الجراج

**خالد عادل** · 15-07-2012 02:57 PM

شباب لو حد عندة فكرة ازاي اقفل كبوت العربية ومحدش يفتحة غيري ... الموضوع وما فية ان انا بسيب العربية في الجراج وطبعاً كمعظم الجراجات في مصر المكان ضايق ولازم اسيب معاة المفتاح عشان يعرف يكربس العربيات فوق بعضها ويعرف يخرجهم وقت اللزوم ... طبعاً انا خوفي ان تكون العربية بتخرج في غيابي عشان في ايام انا مبخرجش بالعربية وانا سمعت الموضوع دة من كذا واحد ان حصل معاهم انهم بيكتشفوا ان العربية خرجت نتيجة حوادث او خبطات وطبعاً بخلي بالي من عداد الكيلومتر ومؤشر البنزين ولغاية الوقت الحالي مفيش مشكلة بس الخوف ان حد يفصل العداد وبكدة موضوع الكيلومتر هيبقي مش مؤثر .. فهل تري حد عندة افكار للموضوع دة

**smsm_nabawy** · 16-07-2012 06:16 PM

حيفصل العداد ازاي مش فاهم !! و عندي تساؤل معلش قبل أن أجاوب

علشان ده حيددلي أنا حجاوبك صح ولا غلط !! :)

هو انت خايف على البطارية احسن تتسرق أو ياخد منها و يقوم عربيات تانية ؟؟ و عايز تقفل الكابود بطريقة متتفتحش .. ولا خايف ياخد العريبة و يعمل بيها مشاوير ؟؟ :))

**خالد عادل** · 16-07-2012 06:54 PM

يفصل العداد عن طريق فيوز لو يشيل سلك الكيلومتر عل ما اعتقد واللي اقصدة ان انا خايف ياخد العربية ويعمل بيها مشاويررررر

**windofchange** · 17-07-2012 06:34 AM

ركب كاميرا فالصالون مخفية زي الاوبل كده

**mtradwan** · 17-07-2012 11:08 AM

اعتقد انه صعب يغير فى العداد ويفصله وانا ملاحظ ان عربيتك جديدة ... بس انا من رأيى تقدر تعرف من البنزين... وربنا يستر علينا وعليك ... ولازم تدور على جراج تانى تقدر تخللى عربيت فى مكان ثابت علشان ماتسيبش المفتاح مع حد لانى انا من الناس اللى لو حصل ايه عمرى ما اسيب مفتاح عربيتى مع حد علشان حاجات كتير مش موضوع الكبوت والعداد علشان احس ان عربيتى فى امان .. طب انا حاظيتها فى جراج ليه طب ما اسيبها بره فى الشارع احسن.