سؤال محيرني.ازاي ممكن حد يجيله قلب يدفع150الف في عربيه كوري!!!!!!!!!!!

**rompo10** · 20-11-2011 03:00 PM

الموضوع بسيط خالص ياباشا اللي هايجيب عربيه كوري ب 150 بتبقي قسط مش كاش لانه لو معاه 150 كاش كان دفعهم في عربيه الماني مثلا موديل 2006 او 2007 الا قليل اوي اللي يدفعهم كاش في عربيه كوري ودا بيكون مالوش في العربيات اوي يعني مايعرفش الفرق بين العربيتين وثقافه شعب قطع غيار وسعر اعاده بيع والحاجات دي لو الجمارك اتشالت من علي العربيات كل الناس هاتركب الماني

**Formulator** · 20-11-2011 03:07 PM

لأ معلش يا رجاله,,,
الأوروبى اللى تقليده الكورى بـ150 ألف... بيبقى ثمنه 170-190 ألف..!! مش الضعف زى ما انتو بتقولو..
أو بمعنى آخر: الكورى هو اللى سعره غالى, ومبالغ فيه 20-25% على الأقل..؟!!
يعنى.. العربية الكورى اللى ثمنها 150 ألف.. لما تقارنها بالأوروبى (كـ تكنولوجى, ومكونات) المفروض تتباع بـ120 ألف آخرها..
بالنسبة لليابانى (كورولا مثلا): وهو مين قالك أن سعرها أصلا مش مبالغ فيه.. برضه
طبعا الكلام مش "و خلاص".. لأ, أنا أقدر أقارن كل مسمار فـ عربيتين أوروبى vs كورى.. والناس تحكم: مين يستاهل فلوسه أو ما يستاهلهاش؟؟!!!

وبصرف النظر عن جزئية الـValue for Money..
مجرد انتشار الكورى وقطع غياره, وارتفاع سعر اعادة البيع.. برضه لا يبرر السعر الخزعبلى لعربيات المفروض انها generic..؟؟!!!

**ahmedassaf** · 20-11-2011 03:59 PM

ازاي الكوري مش اقل من ال الياباني والاوروبي مش فاهم
ده كفايه الاصوات العجيبه اللي دايما عفشه الكوري بتعملها والمراجيح وخلافه
كمان انتو بتشوفو العربيه من جوه عامله ازاي كلها بلاستيك في بلاستيك زي اللعبه بالظبط
انا مره مهندس قاللي ان العربيات دي منتج مختلف تماما تماما عن العربيات الياباني والاوروبي وعمرها الافتراضي 5 سنين بس

**ashouhdy** · 20-11-2011 04:09 PM

المشاركة الأصلية كتبت بواسطة superb

عاوز اقول كلام منطقى فى الموضوع دا ؟؟
اولا : مما تتكون العربيه .؟
1- محرك (موتور) ... الشركات الكوريه اثبتت تطويرها المستمر و انتاجها بل و احتكارها بعض التكنولوجيات فى المحركات حتى الأن.
2-تصميم خارجى : بيتهيألى اليابانى صاحب فلسفة ضعف القشره الخارجيه للسياره .. ولا هو لما كوريا و الصين تتبانها نقول لأ العربيه ورق . احب اضيف ان تصميمات و جمال السيارات الكوريه شبة قفزة بالسيارات للمستقبل ( على لسان احد مصممى هيونداى - تصميم السياره وهى فى حالة السكون كأنها سياره كونسبت امام عينك )
3- انظمة التعليق : السيارات الكوريه تحتوى على كل انواع انظمة التعليق التى هى فى الأصل من موردين يعنى ممكن تلاقى فى الهيونداى نظام تعليق افضل كمان من اليابانى .. اليابان هدفها كان التوفير فى العمليه الأنتاجيه .
4-الأعتماديه و المساحه الداخليه : طبعا كل اللى ركب عربيه كورى عارف يعنى ايه اعتماديه و اد ايه العربيات الكورى اثبتت نفسها فى وقت قصير دا بالأضافه لأسعار قطع الغيار اللى هى جزء لا يتجزأ من العربيه و ضرورى انها تتوافر و بسعر معقول.

بالنسبة لسعر 150.000 جنيه .. بعد الكلام اللى فوق .. هنشوف انهم عادى جدا .. لأن حكاية كورى و يابانى مبقتش مقياس .. زى سوق الموبيلات كدا .. الماركة تتحدث عن نفسها ..

الشركات الكوريه رضينا ام ابينا .. تحصد اكبر عدد من الجوائز فى العديد من دول العالم و على رأسها السوق الأمريكيه و الأوروبيه...

الكورولا سياره محترمه بس لو هتجيب عربيه عاديه بتصميم جميل ب 155.000 جنيه عشان يابانى .. ولا اجيب عربيه فيها من الشكل و المتانه و الأعتماديه و التكنولوجيا اللى يرضينى ناهيك عن الكماليات اللى لو فى اليابانى هتعدى ال 280.000...

سعر تويوتا افينسس فى السوق المصرى 225.000 جنيه مصرى ( مانيوال بكاست سى دى ) عجايب :)

و لو لم تختلف الأذواق لبارت السلع .. تقبلو الأراء .. بصدر رحب .. و شكرا :)

+1111

**tameraast** · 20-11-2011 04:34 PM

انا هحكى تجربه شخصيه

معايا كرولا 2002 اتقلبت كام قلبه حلوه بعد ما نقل خبطها

رحت عند سكرى مشهور

واقف عنده عربيات قالبه كتير المهم

كان فيه النترا 2007 و فيرنا 2008

برضو مقلوبين المهم الاكتشاف العظيم الى اكتشفته ان سقف الكرولا فيه 6 قوايم بالعرض 2 كبار فى الاول و الاخر و 4 ف النص

الفيرنا هما 3 2 كبار وواحد ملوش لازمه فى النص غبر او يشيل لمبه الصالون

الانترا كان فيه 5
2 كبار و 3 صغيرين

المفاجأه بقى ان القوايم الكبيره بتاعت الهيونداى ف نفس قوه و حجم القوايم الصغيره

من الاخر القوايم ورق و علشان كده الفيرنا غيرت السقف لونه قالب فى رمل
و انا اتسمكر عادى

مش هقول غير ان العربيه بعد ما قلبت الاربع بيبان بيفتجو و يقفلو عادى

و هوا ده الفرق ف الفلوس

حد فاهمنى

**mahmoud_anwar** · 20-11-2011 06:11 PM

ياباشا كل العربيات سعرها مبالغ فيه
عارف لو الجمارك اتشالت مش هتسمع عن الكوري ولا عن الصيني
هتبقا عربيات الطبقة الكادحة
لكن فعلآ هيا البلد ماشية بضهرها في كل شيئ والسبب يرجع الي تخلف عقولنا احني لا نلوم غير ثقافتنا

**N.a.j.d** · 20-11-2011 06:41 PM

يمكن عشان الصيانه تكلفتها اقل من الاروبي بس انا عن نفسي مش بدفع ع الكوري كدا

**Mik_t4** · 20-11-2011 06:41 PM

كوري هاهاها
انا اركب عربية امريكي موديل 57 ولا اركبش كوري او صيني موديل 2011 بصراحة وصراحة الصراحة كمان
وبعدين عايز اعرف بس هي الناس هتفضل مخدوعة لحد امتي
يعني يقولك عربية موتورها قدرتة 100 حصان عند عدد اللفات القصوي
يعني هو في حد هيجيب اخر الار بي ام ؟؟؟ واصلا قدرة العربية في المشي الطبيعي متقربش حتي من 70 حصان
بالنسبة للامان مظنش ان اي عربية صيني او كوري فيها اي امان بالمقارنة بالالماني والامريكي مثلا يعني تلاقي عربية ب150 الف ولو واحد سند ايدة علي كبوتها يتطبق فين الامان بئي؟؟؟ عموما انا من الناس الي ميهمهاش شكل العربية اد مايهمني اساسياتها وقوتها وقوة موتورها وعزمها
هتجيب عربية بي ام مثلا هتي لو موديل 90 دفع خلفي و1600 سي سي وتقارن عزمها بعربية امامي 1600 كوري ؟؟؟؟؟؟ مفيش مقارنة اصلا
من الاخر هي عربيات اة كويسة لكن اسعارها مبالغ فيها جدا
محدش يقول الهيونداي مثلا وحشة بس محدش يقول بردو ان في اي وجة شبة بينها وبين عربية الماني مثلا مع ان الاسعار قربت من بعضها جدا جدا وبردو الناس تختار كوري
طب لية ازا كان قطع غيار الكوري بقت اغلي من الالماني موديلات من 90 لحد 2007
معرفش بصراحة الشعب دا هو الي بيدي الحرامية فرصة يسرقوة وبمزاجة لانة بيحب الي يدحك علية بكلمتين

-

الموضوع: سؤال محيرني.ازاي ممكن حد يجيله قلب يدفع150الف في عربيه كوري!!!!!!!!!!!

LinkBack

أدوات الموضوع

عرض

-

-

-

-

المواضيع المتشابهه

سؤال محيرني :)

يا شباب ممكن سؤال محيرني

سؤال محيرني

سؤال محيرني

هـل عربيه افيو 2009 كوري شاريها من حوالي 3 شهور أم أرفعها أفضل ؟

الكلمات الدلالية لهذا الموضوع

المفضلات

المفضلات

ضوابط المشاركة