اولا يا استاذ formulator اللى وصلنى من رد حضرتك على كالتالى "انا رأيى الشخصى فى انك تبعد العربيات السابق ذكرها ليك لانك تقريا كده ............. و مش فاهم انت عايز ايه و عمال تديها سمك لبن تمر هندى و مادام كنت هتجيب صينى و لا كورى خليك فيهم بقى انت مش هتفرق معاك العربيه بقى و لا هتقدر الفرق بينها و بين ايطالى او يابانى خليك فى حاجه من بتاعت عامة الشعب " و اظن ان ده قصد حضرتك فى الرد ....
ردى بقى على حضرتك انى فعلا اول ما كتبت الموضوع كنت مشتت ده غير انى اصلا
مركبتش عربيات غير عربيتى لانى مش كبير فى السن انا 20 سنه لسه اولى سواقه
و قبل كل شئ مجاش فى دماغى عربيه زى البرافو لانى توقعت انها هتكون غاليه
قوى و معنديش خلفيه عن العربيات المتواجده فى الرينج السعرى بتاعى ايهم احسن و
ايهم ابعد عنه ابتديت التفكير فى اللانسرو التيدا و الصنى بس مكنتش برضه داخله
دماغى قوى مع انهم كويسين و المازدا ضيقه و توكيلها ساعات بيهجص و السيفيك
هتبقى مستعمله و انا بحاول اجيب زيرو بس للعلم انا معايا frv 1.5 مانيوال "صينى"
و العربيه ما شاء الله عكس كلام عليها ثبات رائع موتور مش حلو بالنسبه لسعته و انه
صينى و سعرها كان 70 الف حلو قوى بالنسبه لفئتها علشان كده فكرت فى الجالينا
"الصينى من نفس الماركه" فقلت ان كموتور موتور 130 حصان يعنى احسن من
البومه و الشارك و التيدا و الصنى و يابانى "موتور ميتسوبيشى جالنت" و كماليات لو
حضرتك قرأتها كأنها BMW و مريحه و سعرها 100 الف يعنى كانت اختيار قوى ...
و بعدين الحمد لله جيه فى دماغى ادخل اشوف كده البرافو عامله كام لقيت انى ممكن
اقرص على نفسى و اجيبها و هى كانت عربيه احلامى اصلا بس فى البدايه زى ما قلت
هلاقى سعرها اكيد غالى يعنى قرب ال 200 مثلا زى الجولف كده او اقل شويه .... و
على فكره حضرتك لو تابعت ردودى انا لا اتقبل الكورى ابدا لانى بقدر العربيات و لما
دورت على الصينى لانى جربت الماركه و هى تستاهل ........... اسف على الاطاله و شكرا على رد حضرتك الكريم
انذار ووقف اسبوع لمخالفة 13
يرجى مراجعة قواعد المنتدى
1:11AM 23/11/2011
م.ع.10
المفضلات