موقف محرج ..!!!!!

**pro_samir** · 21-07-2011 05:46 AM

قريته تاني يا حج احمد .. أو تالت مش فاكر

من المواقف الأخيره الأخ اللي وقع بالكرسي فكرني بموقف زباله حصلي من كام سنه .. كنت قاعد في اجتماع جنب المدير علي اساس اني الراجل التاني بقي وكده ومكانش في حد غريب يعني الاستاف الفنيين وكلنا اصحاب و واخدين علي بعض حتي المدير ، المهم الكراسي كانت رخمه قوي مش مريحه وضهرها واقف 90 درجه

مع الوقت تعبت وقلت هرجع بالكرسي ورا شويه وبعدين اسند ضهره علي الحيطه .. زقيت الكرسي وبعدين روحت رامي ضهري لورا ابتدي الكرسي يقف علي الرجلين اللي ورا بس و بيرجع يرجع يرجع بالراحه لحد ما سند علي الحيطه وهووووب راح متزحلق من تحت علي السيراميك و نزل بضهره علي الأرض وانا وراه وقعت ساند علي ايديا الاتنين .. كله وقع من الضحك واللي قاعد جنبي يقولي انا لاقيتك بترجع بترجع وبعدين روحت نازل تحت ههههههه حتي انا فطست علي نفسي من الضحك مبقتش قادر اقوم وهم يشدو فيا

**shaddadfalcon1** · 21-07-2011 03:47 PM

من سنتين كان محمد لسه عنده سنه وشويه وكنا الصبح او عايزين ننام مش فاكر بالظبط
المهم الواد بصينا لقيناه ساكت خالص وهو نايم علي ظهره كده ومراته تكلم فيه مش بيرد ومبرق ومراتي كانت بتضحك عادي يعني لحد ماالموضوع طول شويه وبصيت لقيتها اتخضت وصوتها علي وعماله تهز في الواد وهتعيط وانا كمان اتخضيت جامد وبصيت للواد وقلت الواد مات وفضلنا نهز فيه وبصينا لقيناه بكل برود بيبتسم ابتسامه صفراء وكانه بيقولونا ضحكت عليكم
كان هاين عليا ارميه من الشباك ساعتها

**waelfarid** · 22-07-2011 12:22 PM

شفت الموضوع بتاع الطغاة الصغار
ربنا يحفظلك مستر يوسف مدام نور القمر

مش نور القمر يعني ماهيتاب برضه ولا ايه ههههههه

**hamaza81** · 22-07-2011 05:12 PM

مش عارف دايما الواحد في العزاء بيبقى بيتلكك عشان يضحك
مرة كنا رايحين عزاء ابو واحد صاحبنا في قرية في الصعيد
واحنا قاعدين في الصوان
كان الراجل بتاع الفراشة طالع على سلم فوق
وكان راجل كبير يجي 70 سنة
راح جه واحد تحت بينادي عليه بيقوله انزل يا تامر
احنا سمعنا تامر من هنا وكله قعد يضحك وفرجنا الناس علينا

**EslaM_NagY** · 23-07-2011 01:03 AM

المشاركة الأصلية كتبت بواسطة hamaza81

مش عارف دايما الواحد في العزاء بيبقى بيتلكك عشان يضحك
مرة كنا رايحين عزاء ابو واحد صاحبنا في قرية في الصعيد
واحنا قاعدين في الصوان
كان الراجل بتاع الفراشة طالع على سلم فوق
وكان راجل كبير يجي 70 سنة
راح جه واحد تحت بينادي عليه بيقوله انزل يا تامر
احنا سمعنا تامر من هنا وكله قعد يضحك وفرجنا الناس علينا

ههههههههههههههههههههههههه هههههههههههههه

زى برضو فى عزاء مرة حد كان كاتب هنا بيسلم على صاحبه (الى ابوه توفى) قالو "Hard Luck"

هههههههههههههه

**AhMeD EzZ** · 23-07-2011 01:53 AM

كام موقف جداااد لوووووووز

بكلم واحد صاحبي في البيت الحوار
الطرف التاني : الو
انا : الو يا .. .. xD
هو : سكوووووت
انا : مترد يا #$@#%$#^
هو : حضرتك طالب مين
انا : انت هتستبل يا ر...
هو : حضرتك طالب مين
انا بدات اقلق .. و قلت مش عبد الرحمن معايا
في الاخر طلع ابوه مش هو و شاكلي كان زبااااااااالة
-------------------
التاني
كنت مع والدي و والدتي بعربيتة و ركنا و انا نزلت اجيب حاجة من الصف التاني
و رجعت فتحت باب العربية و ركبت ملقتش حد في العربية
و مرة واحدة لفيت واحد بيفتح باب العربية و قعد علي كرسي السواق و انا رحت قايلة ايه يا اخينا داخل طرقة بيتكوا و هزقتة
بعدها لاحظت ان الفرش مختلف شوية و قالي حضرتك دي عربيتي انت الي مين ؟!!!!
اتاريني ركبت عربية توؤم بتاعتنا بالظبط كانت راكنة ورانا
ساعتها كنت هموت و الارض تتشق و تبلعني