الموضوع: بجد و الله تعبت من التدوير و محتاج مساعدتكم ضرورى فى عربيه زيرو

المشاركة الأصلية كتبت بواسطة Hosam_Optrawy

l
اللانسر سحبها حلو وفراملها كويسه وثباتها برضه كويس وتستحمل البهدله ومنتشره جدا طبعا وقطع غيارها متوفره اصلى وتقليد , لو فعلا مش شايفها قديمه فكر فيها

الابيزا مجربتهاش بس موضوع ال DSG يقلق لانه عمل مشاكل فى كذا عربيه جولف وباسات وغيرهم

ما فعلا فى ناس كان معاهم جيتا باعوها بخساره 100 الف و حاجات كده ربنا يعينهم فانا خايف من الفتيس لان مشاكله متحلتش لحد دلوقتى هى كل سنه بتقل شويه بس مش حاجه اعتمد عليها .... فعلا الميتسوبيشى فى دماغى بقوه ........... بس فى حاجه ظهرت قدامى دلوقتى بصراحه مكتسحه و هى بريليانس جالينا و خصوصا انى معايا frv بس اخويا عايزها و بصراحه ال frv كانت تحفه بس مش عارف رأى حضرتك ايه فيها و ايه عيوبها فى نظرك ؟ معلش انا تعبكم يا جماعه واكيد قرفتكم باسألتى الكثيره بس والله انا فعلا بحس ان الاعضاء هنا هما احسن ناس بتفهم فى البلد فى العربيات

المشاركة الأصلية كتبت بواسطة Ahmed Anwer

المازدا 3 يعبيها إن السعر المخفض علي موديلات 2011

2012 مش هتفرق حاجة غير الموديل في الرخصة

و يعبيها أيضا ضيق الكنبة الخلفية و فتحة الشنطة الصغيرة جدا لو يفرق معاك

بصراحه هو ميفرقش معايا بس هيفرق مع اهلى اللى هيتزنقوا ورا

المشاركة الأصلية كتبت بواسطة szaalouk

سعادتك واضح انك مش مستقر علي حاجه بعينها
رأيي الشخصي انك تركز مع واحده من اتنين يا اما النيسان تيدا او الميتسوبيشي لانسر .
الأتنين منتشرين بشده في السوق
قطع الغيار متوفره بكثره .
سعر اعاده البيع اللانسر تتفوق لكن التيدا متماسكه برضه يعني مش بتقع زي المازدا و السوبارو .
الراحه تتفوق فيها التيدا من حيث النعومه الزائده عن اللانسر .
الثبات لصالح اللانسر و حتي 180 كم ساعه لكن برضه التيدا جيده يعني مش مهلبيه و برضه الأخوه هنا في منتدي نيسان يفيدوك فيها و حتي سرعات 140 - 160 كم ساعه .
وسع الصالون و الشنطه لصالح التيدا سيدان و اللانسر كويسه مش صغيره .
التوكيل : نيسان مصر قايم بالواجب و زياده شويتين عن دياموند اللي لسه ملامحه مش واضحه قوي .
و ربنا يوفقك لما فيه الصالح لك و نبارك لحضرتك قريب إن شاء الله علي العربيه الجديده .
تحياتي .

هو فعلا ياباشا انا مكنتش مستقر و لا كان عندى فكره عن ايه الافضل بس فعلا انا حاطط فى دماغى اللانسر لانى كمان بحب شكلها ... التيدا الاعضاء بتدعمها بقوه بس معرفش شكلها بيحسسنى بعدم الامان فى الثبات من علوها على الارض مع ان واضح قوى انى غلطان بس فى عربيه كمان عايز اخد رايكم فيها ايه رايكم فى الجالينا ال 2012 الهاى لاين رفاهية BMW و موتور ميتسوبيشى 2000 سى سى بيطلع 130 حصان و ثبات البريليانس بصراحه والله يقرب للجولف و اسألأنى انا جبت بعربيتى ال FRV سرعة قرب ال 180 كم /ساعه و ماشاء الله كانت مش بطاله بس برضه الله اعلم الجالينا عمله ازاى ايه رأى حضرتك فيها

المشاركة الأصلية كتبت بواسطة egyptiandiver

بابا عندو النيسان صني و بيشكر فيها أما التيدا فممكن تسال الناس إلي راكباها - أظن صني منتشرة أكتر فقطع غيارها هتكون أحسن. السوبارو عربية روعة بس مش في مصر للاسف هو الواحد بيشوف أي عربية سوبارو كل أد اه يعني يبئة اتوماتيك بدون كلام قطع غيار غالية أو نأسى و سعر إعادة بيع يزعل.... ربنا يعمل لحضرتك الخير - أخوك أحمد سامي

شكرا ياباشا على الافاده هى فعلا الصنى شكلها حلو بس انا استغربت قوى لما لقيت سعرها ارخص من التيدا و عموما قطع الغيار فعلا متوفره لانها منتشره بشكل كويس :) و شكرا ياباشا على الافاده مره ثانيه اخوك محمد __ سيبك من بورعى ده هههههههه