الفرق بين النقلات فى الصنى الاوتو إيه سببه و علاجه الجذرى ؟

**Land_Cruiser** · 16-11-2011 09:42 AM

السلام عليكم

أنا كنت محتاج اعرف إيه السبب فى الإحساس الواضح بالنقلات فى فتيس الصنى الاوتو و علاجه الجذري. العربيه بحس كانها بتنط او بتنتش بين النقلات خاصه النقلات الاولى.أنا ركبت كذا عربيه ثانيه اتوماتيك ماركات تانيه بس ملاقتش فيهم المشكله دى. على فكرة أنا قولتلهم عليها فى التوكيل و أنا باعمل صيانه الألف و كمان صيانه العشر الاف و هما بيضبطوها بس أسبوعين ولا حاجه و لترجع تعمل نفس الحركه المستفزة فياريت حد يقوللى إيه السبب علشان هما كل مره يقولولى سبب مختلف .

**ahaleem** · 16-11-2011 11:02 AM

انا كنت عامل مشاركة قبل كدة عن نفس الموضوع وغيرت البطارية بواحدة 55 مفيش اي تحسنو كل مرة في الصيانة بقول لهم و يجربوها و يقولوا لي مفهاش حاجة و في اتنين اصحابى معاهم صنى و عندهم نفس المشكلة.......فتيس الصنى فعلا لا يقال علية غير انة فعلا سيييييىء.....

**caddddy** · 16-11-2011 11:39 AM

تحياتى للجميع, سوف اشارككم بتجربتى حيث ان فتيس الصنى خالى من الأعطال و ممكن يعمل اكتر من 200,000 كم دون مشاكل شرط الصيانه العاديه وسبب الأحساس بالنقل يرجع للتصميم حيث أنه من التسعينات ومن انجح فتايس أموتوماتيك عند نيسان, جربته فى سيارتان صنى دون مشاكل واحده قطعت بها اكثر من 90,000 كمز
اطمن الفتيس خدمه شاقه ولكن تعايش معه.
وشكرا

**Dr'AhmZZong** · 16-11-2011 02:27 PM

المشاركة الأصلية كتبت بواسطة wshawky

السلام عليكم

أنا كنت محتاج اعرف إيه السبب فى الإحساس الواضح بالنقلات فى فتيس الصنى الاوتو و علاجه الجذري. العربيه بحس كانها بتنط او بتنتش بين النقلات خاصه النقلات الاولى.أنا ركبت كذا عربيه ثانيه اتوماتيك ماركات تانيه بس ملاقتش فيهم المشكله دى. على فكرة أنا قولتلهم عليها فى التوكيل و أنا باعمل صيانه الألف و كمان صيانه العشر الاف و هما بيضبطوها بس أسبوعين ولا حاجه و لترجع تعمل نفس الحركه المستفزة فياريت حد يقوللى إيه السبب علشان هما كل مره يقولولى سبب مختلف .

حضرتك كلامك صح كل الصني فيها المشكلة ديه .. والتوكيل مش بيعرف يعملها عشان ديه حاجة أساسية في الفتيس .. في بقى منتج من شركة ليكوي مولي دي شركة المانيا بتصنع الزيت واضافات الموتور والفتيس .. في عندهم إضافة للفتيس الاوتوماتيك بيتلغي خالص موضوع النتشا ده .. و ديه شركة مضمونة معظم المنتدى بياخد منها زيت واضافات للموتور..

وللافادة شوف الموضوع ده

http://www.nilemotors.net/Nile/254159-a.html

**Dr'AhmZZong** · 16-11-2011 02:45 PM

http://www.nilemotors.net/Nile/254684-liqui-moly.html

واضغط على ده كمان .. وإن شاء الله هتستفيد أكتر

**Ahmed.TV** · 16-11-2011 04:24 PM

ا جماعة مش فتيس سئ ولا حاجة .. خالينا نتكلم بالعقل .. وبلاش رمى الكلام كدا وخلاص

الصنى كدا ونظام فتيسها كدا .. طيب والتيدا والميجان .. وفى عربيات اخرى فيها نتشات فى النقلات فى الغيار بين الاول والتانى .. فهل بردوا نظام فتيس سئ

ده نظام تصميم ..

هو انا مستنى بصراحة تجربة محمد الشناوى فى الموضوع ده .. لانه جاب مادة من ليكوى مولى حطها على الفتيس الاتوماتيك .. وقالى انا بجربه .. ولما اتاكد حيقولنا هل عالج النقطة دى ولالا

لان فى اعضاء معاهم ميجان وحطوه وقالوا انه عالج النتشة دى

فالسه مستنين التجربة وان شاء الله يكون اختراع بجد

تحياتى

**Dr'AhmZZong** · 16-11-2011 05:13 PM

المشاركة الأصلية كتبت بواسطة atefadel

انا اعتقد بلاش اي اضافات او تغير لزيت الفتيس الاتوماتيك والعربية في الضمان محدش يعرف
ممكن لو حصل اي مشكلة التوكيل يقولك انت السبب
ممكن حضرتك تعمل ريستارت للعربية كان ا بشوي قال انة بيرجع العربية لوضعها الطبيعي بعد
اي مشوار طويل وحرق جامد في الغيارات
انا جربتة و كان بيجب نتيجة كويسة
وبعمل حاجة اسمها ايديل ليرن في الدايوا كل شهر
صوط العربية بيهدي والسحب يزيد

ياريت توضحلنا يا أستاذ عاطف عن موضوع الريست ده .. بيتعمل ازاي .. وفايدته ايه

وشكرا ...

**Ahmed.TV** · 16-11-2011 05:24 PM

زيت الفتيس لازم كدا كدا كل فترة بيتغير يا دوك .. ومودرن بيغير زيت الفتيس الى موبيل .. وموبيل زيت متوسط فى زيوت الفتيس فمش حنقول عليه وحش .. بس فى افضل منه

وفى مراكز خدمة بتستخدم شل .. وفى مراكز بتستخدم فالفولين فى الفتيس .. وفالفولين فى مصر بقاله فترة

بس اغلب الميكانيكية والناس شغالين على اللى عارفينه

وزيت الفتيس بتاع ليكوى مولى وزيوتهم عموما بيستخدموها مصنع بى ام فى المانيا وفولكس ومرسيدس .. والزيت الاول فى المانيا وبيستخدموه فى الفتيس dsg

وفى السعودية كمان توكيل مرسيدس بيستخدموه دلوقتى

مفيش اى خوف فى الحاجات دى .. والاضافات بتجارب الناس اللى احنا بنستند عليها بيشكروا فيها جدا

ده غير الالمان مش حيعملوا حاجة غلط .. والاهم ان كل الاضافات دى خاضعة تحت اشرف وتجارب مراكز وبحوث عالمية

وزيوت ليكوى مولى الاهم تحت اشراف بردوا منظمة البترول الامريكية api

فميش اى قلق ابدا .. كفاية انها بتيجى من بره بدون تدخل يد مصرى

والاهم اللى بنحكم عليه فيه هو تجارب الاعضاء

وزى ما وضحت كدا كدا زيوت الفتيس انت بتغيرها حتى والعربية فى الضمان .. وبصراحة انا عندى استخدم اى زيت فتيس غير موبيل خالص فى الفتيس عندى

-

-

الموضوع: الفرق بين النقلات فى الصنى الاوتو إيه سببه و علاجه الجذرى ؟

LinkBack

أدوات الموضوع

عرض

-

-

المواضيع المتشابهه

ايه الفرق عمليا بين التكييف الاوتو والعادى فى الانترا 2012

القول الفصل فى الصنى الاوتو ماتيك

ايه الفرق الكماليات بين الاوبترا الاوتو والعادى

الفرق بين الاوبترا والفيرنا الاوتو فول اوبشن؟

الفرق بين الصنى والاوبتر

الكلمات الدلالية لهذا الموضوع

المفضلات

المفضلات

ضوابط المشاركة