الموضوع: محتار بين جولف 5 ام هوندا سيفيك 2008

المشاركة الأصلية كتبت بواسطة formulator

مختلف معاك يا سمسم فى جزئية أن السيفيك تكسب فـ أى مقارنة, فيه عربيات أوروبى كتير (غير الـbm والـmerc) تتفوق على الهوندا فـ حاجات, وتقل عنها فـ حاجات تانى..!!
لو أتكلمنا عـ الجولف موضوع النقاش:

- الصاج والمتانة (مش الأعتمادية): الجولف أجمد فـ البودى, أتقل فـ الصاج.. بيضربوا بيها المثل: يقولك فـ الريفيوهات "solid rock durability of golf"
معلش السيفيك (و أهى عربية تعتبر كبيرة) وزنها 1180-1200 كجم, مقابل 1325-1400 كجم للجولف (ودى عربية كومباكت).. طبعا kerb

ولما نتكلم عن اختبارات الأمان: انت قولت 5 نجوم للسيفيك, وهوندا كمان تحطها فـ بروشوراتها و تتفاخر بيها.. لكن vw ممكن ماتقولش ولا كلمة عن الـeuro ncap؟؟!!! لأن دى حاجة مفروغ منها: طبعا full-mark أكيد 5 نجوم..
الهوندا عمرها ماكانت مشهورة بالصاج المحمل والأمان فـ التصادمات.. قد الأوروبيين عموما..!!

- الثبات: خد بالك أن ثبات السيفيك الى حد كبير يعتمد على الـlowered suspension, العفشة الخلفية والـaerodynamics
الجولف: حتى لما كانت torsion-beam وشكلها cubic... طول عمرها ثباتها راااااااائع..! ودلوقتى العفشات الملتى-لينك الأوروبى معظمها بقى dual-rate (توطى مع السرعة جااااااامد).. غير الهوندا اللى ارتفاعها almost ثابت.. فـ السرعات القليلة أو العالية؟؟!!!

- الهاندلينج: أعتقد أقرب عربيات الـfwd للهاندلينج والـdrive-feeling والـsteering-precision بتاع الدفع الخلفى..هى الـvw-audi والألفا..!

اللى عايز أقوله.. أن السيفيك تتفوق فـ الموتور, والتسارع.. راحة الركوب والعزل.
الجولف تتفوق فـ الهاندلينج والثبات, الفتيس 6 سرعات.. والأمان.. الشكل personal taste ولو أن الجولف 5 هى أجمل جولف عـ الأطلاق.!!

كلام من الاخر بصراحة احييك ,,, يا ريت اي حد قبل ما يقارن يروح يفتح باس باب العربية ولا يفتح الشنطة و يقفلها تاني ساعتها حيعرف يعني ايه الالماني ازاي العربية تيقىrobust و قيمتها فيها , ده قبل الكلام في الهندسة و الاداء طبعا