يا جماعة أنتوا سبتوا الموضوع و ماسكين في تاريخ الشركة و التكنولوجيا اللي بتخترعها
أنا مالي الشركة أخترعت أيه ؟؟؟؟؟؟؟؟
أنا لي العربية اللي هاركبها شكلها أيه و امكانيتها ايه و مميزاتها ايه و عيوبها ايه أمام عربية تاني
انا مالي بقى فيات أخترعت العفريت الأزرق و هيونداي قلدت العفريت الأزرق ؟
المهم ان التقليد بتاع هيونداي طلع احسن من الأختراع الأصلي بتاع فيات (على فرضا أني هاتفق في الجزئية دي )
لأن مفيش حاجة أسمها شركة تقليد
على كدا كل الشركات الأوروبية دي شركات تقليد لأن كلهم قلدوا الشكل اللي أخترعوا هنري فورد بتاع أمريكا
و على نفس المنوال
الي أخترع العجلة و أو من أستخدمها هم الهكسوس .......... يبقى الباقي Generic
و اللي أخترع فكرة العدسة هو الحسن ابن الهيثم ......... و الباقي تقليد Generic
و اللي أخترع الجر الأمامي هم سيتروين ......... و أي شركة تعمل جر أمامي تبقى generic
و اللي أخترع فكرة الفتيس (معرفوش ) ........ بس أي حد صنع فتيس بعديه يبقى راجل تقليد Generic
و اللي أخترع أي حاجة و اي حد صنع بعديه نفس الحاجة يبقى راجل Generic
و على فكرة
مخترع التلفيزيون هو عالم أسكتنلندي ........ و مع ذلك أسكتلندا ملهاش فيها و أحسن صانعين ألكترونيات عموما هم اليابان و كوريا الجنوبية و ماليزيا .
و مخترع التليفون ..... برضه واحد أمريكاني ......... و مع ذلك أكبر أبحاث بيتم عملها في موضوع التليفونات في اليابان و أمريكا برضه و كوريا الجنوبية (و مش معنى كدا أن باناسونيك شركة Generic علشان مش هي اللي أخترعت التليفون )
وأول واحد .
بالنظيرة دي
العرب هم الأصل في الرياضة و الخوارزميات ....... و أوروبا generic
مع أن العرب دلوقتي ملهومش فيها ....
نظيرتك مش مظبوطة يا عم فورمولاتور في الحتة دي
و برضه رأس الموضوع بيتكلم عن عربية ب 150 ألف مش تاريخ شركة و أختراعات
أنا بتكلم منتج VS منتج تاني .....
زي ما بأروح أشتري تليفزيون مثلا HD
بأبص على نوعين مثلا واحد باناسونيك و التاني سامسونج
و لقيت أن السامسونج الألوان فيه أفضل (جدلا يعني ) و كمان أوضح
مع أن الباناسونيك أعرق من ساسمونج و يمكن لها أختراعات أكتر من ساسمونج
أقوم أشتري الباناسونك علشان أختراعتتها أكتر ؟!!!!!!!!!!!!!!!!!!!
لا طبعا هاشتري السامسونج علشان أن هاروح البيت أتفرج على الوان و نقاء صورة مش أختراعات باناسونيك
نفس الحكاية في أي منتج تاني و علشان كدا هيونداي و شركات كوريا الجنوبية نجحت
و على فكرة أنا عمري ما أشتري اي عربية كوري ........... و لا بأفكر أشتري اي عربية كوري و لا بتعجبني شخصيا أي عربية كوري غير الحاجات 4X4 و الكوبيهات علشان شكلها حلو و مواتيرها محترمة (كعمر أفتراضي )
المفضلات