فرش الشنطة

**SYD** · 10-02-2012 05:02 PM

السلام عليكم ورحمة الله وبركاته أخواني السياتوية

اولا احب اطمنكم علي عربيتي العزيزة انها بصحة كويسة نوعا ما
يادوب بتبطل مني مرة كل يومين بس والحمد لله بستر من ربنا بتعملها معايا علي ناصية شارعنا

المهم ، سيبكو من الميكانيكا - انا خلاص اتعودت كل يوم اروح ايدي مشحمة ومزيتة وهدومي متوسخة

خلينا في الكماليات (مش هتبقي من كله)

انا النهاردة قررت انظف شنطة العربية
لأنها طبعا من ساعة الحادثة وهي كلها فوق بعضها

فضيتها تماما وروحت مديها مسحة بفوطة نظيفة

الشنطة كانت كلها زيت (مطرح الموتور القديم لأن الأستاذ عصام لما حل الموتور كان حاطه في شنطة عربيتي فوق ورقة جرنان كتر الف خيره)
طبعا الجرنان (الأهرام) شرب الزيت وراح مبقعلي الأرضية ومغرق الفرش وبهدلي الدنيا

طلعت بقايا الموتور
وكمية مسامير تملي علبة سمن (روابي) 2 كجم

طلعت جركنين زيت (واحد شل الأحمر والتاني شل الأصفر) وروحت مفضيهم علي بعض في الجركن الأصفر ورميت الجركن الأحمر - عارف : هتقولولي لا يجب خلط الزيوت المختلفة - بس دة بق من هنا وبق من هنا مش هتفرق يعني

لميت العدة كلها مع بعض

لميت كل المنظفات سوا (اسبريهات)

رجعت تاني الأستبن والكوريك (الكوريك الأصلي) في مكانهم في بطن شنطة العربية

مسكت فرش الشنطة وروحت مديله غسلة محترمة في مدخل البيت بالخرطوم
حطيت عليه بريل وبالليفة بتاعة المواعين واديلو ادي اديلو ادي ايدلو ادي اديلو ادي ههههههههههه - زي احمد بدير في مسرحية ريا وسكينة

وسيبته يصفي مايته علي ترابزين السلم

اكتشفت بقي ان الموكيت (عالي الجودة) بتاع الفرش من كتر الزيت والمياة ببعد الغسيل انه فك من الكرتون المقوي الي ملزوق فيه

حد عنده حلول للفرش بتاع الشنطة

انا فكرت احط كرتونة تحته
وفكرت الزقه بكولة (هلزقه بس من غير ماشمه)

فكرت اروح لنجار يفصلي ابلاكاشة والزقها تحت الكرتون المقوي الي تحت الموكيت العالي الجودة

هااا

حد عنده افكار تاني ؟؟؟

ياريت تساعدوني وتتحفوني بأفكاركم النيرة

في انتظار الردود

والله المستعان
،
،

**ehab_mansour** · 10-02-2012 07:11 PM

ههههههههههه كلامك يضحك يا هندسة في ايام احداثها بتخلي الواحد مكتئب دائما لما يتابعها
الله المستعان
شوف يا سيدي لو الكرتون المقوي مازال مقوي كما هو و متقطعش و باش من كثرة الغسيل حطه كطبقة اولي و حط فوقيه الموكيت لواحده مش لازم يكونو ملزوقين في بعض
هو فايدة الجزء المقوي ده انه يساوي ارضية الشنطة و متبقاش مطبات
لو ده موجود يبقي خلاص
ولو مش موجود ممكن تنزل وسط البلد و تشتري لوح ورق مضغوط بسمك 6 مللي و تفصل منه الجزء المناسب ليك بيتهيئلي هتلاقيه بيتابع هناك

**SYD** · 10-02-2012 07:20 PM

المشاركة الأصلية كتبت بواسطة ehab_mansour

ههههههههههه كلامك يضحك يا هندسة في ايام احداثها بتخلي الواحد مكتئب دائما لما يتابعها
الله المستعان
شوف يا سيدي لو الكرتون المقوي مازال مقوي كما هو و متقطعش و باش من كثرة الغسيل حطه كطبقة اولي و حط فوقيه الموكيت لواحده مش لازم يكونو ملزوقين في بعض
هو فايدة الجزء المقوي ده انه يساوي ارضية الشنطة و متبقاش مطبات
لو ده موجود يبقي خلاص
ولو مش موجود ممكن تنزل وسط البلد و تشتري لوح ورق مضغوط بسمك 6 مللي و تفصل منه الجزء المناسب ليك بيتهيئلي هتلاقيه بيتابع هناك

ازيك يا باشمهندس ايهاب

ربنا يخليك علي النصيحة

الكرتون المقوي لازق بس مش من جميع اطرافه

انا الحمدلله العربية عندي لسة بخيرها

يعني لما تقلب فرش الشنطة عندي هتلاقي لسة ملزوق عليه ورقة كدة عليها شوية كلام وعلامة سيات

فكرة بردو موضوع الورق المضغوط دة

بس هقص بأيه ؟؟
منشار اركيت ولا بالقطر ؟؟؟؟

والله المستعان
،
،

**SYD** · 11-02-2012 12:06 PM

المشاركة الأصلية كتبت بواسطة mohammed2005s

انا بقى اصلا جايب العربيه مالهاش فرش فى الشنطه
الاستبن وتحته فاضى وطبعا ده مبهدلى الشنطه تراب مش عارف بصراحه اعمل فيه ايه؟
حطيت نتيجة قديمه دخلتها فى المسمار بتاع الاستبن وحطيت عليها الكفر اللى بتيجى جواه البدله عشان تبقى اكنها قماشه ، بس برضدو لسه بيتملى تراب.
دا غير ان عندى الباكته اللى ما بين الفانوسين من ورا مش موجوده، فا الفرق اللى ما بين الفانوس والشنطه واسع وبيدخل تراب بردو. :(
حددددددددددش عنده حل عشان انا بكره حاجه اسمها عربيه متربه ومش عارف اعمل ايه

حضرتك تحت الأستبن في 3 اخرام ومتطببين بكاوتش
احتمال ال3 اخرام دوول يكونوا عندك مفتوحين ودة سبب التراب

والعاكس الخلفي المفروض مش بيدخل تراب تماما لأن في جوان الشنطة بتقفل عليه

بس العاكس مش بيتباع لوحده في اغلب الأحيان

بص هديك رقم واحد اسأل عنده علي فرش الشنطة والعاكس بتاع الشنطة
0124980425
اسمه ايمن ، قوله انك من طرف محمد بتاع الأبيزا الزيتي

والله المستعان
،
،

**SYD** · 11-02-2012 12:07 PM

وعلي العموم فرش الشنطة ممكن يتفصل بمنتهي السهولة
مفيهوش حاجة
موكيتة ملزوق فيها كرتون مقوي او خشب ابلاكاش هيقضي الغرض

والله المستعان
،
،

**SYD** · 15-02-2012 07:13 PM

مهندس احمد مساك شربات
هههههههههه

ايه يا عم موضوع البقسماط والفتة والأستبن عايم علي وش الفتة
انت جوعتني خالص وانا في الشغل حاليا

بص يا باشا

انا فكرت اني اعملها ابلاكاش
لسببين
1- عشان اقوي من الورق
2- عشان الغسيل والمياة والكلام دة

بالنسبة عندك للباكم
هتغسل بالمياة بدون دعك

للعلم:
المياة بتحل زيت الباكم

ماتعملهاش بجاز او اي منظف

فقط المياة

عندك 3 طبات في الشنطة تحت الأستبن لو مفكوكين تبقي مصلحة ولو راكبين اوعي تفكهم لأنك مش هتعرف تركبهم تاني (عندي واحدة مفكوكة ومش عارف اركبها)
لو مفكوكين مصلحة - هتجيب الخرطوم وغرق الشنطة مياة واغسلها من الباكم تمام التمام بدون دعك يعني حاول تشطف كدة وبسفنجة ناعمة وحاول تمسح الباكم

بس كدة

وإن شاء الله هعملها في اقرب فرصة واقولك النتيجة لما اشوفك بأذن الله

والله المستعان
،
،

**ehab_mansour** · 16-02-2012 09:52 AM

خلي بالك ان الأبلكاش حروفه مهما نعمتها هتبقي خشنة علي الصاح و هتجرحه لحد ما تشيل الدهان وده طبعا بسبب الاحتكاك و الحركة المستمرة للعربية

عندي فكرة كويسة بعد ما تعمل الأبلكاش عشان تتفادي احتكاكه مع جسم العربية هتجيب سير كده بيتباع عند بتوع الاكسسوار و هتركبه في طرف الأبلكاش كله دائريا عشان يحمي الصاج زي اللي بيتركب علي أطراف صاج باب العربية من ناحية الزجاج

بخصوص موضوع الطبب ده فهي معموله عشان تتشال و تتركب وقت الحاجه عادي جدا و و ليها اتجاه للتركيب حاول و انت هتركبها ان شاء الله
و أعتقد ان الطبب دي ممكن تلاقيها عند الناس اللي بتبيع مسامير و كلبسات و ....و رفايع في الحرفيين لو عندك حاجه ناقصه رحلهم هتلاقي حاجات مكنتش تتخيل انها موجوده
انا كان عندي جزء كده ضايع بيركب تحت كرسي الراكب الأمامي من قدام اسمها عضاضة الكرسي مكنتش متخيل انها موجوده و لقيتها في الحرفيين تخيل !!!!!!!!!!

**SYD** · 16-02-2012 07:05 PM

شكرا يا باشمهندس ايهاب علي الأضافة

وربنا يسهل انشاء الله واعملها

والله المستعان
،
،

-

الموضوع: فرش الشنطة

LinkBack

أدوات الموضوع

عرض

فرش الشنطة - انشر الموضوع فى :

-

-

-

-

-

-

-

المواضيع المتشابهه

مية جوة الشنطة

صدأ فى الشنطة

رجلاش وير الشنطة

صداء في الشنطة

الشنطة والمثلث

الكلمات الدلالية لهذا الموضوع

المفضلات

المفضلات

ضوابط المشاركة