الموضوع: نفسى احط فلوسى فى بنك اسلامى

السلام عليكم و رحمة الله و بركاته

ماهو عشان كده, أنا عن نفسى مريح نفسى و حاطط القرشينات فى المصرف المتحد (البنك المصرى المتحد سابقا قبل ماينضم للبنك المركزى المصرى) فرع المعاملات الاسلامية !!!!!!!, أصلهم هنا عندنا فى المنصورة عاملين فرعين و لا تلاتة باين, فرع عند المحافظة و اكمنه لاااااااازق فى بنك فيصل الاسلامى, قالوا ده يبقى فرع المعاملات الاسلامية و فرع تانى بعييييييييييييييد, عند مديرية الأمن و ده بتاع الكفار , فرع المعاملات غير الاسلامية.

شوفتوا الاستهبال .

فعلا, كل البنوك زى بعض و الحوار بتاع المعاملات الاسلامية ده اتوجد بعد مابقى فيه مصريين بيشتغلوا فى الخليج من السبعينات و بالذات فى السعودية و ثقافتهم بتغير زى مابيشوفوا هناك و بيرجعوا و مايرضوش يحطوا فلوسهم فى البنوك الربوية بتاعتنا عشان حرام, قاموا عملوا البنوووووووووووووك الاسلامية و لا تزعل نفسك, أسلم حل للى معاه فلوس زى مابيحصل فى أى بلد محترمة, أنه يستثمرها فى أى حاجة و كل واحد على أد خبرته, اللى مايفهمش خااااااااااااااالص لا فى الطور و لا فى الطحين, يشترى عقار و يأجره و لا يسقعه و بعد كام سنة يبيعه بزيادة معقولة, مش يشتريه و يدفع تمنه و يلاقى نفسه اتنصب عليه و لا يلاقى بلطجية جم و قعدوله فيه !!!!!!!!!!!

متابع يمكن الاقي حل انا كمان

المشاركة الأصلية كتبت بواسطة mshawky

على فكره لعلكم بنك البركه مش اسلامى اوى ولا حاجه ده مسمى وبنك فيصل هو افضل بنك اسلامى فى مصر واقر بكده الشيخ محمد حسان

اما بنك البركه مش اسلامى ليه لانى كنت هشترك فى نادى وادى دجله وكانو هيدونى قرض مالى عادى جدا بفوايد فازاى اسلامى على العكس لما كلمت فيصل رفض التعامل فى اقراض الخدمات زى اشتراكات النوادى وهكذا هو عنده مرابحه فقط ومعندوش تعاملات كتير اوى البنوك بتعملها بره لان فيها حرمانيه عاليه جدا فخدوا بالكم كويس جدا

الكلام دة مظبوط .. زية زى اى بنك عادى

البنك الوطنى للتنميه فرع المعاملات الاسلاميه بالتعاون مع مصرف ابوظبى