العربيه بتفصل

**bavagardi** · 25-11-2011 11:36 PM

السلام عليكم
عربيتى غسلتها من اسفل الشاسيه وبعد الغسيل حصلت حاجة غريبه
العربيه كل ماهدى بيها تفصل غيرت حاجات كثير بوجبهات واسبراتير وسلك وخراطبم وضبط كهرباء ولسه المشكله موجودة الموضوع دة بيحصل لما تكون السيارة باردة و سخونه
ممكن امشى بيها شويه مفيش حاجة ومرة واحد تبدا تفصل عند تعديه مطب مثلا
لاكن انا ملاحظ ان العربيه مكتومه مش عارف دى ترمبه ولا ايدل ولا فيش ولا اسلاك ولا فيوزات ولا ريلاى ولا كنترول العربيه....العربيه جولف 2
ارجو النصيحه

**ahmed_h_g** · 26-11-2011 01:07 PM

بصيت على فلتر الهواء ؟

**EsmatKazem** · 27-11-2011 01:25 AM

من فضلك اتأكد من الكابلات الواصله بين البطاريه و علبه الفيوزات... انا كانت عندى نفس المشكله و غيرت حاجات كتير و اكتشفت ان كابل الفيوزات فاصل.

اسهل طريقه هى انك تفتح الكونتاكت من غبر ما تدور العربيه و بعدين تمسك الكابل من ناحية العلبة مره و من ناحية البطاريه مره و فى كل مره تهز الكابل جامد و تشوف الكونتاكت هايفصل ولا لا.

**EsmatKazem** · 27-11-2011 01:29 AM

بالمناسبه لو لقيت ان الفصله من القواطيش او من ناحية علبة الفيوزات يستحسن انك تغير الكابلات دى علشان كده الكابلات دى بتهرب و لو ربطها مؤقتا هاتشتغل معاك شويه و بعدين ترجع تفصل تانى .... دى عن تجربه :)