم غلط

وانا هشوف انهارده هوا هيقولى ايه وناوى بكره يروح ازاى ويعمل ايه

هههههههههههههه
حظك وحش حتى لو كنت لقيت رقمى مكناش هنتقابل
عشان انا معرفش حاجة عن الاسماعيلية بقالى يجى سنة
و كمان من ساعت ما فسخت خطوبتى و انا مبروحش اصلا
ههههههههههه

يعنى المهم هنعمل اية يوم الجمعة عشان نعرف هنيجى ولا لا ؟؟