الموضوع: مشكله غريبه فى الحراره عندى

عندى مشكله غريبه فى الحراره فى العربيه مقابلانى اليومين دول وهى تخريف عجيب فى الحراره والمراوح
بمعنى عداد الحراره عندى المفروض يكون فى المنتصف بالظبط فيه اوقات بيعلى شويه من غير المروحه ما تشتغل
اوقات تانيه المروحه بتشتغل والعربيه بارده يعنى ممكن ادور العربيه 10 دقايق الصبح علشان تسخن وقبل ما اركب العربيه اسمع صوت المراوح (شكبت فى موضوع ثرموستات الحراره فى كوعه الميه ولغيته لحد ما اتأكد)
اوقات الاحظ ان درجه الحراره فى العداد اعلى من الطبيعى والمراوح فاصله اشوف العربيه الاقيها سخنه بس مش لدرجه الغليان (بعرف من ضغط الخراطيم الواصله للريدياتير وفى مره فعلا فتحت الريدياتير علشان اتأكد)
الميه مبتنقصش (كان الريدياتير القديم ملحوم قبل كده وبعدين العلبه الفيبر سربت غيرت الردياتير بالكامل بواحد جديد)
فضيت دوره الميه وغيرت الميه اكتر من مره ومفيش صداء او اى رواسب
كنت عاوز اسأل كام سؤال لانى جديد على الصنى
1 ايه المسئول عن عداد الحراره فى التابلوه (ساعه الحراره ولا الكمبيوتر ولا له شىء تالت) لانى شكيت فى عداد الحراره
2 ايه المسئول عن تشغيل المراوح يعنى فى العربيات القديمه كان فيه ثرموستات فى الريدياتير ده مش موجود فى الصنى
3 غالبا العربيه بتسخن والمراوح مبتشتغلش وانا ماشى فى الزحمه يعنى ار بى ام قليل وفعلا العداد بيرفع فوق كتير مجرد ما الطريق يفتح وادوس بنزين الاقى العداد نزل بسرعه جدا كأنه كان مهيس ورجع لوضعه الطبيعى فى خلال ثوانى

ده ممكن يكون عيب ايه علشان انا اتجننت وبفكر فيه كتير وعاوز احله بنفسى
العربيه نيسان صنى 2009 خليجى نفس الموتور المصرى تقريبا وكود الماكينه g16