الموضوع: بجد و الله تعبت من التدوير و محتاج مساعدتكم ضرورى فى عربيه زيرو

المشاركة الأصلية كتبت بواسطة Hosam_Optrawy

المشاركة الأصلية كتبت بواسطة Hosam_Optrawy

لأ بلاش جالينا انا صحيح مجربتهاش لكن العربيه مانجحتش فى مصر خالص شوف اسعارها نزلت اد ايه
l
ممكن تبهرك بشكلها وشوية اوبشنز ومساحتها لكن اعتماديتها مش معروفه هاتقعد معاك اد ايه ولا هاتستحمل ولا لأ وتقفيلها مش حلو واعادة بيع مفيش وقطع غيار الله اعلم بس اكيد مفيش برضه

دا غير الضريبه واستهلاك البنزين عشان ال 2000 سى سى وفى الاخر 130 حصان ( قوة موتور 1600 ) وفتيس اوتوماتيك 4 نقلات فقط

بصراحه انا مستغرب حضرتك فى انك بتفكر فى الجالينا ومعاك FRV ومش بتفكر فى الهيونداى وكيا , عموما هى وجهات نظر

هفهم حضرتك وجهة نظرى انا اهم حاجه عندى ان العربيه كويسه كموتور و ثباتها رائع و امان و بعد كده فى المرتبه الثانيه قطع الغيار و اعادة البيع و الرفاهيه .... ال FRV كراحه حلوه قوى ككماليات يعنى مش كثير يعنى زجاج امامى كهربائى و كاسيت و تكييف عادى و سماعتين امامى و سنتر لوك تقريبا كده بس يعنى مش كاليات مبهره بس ثبات رائع يعنى واحد انفجر اطاره على سرعة 200 كم/ س و الحمد لله متقلبش و عن تجربتى انا و ناس كتيييير فى الثبات يقرب للجولف طبعا مش زيه بس تحس براحه و طمأنينه ... ك أمان فرامل abs + ebd و 2 airbags و حاجات صلب فى العواميد بحيث انه لاقدر الله حصل حادثه قويه الكابينه تفضل سليمه و ناس جربتها والحمد لله جت سليمه .... قطع غيار بقى فالحمد لله انها انتشرت خلاص و قطع الغيار بقت موجوده و بقى فى مراكز خدمه .... سعرها مش بيقع قوى يعنى طبعا هو مش زى اليابانى و الكورى بس مش بيقع قووى زى مثلا المرسيدس .......... اما بقى ليه مجبش كيا او هيونداى لانهم عكس ما انا عايز عربيات ما شاء الله مواتير و كماليات بس ك أمان حفظنا الله و كثبات اقل من وحش يعنى بيهتموا بحسهم بيكلوا دماغنا بشكل جذاب و ااداء موتور رائع انما وقت الجد متلقيهوش .... و تقبل منى فائق الاحتراااام ............... بس معلش هو سعر الجالينا نزل ازاى يعنى كان كام و بقى كام ؟ و انا برضه عجبنى قوى اللانسر

المشاركة الأصلية كتبت بواسطة hosam_optrawy

وجهة نظر تحترم لكن الهيونداى والكيا ثباتهم مش وحش للدرجه دى عن تجارب كتير وطبعا بتفرق من فئه لفئه يعنى النترا ولا اكسنت ولا فيرنا ولا ريو ولا سيراتو وبرضه بتفرق حالة الطريق ومقاس الكاوتش والجنوط

وبياخدوا فى اختبارات الامان 5 نجوم فى ال euroncap

افتح اليوتيوب واتفرج على اختبارات التصادم بتاعت الالانترا والسيراتو مثلا وبعدها اتفرج على الجالينا او اى عربيه صينى , مش هاتفكر تركب الجالينا دى خالص

وبخصوص السعر الجالينا اول فئه اللى هى مودرن كانت بتتباع ب 150 الف

وسنة 2009 اتخفض ل 130

النهارده بقت ب 100 الف زيرو 2012 !!!

ما هو موضوع السعر ده مخوفنى قوى والله و شكلى مش هجيبها مع انها طالعه من عينى بس هو انا سامع انها كانت بتستورج من الصين و دلوقتى بتتجمع فى مصانع البافاريه فى مصر ..... عموما انا فعلا مش ميال للهيونداى او السيراتو .... طيب لو جبت لانسر 1600 هاى لاين خليجى مثلا او لانسر شارك 1500 الفئه الثالثه (مع انها غاليه قوى عن 130 و هتعملها تقريبا 155) و فى ناس قالتلى رينو فلوينس ؟!!!!!!ايه رايك فى الحاجات دى ايه احسنهم و فى حاجه ثانيه فى نظر حضرتك احسن

و فى ناس بتقترح على كسر زيرو سيفيك او جيتا او كرولا ؟؟ ايه راى حضرتك برضه و هل ممكن الاقى حاجه نضيفه ... انا عن نفسى بعشق بعشق السيفيك بس مشكلة انخفاضها مش عارف حلها ايه

المشاركة الأصلية كتبت بواسطة Hosam_Optrawy

ياريت فعلا تصرف نظر عن الجالينا

ولو دخلنا الشارك فى المقارنه يبقى البوما تطلع بره

الفلوونس برضه كويسه وملاكها بيشكروا فيها بس مش هاتعجبك فى السحب لو يهمك السحب

واعتقد مفيش خيارات تانيه غيرهم فى رنج ال 130 غير المازدا 3 والكروز



المستعمل هايفتح عليك باب كبير وواسع من الاختيارات

عموما السيفيك والجيتا طبعا ممتازين وخصوصا السيفيك عشان لو السحب يهمك

لو لقيت موديل حديث وكيلومتر قليل وحاله كويسه توكل على الله

و الله ياباشا انا مش عارف بصراحه اقولك ايه بجد شكرا على حسن المتابعه والردود السريعه دى انا خلاص استقريت على السيفيك انا خايف من انخفاضها القليل بس بيقولوا فى 2011 علوها شويه و انا ممكن ازود الفلوس لحد اقصى حاجه 150 من لحم الحى بس المهم حاجه نظيفه و كماليتها حلوه .......... لو حضرتك عرفت اى حااااااااجه حلوه او حد ارجوك كلمنى .... محمد ايمن 01114869766 و الف شكر يا كبير على المتابعه

و ايه راى حضرتك كمان فى الفيات برافو 1.4 تيربو ؟! كمسر زيرو برضه ؟ هى ولا السيفيك احسن ؟ و لو حضرتك عندك حاجه كويسه من معرفه او وقعت قدام حضرتك بالصدفه انا ان شاء الله ناوى على يناير كده تقريبا اشترى ... ارجوك متنسانيش :)