مسدس تحفة لدهان السيارات والحوائط والاخشاب

**MOSHAKS** · 21-11-2011 10:53 PM

المشاركة الأصلية كتبت بواسطة dode2002

بص ياسيدي
زمان كان فيه راجل بيجي يرش الجنينه عندنا بجهاز كده محمول علي الظهر وكان بيعمل بضغط الهواء وبعدين الراجل مات الله يرحمه
وبعدين لاقيت شجر الجنينه حالته بتسوء نتيجه عدم الرش والمكافحه
فيه مريض عندي صاحب محل مبيدات زراعيه حكتله قالي انا هجبلك جهاز ورش انت قلتله بس ده حجمه كبير قالي لا انا هجبلك واحد صغير عبوة 2 ليتر وكل ميخلص املاه ورش
المهم جبلي واحد لقيته عباره عن زجاجه زي الجهاز الي انت بتقول عليه بس فيه دراع كده فوق بعد متملاه تقعد تكبس بالدراع ده وهو يعبي هواء لغايه ميمتلئ هواي ومتقدرش تكبس الذراع تقوم ضابط البزبوز بتاعه علي كمية الرش الي انت عاوزها يعني اضيق شئ بيطلع رزاز زي بخار الماء وبقوة ضغط الهواء الي انت عبيته قوة ضغط جباره واوسع شئ بيطلع السائل الي جوه كانه سرنجه بتفضيها من الدواء
المهم في مره جربته في دهانات وكان شغال زي الفل خيااااااااااااااااااااااا ااااال
بس اهم شئ بعد متنتهي حط جاز واغسله كويس وطلع الجاز منه ورشه علشان ميتسدش
روح اي محل مبيدات زراعيه وقله عاوز بخاخه ارش بيها الزرع الي هي بضغط الهواء سعرها 25 جنيه
واستخدمها في رش اي شئ والبويات وكله وابقي ادعيلي

الله ينور عليك فكرة رائعة تستحق التجربة بس هل هينفع مع اللاكيه والبلاستيك مع العلم ان اللاكيه تقيل شوية عن البلاستيك

**MOSHAKS** · 21-11-2011 10:58 PM

المشاركة الأصلية كتبت بواسطة MOK3336

معاكم في الموضوع ده
بس احنا ممكن نعمل في الموضوع في كل قسم من اقسام المنتدى
عشان كل قسم يجمع هو عايز كام واحد و في الاخر ممكن نبعت نجبهم
يعنى لو كل قسم هياخد 10 يبقي علي الاقل هنجيب 50 قطعة
ياريت الادارة تهتم بالموضوع ده عشان بجد هيبنفعنا

المشاركة الأصلية كتبت بواسطة laxeg

انا عاوز من ده
انا معاكم
هو اهم مافى الموضوع ... المخرج بتاع الرذاذ علشان ماسيلش

يالا نجمع اسماء ونعم معاهم Contact ونشحن باى شركة شحن سريع

لو نعرف انا معنديش مشكلة

المشاركة الأصلية كتبت بواسطة malibu

المسدس ده موجود فى العتبه ب 150 جنيه
هو عملى بس مش بتاع مساحات كبيره و تقدر تتحكم فى حجم الرذاذ
انا راشش بيه الجنوط بنفسى
و كنت عايز اعمل بيه رسمه فى البيت زى شغل الايربرش بس معرفتش علشان انا مش اوى فى الرسم

هو ده اعتقد مختلف شوية عن التانى بس نفس الغرض بس يمكن الكفاءة مختلفة . ممكن نجرب فكرة دكتور محمد اعتقد انها فكرة تستحق التجربة وندعيله كلنا

**dode2002** · 22-11-2011 01:03 AM

المشاركة الأصلية كتبت بواسطة moshaks

الله ينور عليك فكرة رائعة تستحق التجربة بس هل هينفع مع اللاكيه والبلاستيك مع العلم ان اللاكيه تقيل شوية عن البلاستيك

ياباشا مفيش مشكله خالص مع اللاكيه كل الي هتعمله هتزود علي اللاكيه شوية تنر وهو هيبقي تمام بس هيحتاج وقت اكبر شويه علي ميجف

**M_55** · 22-11-2011 02:14 PM

بس المسدس ده متخصص اكتر ، والغرض الرئيسي منه هو الدهان فأعتقد هايبقي افضل من مسدس رش الزرع
فاياريت نتأكد من مواصفاته وجودته في الدهان ونعمل اوردر جماعي

**MOK3336** · 22-11-2011 09:10 PM

ايه يا جماعة أنتم غيرتوا رأيكم ولا إية ؟؟؟

**hossam_elwani** · 22-11-2011 10:14 PM

ما يرسلهولك بــ فدكس fedx

**MOSHAKS** · 23-11-2011 11:44 AM

انا اشتريت بالفعل جهاز الرش اللى قال عليه الدكتور محمد من محل بيبيع لاوازم الزرع والسماد والحاجات ديه وهو فعلا ب25 جنيه وسعته 2 لتر وهو فى الميه كويس بس مشعارف فى الرش الدهانات هيعمل ايه وديه صورته بس الصراحة مقلق انى احط فيه بويه خايف الفونيه بتاعت الرش تتسد لان البويات كثافتها هتبئا اكبر من الميه العادية.
انا كتبت على الصورة بعض الملاحظات فى الضبط واحلى حاجة فيه انه فى زرار ليه مشئبيه لو دخلته فيها يفضل الرش ثابت بكمية معينة ويستمر خروجه حسب ظبطك للفونيه اللى ادام وديه ميزة مش هتعد تعمل بايدك وده انا موضحه فى الصورة وان شاء الله لما اجربه فى دهان البلاستيك هقولكم التجربه.

**ghareeb** · 23-11-2011 01:14 PM

لو منفعتش مع الدهانات ممكن تسأل فى نفس المحل عند مقاسات أكبر للفونية لأنه واضح إنها بتتفك و تتركب فانا أعتقد إنك هتلاقى ليها مقاسات أكبر

**dode2002** · 23-11-2011 01:47 PM

المشاركة الأصلية كتبت بواسطة moshaks

انا اشتريت بالفعل جهاز الرش اللى قال عليه الدكتور محمد من محل بيبيع لاوازم الزرع والسماد والحاجات ديه وهو فعلا ب25 جنيه وسعته 2 لتر وهو فى الميه كويس بس مشعارف فى الرش الدهانات هيعمل ايه وديه صورته بس الصراحة مقلق انى احط فيه بويه خايف الفونيه بتاعت الرش تتسد لان البويات كثافتها هتبئا اكبر من الميه العادية.
انا كتبت على الصورة بعض الملاحظات فى الضبط واحلى حاجة فيه انه فى زرار ليه مشئبيه لو دخلته فيها يفضل الرش ثابت بكمية معينة ويستمر خروجه حسب ظبطك للفونيه اللى ادام وديه ميزة مش هتعد تعمل بايدك وده انا موضحه فى الصورة وان شاء الله لما اجربه فى دهان البلاستيك هقولكم التجربه.

الله ينور عليك هو ده فعلا الي عندي بالضبط
ومتخفش استخدمه متقلقش منه بس اهم حاجه بعد الاستخدام يجب تنظيفه جيدا بالتنر او الجاز علشان ميتسدش

**MRBEBO** · 23-11-2011 02:21 PM

المشاركة الأصلية كتبت بواسطة moshaks

انا اشتريت بالفعل جهاز الرش اللى قال عليه الدكتور محمد من محل بيبيع لاوازم الزرع والسماد والحاجات ديه وهو فعلا ب25 جنيه وسعته 2 لتر وهو فى الميه كويس بس مشعارف فى الرش الدهانات هيعمل ايه وديه صورته بس الصراحة مقلق انى احط فيه بويه خايف الفونيه بتاعت الرش تتسد لان البويات كثافتها هتبئا اكبر من الميه العادية.
انا كتبت على الصورة بعض الملاحظات فى الضبط واحلى حاجة فيه انه فى زرار ليه مشئبيه لو دخلته فيها يفضل الرش ثابت بكمية معينة ويستمر خروجه حسب ظبطك للفونيه اللى ادام وديه ميزة مش هتعد تعمل بايدك وده انا موضحه فى الصورة وان شاء الله لما اجربه فى دهان البلاستيك هقولكم التجربه.

ممكن تقولنا جبته بالظبط منين لاني مش عارف ولا محل بتبيع الجهاز ده

وهل لو رحت مشتل ممكن القيه ؟

وياريت تجربه بسرعة يا باشا مع البويه وتقولنا اخباره ايه

الموضوع: مسدس تحفة لدهان السيارات والحوائط والاخشاب

LinkBack

أدوات الموضوع

عرض

-

-

-

-

-

-

-

المواضيع المتشابهه

مركز نايل موتورز لدهان وتجديد السيارات

نور للجنوط احدث كماليات السيارات .. شكلة تحفة

البوم صور ورشه نايل موتورز لدهان وتجديد السيارات

تحفة جديدة من شركة منصورى لتعديل السيارات

أفضل ورشة لدهان السيارات

الكلمات الدلالية لهذا الموضوع

المفضلات

المفضلات

ضوابط المشاركة