مشكلة فى الجراج

**bmw323** · 26-11-2011 09:22 AM

السلام عليكم ورحمة الله وبركاتة

كنت عاوز أخد رأيكم فى موقف حصلي وعاوز رأيكم بكل حيادية

فى جراج أنا بركن فية عربيتي الجراج دا أتحاد ملاك ومش اى حد بيركن المفروض يعنى لاكن انا بركن علشان فى واحد ساكن فى نفس العمارة معرفة بالأهل وأبنة صاحبي .

الموقف كالأتى:
انا اخدت العربية بتاعت ولدتي وقولت أوديها أخلى السايس يغسلها وبديلو ألى فية النصيب وأهو رزق لية حتى كل غسلة لعربيتي انا بديلو فلوس المهم...

اليوم دا مش السايس ألى غسلي عربيتي مراتة وهى سعات بتغسل العربيات عادى المهم الست بدأت تغسل العربية وماسكة الخرطوم وشغالة مرة واحد لقيت واحد نازل من العمارة على الجراج ياخد عربيتو وأنا كنت واقف بتكلم فى الموبايل وشايف العربية وهى بتتغسل الراجل دا راح وقف مرة واحدة ومزعق للست أنا مش قولت متغسلوش بالخرطوم دا وبيزعق ومعلى صوتو رحت قفلت الموبايل علشان ابص اشوف فى اية
والراجل عمال يزعق وفكي الخرطوم دا حالا قولت بيني وبين نفسي فكك واهى كدا كدا الست هتكمل بالجردل بس طبعا الرجال مسكتش عربية مين دى الست قالتلو عربية الأستاذ أحمد راح قايلها فين الأستاذ احمد دا قالتلو أهو وشاورت عليا
وبصوت عالى وبأسلوب غير محترم أنت مين ياحبيبي..... انت ساكن معانا هنا فى العمارة أنا مش بشوفك ساكن معانا فى العمارة (بيسئل وبيرد على نفسة ) أنت لية تخليها تغسلك عربيتك بالخرطوم أنت عربيتك مش أحسن من عربيتي علشان تتغسل بالخرطوم وزعيق طبعا وقلة ذوق قدام البوابين ولا أكنى بشتغل عندة ! رديت علية بكل أدب وأحترام ولاحظو فرق الرد! (حضرتك متتكلمش معايا فى تغسل العربية بالخرطوم ولا لا حضرتك ممكن تكلم الأستاذ فلان الفلاني (ألى هو أنا بركن تبعهم من 3 سنين) راح قاليلي بردو بنفس الزعيق متقوليش كلم فلان الفلاني قولتلو حضرتك دا قريبي بأستهزاء قريبو اة اة... وكل دا انا مردش أرد علية بردو لأن طالما ذكرت أسم الناس المحترمين ألى بركن تبعهم وهو راح قايل متقوليش فلان الفلاني خلاص مينفعش أصغرهم وأقل أدبي علية وهو راجل كبير وسكت قولت أبو صاحبي دا هيجبلى حقي فى تطاول الرجال دا عليا قدام الناس بالأسلوب دا
كلمت صاحبي نزلى من العمارة وقالى كنت رديت علية وشبشبتلو قولتلو يابني ميصحش أحترما لوالدك قالى ياعم دا راجل مهزق ومحدش بيطيقة اصلا قولتلو انا هكلم أبوك دلوقتي وفعلا كلمتة قالنا أنة جاى فى الطريق لأنة كان برة المهم جة حكتلو الموضوع قالى معلش أصل احنا مانعين الخرطوم قولتلو ياعمو انا مش مشكلتى الخرطوم الخرطوم دا يتحاسب علية ألى غسلي العربية المسؤل عن الجراج لاكن انا مالى يزعقلي ويتكلم معايا بالأسلوب دا لية انا عاوز حقي علشان معملوش حاجات هزعل أنى هعملها فية
قالى معلش وحقك عليا وأمسحها فيا انا قولتلو حضرتك مش طرف علشان تعتذرلي انا تقديرا ليك مردتشش علية ومسحت بكرامة أهلة الأرض قالى معلش وأنا هتكلم معاة وطبعا فى اللحظة دى حسيت أن حقي ضاع !

وأنا ياجماعة مش هسيب حقي بس مش عارف اخد حقي أزاى والراجل دا اكيد هشوفو كتير ودا ألى خنقني وبجد مش عارف أتصرف أسف على الأطالة ومستني رأيكم بكل حيادية .

**mmtronic** · 26-11-2011 11:34 AM

المشاركة الأصلية كتبت بواسطة bmw323

السلام عليكم ورحمة الله وبركاتة

كنت عاوز أخد رأيكم فى موقف حصلي وعاوز رأيكم بكل حيادية

فى جراج أنا بركن فية عربيتي الجراج دا أتحاد ملاك ومش اى حد بيركن المفروض يعنى لاكن انا بركن علشان فى واحد ساكن فى نفس العمارة معرفة بالأهل وأبنة صاحبي .

الموقف كالأتى:
انا اخدت العربية بتاعت ولدتي وقولت أوديها أخلى السايس يغسلها وبديلو ألى فية النصيب وأهو رزق لية حتى كل غسلة لعربيتي انا بديلو فلوس المهم...

اليوم دا مش السايس ألى غسلي عربيتي مراتة وهى سعات بتغسل العربيات عادى المهم الست بدأت تغسل العربية وماسكة الخرطوم وشغالة مرة واحد لقيت واحد نازل من العمارة على الجراج ياخد عربيتو وأنا كنت واقف بتكلم فى الموبايل وشايف العربية وهى بتتغسل الراجل دا راح وقف مرة واحدة ومزعق للست أنا مش قولت متغسلوش بالخرطوم دا وبيزعق ومعلى صوتو رحت قفلت الموبايل علشان ابص اشوف فى اية
والراجل عمال يزعق وفكي الخرطوم دا حالا قولت بيني وبين نفسي فكك واهى كدا كدا الست هتكمل بالجردل بس طبعا الرجال مسكتش عربية مين دى الست قالتلو عربية الأستاذ أحمد راح قايلها فين الأستاذ احمد دا

قالتلو أهو وشاورت عليا
وبصوت عالى وبأسلوب غير محترم أنت مين ياحبيبي..... انت ساكن معانا هنا فى العمارة أنا مش بشوفك ساكن معانا فى العمارة (بيسئل وبيرد على نفسة ) أنت لية تخليها تغسلك عربيتك بالخرطوم أنت عربيتك مش أحسن من عربيتي علشان تتغسل بالخرطوم وزعيق طبعا وقلة ذوق قدام البوابين ولا أكنى بشتغل عندة ! رديت علية بكل أدب وأحترام ولاحظو فرق الرد! (حضرتك متتكلمش معايا فى تغسل العربية بالخرطوم ولا لا حضرتك ممكن تكلم الأستاذ فلان الفلاني (ألى هو أنا بركن تبعهم من 3 سنين) راح قاليلي بردو بنفس الزعيق متقوليش كلم فلان الفلاني قولتلو حضرتك دا قريبي بأستهزاء قريبو اة اة... وكل دا انا مردش أرد علية بردو لأن طالما ذكرت أسم الناس المحترمين ألى بركن تبعهم وهو راح قايل متقوليش فلان الفلاني خلاص مينفعش أصغرهم وأقل أدبي علية وهو راجل كبير وسكت قولت أبو صاحبي دا هيجبلى حقي فى تطاول الرجال دا عليا قدام الناس بالأسلوب دا
كلمت صاحبي نزلى من العمارة وقالى كنت رديت علية وشبشبتلو قولتلو يابني ميصحش أحترما لوالدك قالى ياعم دا راجل مهزق ومحدش بيطيقة اصلا قولتلو انا هكلم أبوك دلوقتي وفعلا كلمتة قالنا أنة جاى فى الطريق لأنة كان برة المهم جة حكتلو الموضوع قالى معلش أصل احنا مانعين الخرطوم قولتلو ياعمو انا مش مشكلتى الخرطوم الخرطوم دا يتحاسب علية ألى غسلي العربية المسؤل عن الجراج لاكن انا مالى يزعقلي ويتكلم معايا بالأسلوب دا لية انا عاوز حقي علشان معملوش حاجات هزعل أنى هعملها فية
قالى معلش وحقك عليا وأمسحها فيا انا قولتلو حضرتك مش طرف علشان تعتذرلي انا تقديرا ليك مردتشش علية ومسحت بكرامة أهلة الأرض قالى معلش وأنا هتكلم معاة وطبعا فى اللحظة دى حسيت أن حقي ضاع !

وأنا ياجماعة مش هسيب حقي بس مش عارف اخد حقي أزاى والراجل دا اكيد هشوفو كتير ودا ألى خنقني وبجد مش عارف أتصرف أسف على الأطالة ومستني رأيكم بكل حيادية .

بص خليك هادى جدا - انت بتركن فى الجراج يبقى حيشوفك و حتشوفة و حيتفرس اكتر

سيبووو خالص لغاية ميجيلك هوة تانى و ساعيتها خدة غسيل و مكوة - هوة افتكر انك بتسكت و مبتردش و ساعة ميجيلك تانى السعة اللسعة التمام حتكون مفاجئة لة و حتلجمة

**mohamedbook** · 26-11-2011 12:09 PM

الموضوع كده شبة انتهي
انت عملت خاطر لابو صحبك وهو اعتزرلك خلاص مفيش مشكلة
كبر دماغك فية ناس دماغها لسعة كتير والافضل انك متردش عليهم بالمرة مش ضعف ولكن تكبير دماغ وتنفيض للاشكال دي

**Ahmed_Rahem** · 26-11-2011 12:35 PM

المشاركة الأصلية كتبت بواسطة mohamedbook

الموضوع كده شبة انتهي
انت عملت خاطر لابو صحبك وهو اعتزرلك خلاص مفيش مشكلة
كبر دماغك فية ناس دماغها لسعة كتير والافضل انك متردش عليهم بالمرة مش ضعف ولكن تكبير دماغ وتنفيض للاشكال دي

كبر دماغك وهو كل مهيشوفك مش راح يفتح بقة ولو فتحة من حقك انك ترد علية وان كان الافضل انك تطنشه خالص ودة كفيل بحرقة تماماً.
المحترم محترم بافعالة واقوالة، ومتنزلش لمستواة.

**minicooper20** · 26-11-2011 05:58 PM

ماهو انتا كده صح انتا قدرت الناس
يس بعد كده لو جيه جنبك دوس يا معلم

**احمد المصرى** · 26-11-2011 08:53 PM

المره دى الموضوع خلاص انتهى يا باشا وكبر انت دماغك وهتلاقى ناس ولاد تيت كتير جداااااااااااا وانت بتقول ان محدش فى العماره بيحبه اساسا يعنى انسان ابن تيت اساسا انت استى المره الجايه وبعد كدا لو انتكلم عرفه مقامه فين بالظبط بس انت هتقابل ناس كتير جداااااااااا فى حياتك بالاخلاق دى