الموضوع: رابطة الوحوش ملاك السيفيا (ج2)

المشاركة الأصلية كتبت بواسطة H A R D

انا اتمنى يبقى السبب جوان وش التاكيهات زى مالميكانيكى بيقول
ومفيش زيت حولين شمعه ابوجيه يبقى مش هياثر فى حاجه
اما لو فى زيت حوالين شمعه البوجيه اكيد ده هياثر على البوجيه سواء فى التودير او السحب
مش ديه المشكله
المفترض لو البوجيهات بتعرق زيت يبقى كدا ماتور خفيف عشان كده الزيت بيعدى من الشنابر و يخش غرفة الاحتراق او عندك شنبر مكسور
لو ال 4 بوجيهات عليهم زيت يبقى المكنة خفيفة لو 1 او 2 يبقى شنبر مكسور
عايز تتاكد ركز مع الشكمان و شوف العادم اللى طالع لازم هتلاقيه ابيض و لو مش ظاهر خلى حد يدوس بنزين و اقف انت ورا و شوف حتى لو اللون مش ظاهر هتلاقى الريحة باينة
طبعا ده لاسوء الظروف وان شاء الله مش هيطلع من الجوان بس برضوا خد احتياطاتك واعمل كبس للماتور

بالنسبه للفوجات الشوما مش بتنزل بفوجات ممكا انت تركبلها بقى لو حابب على حسب فتحه الفوجات شوف فوج يبقى مظبوط وزار الفوجات بيتباع جديد واستيراد
بس الاصل ان مفيش ليها

بالنسبه للهزه هتروح تشكف على الكاوتش وهتعمل ترصيص ليه وبالمره تشوف حاله الكاوتش وتبقى مطمن اكتر

واخيرا وده اهم حاجه ايه اخبار الصيانه بعد مجبت العربيه ؟
لازم تعملها طقم سيرفيس
فلاتر سيور بوجيهات سلوك بوجيهات زيت ماتور زيت فتيس
تكشف على التيول ورا وقدام تكشف على زيت الفرامل وزيت الباور
تنظف الريداتير وتفوق العربيه تنظف انجكشن كل الكلام ده لازم
وان شاء الله
ونتمنى ديما تبقى منورنا فى الرابطه

أولاً ألف شكر لحضرتك على الرد السريع و القيم ، أنا فعلاً أول ما جبت العربية عملت سرفيس كامل من زيوت ماعدا زيت الفتيس و سيور و بوجيهات و أسلاكها و تنظيف بوابة و تغير الأيدل و حساس ال TPS و تنظيف الرشاشات عند مدحت فى المعادى و أتيال فرامل ما عدا تغير الجوان ده بسبب الكسل أولاً و ثانياً لأنى ملقتش الجوان الأصلى بتعها وقتها و الميكانيكى قالى أمشى بيها عادى بدل ما جيب الجوان أبو 35 جنيه و يبوظ تانى بعد فتره قصيرة ، و الزيت دة بيبقى بيتسرب من الجوان للبوجيهات من فوق من مكان إلتقاء البوجيه و السلاك بتاعه للأربع بوجيهات مش تعريق ، يعنى ماعتقدش أنه يكون بسبب صعف فى المتور لأنى المتور عزمة شديد جداً فى المطالع و كمان ببقى محمل خمسة فى العربية بشنطهم و العربية نعمه جداً و المتور منتظم ، و لكن أنا كان عندى أمل ان ده يكون سبب إستهلاك البنزين العالى و اللى تعتبر المشكلة الوحيدة الى أنا بواجهها مع العربية و ظلت مستمره بدون سبب واضح بعد الكشف ثلاث مرات عليها بالجهاز ، و بعد إستشارة المالك السابق للعربية و بعض الميكانيكية نصحونى بعدم تغير زيت الفتيس لأن الفتيس عندى ممتاز و أن دى حاله نادره و لو حصل و غيرت الزيت ممكن الكلتشات تفوت أو حاجة من هذا القبيل و أنا بصراحة قلت أبعد عن الشر و غنيلة مدام الفتيس ماشى تمام بلش فزلكة عشان مندمش بعد كده و أضرب نفسى بالجزمه و معلومة أناجبت بالعربية سرعة 170 ببساطة على حوالى 4 و حاجة rpm ممكن تنصحونى بأيه و شكراً .