مسدس تحفة لدهان السيارات والحوائط والاخشاب

**dedi** · 26-02-2013 01:09 AM

على حسب معرفتى انة الدهان الكومبريسور بيطلع غبار او عفرة اى رزاز من الدهان و بيملا الغرفة و لذلك لا بد من الدهان فى مكان مفتوح يعنى ما ينفعش تدهن بية حيطة لانة سيملا المكان كلة رزاز هل انواع هذة المسدسات بها نفس المشكلة

**hossam_elwani** · 26-02-2013 11:33 AM

من الاخر الواحد يأخر واحد احسن .. بس حد عند عنده فكره الكمبروسير بيتأجر بكام ؟؟

**sadeek** · 27-02-2013 03:05 AM

السلام عليكم
ياترى يا استاذ شيدو لسه بتجيب المسدس دة وسعره ايه والمواصفات ارجو الرد السريع وشكرا

**MOSHAKS** · 27-02-2013 09:00 AM

المشاركة الأصلية كتبت بواسطة dedi

على حسب معرفتى انة الدهان الكومبريسور بيطلع غبار او عفرة اى رزاز من الدهان و بيملا الغرفة و لذلك لا بد من الدهان فى مكان مفتوح يعنى ما ينفعش تدهن بية حيطة لانة سيملا المكان كلة رزاز هل انواع هذة المسدسات بها نفس المشكلة

اكيد هيطلع رزاز بس مش هيبئا كتير زى الكومبروسر اللى احنا عارفينه االكبير .لان هو اعتماده على الرش بنسب حسب ظبطك للفونيه بتاعته فلازم لو هتدهن حائط مثلا لازم تفتح الابواب والشبابيك وتلبس كمامه. بس اهم شئ النقاشة عندك فى الحائط تكون مظبوطة جدا لان لو الحائط مش متمعجن ومتسنفر كويس وانت رشيت بالمسدس ده هتبئا الحائط عامل زى المرايه فأى غلطة هتبان زى صاج العربيات كده.
وعلى فكرة اعتقد الكومبروسر العادى افضل لانى سألت على سعره بيبدأ من 550 جنيه وهيبئا اقوى من اللى انا كنت عارض عنه وارخص كمان بس الكفاءة هتبئا للكبير ده انما ميزة الصغير انك تقدر تشيله على كتفك زى الفديو انما كفاءة معرفش الصراحة.
وبالنسبة للتاجير فمعرفش عنه شئ . بس اعتقد مش هيقل عن 30 جنيه فى الساعة وطبعا احنا بنتعلم وهنشتغل براحتنا فالوقت هيضيع فى تجارب . فلافضل اشترى افضل وهيفيدك جدا..ده حتى ممكن تنفخ كاوتش العربية بيه انت والجيران والحبايب كمان ^_^

**sas5** · 27-02-2013 09:59 AM

السلام عليكم ورحمه الله
على فكره انا اشتريت الواجنر الامريكانى وصار له شهور لدى - ولم استخدمه فقط جربته.
اناباكتب هذا الكلام ليس للبيع ولكن احب اوضح ان الانسان ممكن يعجب بشى وعند وصوله لايستخدمه

**sallame** · 11-05-2013 02:38 AM

اخي الكريم sas5 ارجو في حالة رغبتك في بيع هذا الجهاز ارجوا اعلامي بذلك و تفضل مني جزيل الشكر

**dedi** · 11-05-2013 12:35 PM

المشاركة الأصلية كتبت بواسطة moshaks

اكيد هيطلع رزاز بس مش هيبئا كتير زى الكومبروسر اللى احنا عارفينه االكبير .لان هو اعتماده على الرش بنسب حسب ظبطك للفونيه بتاعته فلازم لو هتدهن حائط مثلا لازم تفتح الابواب والشبابيك وتلبس كمامه. بس اهم شئ النقاشة عندك فى الحائط تكون مظبوطة جدا لان لو الحائط مش متمعجن ومتسنفر كويس وانت رشيت بالمسدس ده هتبئا الحائط عامل زى المرايه فأى غلطة هتبان زى صاج العربيات كده.
وعلى فكرة اعتقد الكومبروسر العادى افضل لانى سألت على سعره بيبدأ من 550 جنيه وهيبئا اقوى من اللى انا كنت عارض عنه وارخص كمان بس الكفاءة هتبئا للكبير ده انما ميزة الصغير انك تقدر تشيله على كتفك زى الفديو انما كفاءة معرفش الصراحة.
وبالنسبة للتاجير فمعرفش عنه شئ . بس اعتقد مش هيقل عن 30 جنيه فى الساعة وطبعا احنا بنتعلم وهنشتغل براحتنا فالوقت هيضيع فى تجارب . فلافضل اشترى افضل وهيفيدك جدا..ده حتى ممكن تنفخ كاوتش العربية بيه انت والجيران والحبايب كمان ^_^

انا شايف لو المسدس دة بيعمل غبارة زى الكومبريسة يبقى فاشل
انا عندى كومبريسة و فكرت ارش بيها فى الشقة موش عاوز اقول حجم الغبار او عفرة الدهان التى طلعت و بوظت السقف و بعض الحيطان و اطريت استبدل الموضوع بالرلة
الذى عاوز يشتغل بالمسدس دة لازم يكون فى مكان مفتوح اعتقد
دة راى الشخصى لو حد جرب فعلى بيدة ياريت يفيدنا

**odadraz** · 27-12-2013 12:35 PM

انا أشتريت واحد apt من ابو الجوخ شارع الجمهوريه والنتيجه هايله سواء في رش البلاستيك او اللاكيه وسعره 525 جنيه بالوعاء .رشيت بيه الشقه كلها

**ahmedessayyad** · 28-12-2013 11:22 PM

الاخ/odadraz
ياترى الجهاز اللى اشتريته من ابو الجوخ هو ال pint zoom ولا كمبروسر زى اللى عند بتاع الدوكو---ياريت صورته لو تكرمت
ولك تحياتى

**ramyooooo** · 07-12-2015 10:50 PM

هو الموضوع لسه شغال ولا اتقفل
أصل انا كنت عايز اشترى جهاز
ياترى الاقى حد يقولى على الانواع والاسعار واكون شاكر لحضراتك كلكم
اخوكم رامى عبد الحميد من مصر