الموضوع: عايز نصائحكم فى شراء ( كوبيه ) ....

المشاركة الأصلية كتبت بواسطة mohab.nabil

بص يا باشا انت ممكن تنزل تركبها فى اى معرض و العربية منتشرة ماشاء الله يعنى .. و برضو لازم تبقى مقتنع بيها اوى عشان مش كل يوم الواحد بيجيب عربية ..

الهيونداى الكوبيه بتفكرنى بالفيرارى و البورشه و الحاجات بتاعت نيد فور سبيد ديه .. يمكن عشان كده بحبها

طبعا السيراتو افضل فى الاوبشنز و الموتور و الفتيس بس برضو حاسس انها عربية سيدان و عملوها كوبيه زى الـ c4 كده عربية هاتشباك و خلوها ببابين بقت كوبيه بس بالنسبالى مش بحس احساس الكوبيه فيهم كده

طبعا الموضوع دا احساس شخصى بحت و ميعيبش العربية فى اى شىء

اة هى تقريباً هى هى السيدان معادا اختلافات بسيطة

المشاركة الأصلية كتبت بواسطة masterzmind

يا جماعة مش الكوبيه زى السيدان فى كل حاجة اختلاف بس واحد cm عن العربية السيدان ازاى الثبات بتاعها كويس علما ان السيدان الناس بتقول كتير انها ثبتها مش كويس وفى ناس اتقلبت بيها على ال 100 فى المنتدى هنا بس مش فاكر اسموه اة كان عنده مشكلة فى التامين والكلام دة ..... هل ال cm1 دة هيفرق اوووووى زى ما الناس بتقول ممتاز والكلام الى انا شيفه دة ....... وبصراحة عشان اكون صادق معاااااااك انا بستمرار على الطريق بشوق كل شوية عربية كيا سيدان مقلوبه

ربنا يسترها ... و انا من النوع مش بجرى بالعربية و لا اخد غرز و الكلام ده

الاخ مهاب نبيل
هل جربت تسوق العربية على سرعات عالية ؟؟ وتحاول تلعب بيها ؟
جرب وانت تعرف الفرق بينها وبين السيدان

الأخ masterzmind
الواحد سنتي مش مشكلة مش هيعمل فرق
لاكن قاعدة العجل في الكوبية مختلفة عن السيدان كمان وطو العربية ومقاس الجنوط كل ده يختلف معاك ويثبت العربية
لاحظ في السيدان في طول شوية في الشاسية بعد العجل الخلفي اللي هو الشنطة يعني
لاكن الكوبية تحس ان الشنطة داخلة على العجل الخلفي ركز فيها وانت تعرف الفرق

تحياتي

انا شايف ان الشاسية واحد والطول بين العجل فى الكوبية زى السيدان الاختلاف هى الشنطة فقط اصغر فى الكوبيه وكمان طوول الكبوت واحد
Specifications : Irresistible fascination-Cerato Koup: Models l KIA Motors

Specifications : Innovation Beyond Change-All-New Cerato: Models l KIA Motors

فعلا قاعدة العجلات و مقاسات العفشه الاماميه مختلفه فى الكوبيه عن السيدان +طول العربيه زياده فى السيدان +1 سم زياده فى السيدان =
الكوبيه نظريا اثبت من السيدان .
و للمعلوميه معروف جدا ان العربيات الهاتش باك زى السيراتو كده الهاتش باك او الجولف و ليس الاستيشن اثبت بكتير من السيدان .
و ذلك لان طول الشنطه الزياده ممكن يخلى العربيه تلعب من ورا فى الغرز مثلا او فى الملفات .
زى مثلا كده العجله او البسكلته او الموتوسيكل .لما تركب حد وراك و تلف بيها او تفادى حاجه هتلاقيها بتلعب من ورا و مش ثابته و مش عارف تسيطر عليها و عوزه تحكم مختلف .ده غير لما تكون سايق لوحدك او حد راكب قدامك.
نستنتج من كده .
الاثبت فيهم و الترتيب تنازلى .
1- سيراتو هاتش باك .
2- كوبيه
3- سيدان .
و الكلام ده فى اى عربيه تشوفوها الهاتش باك اثبت من السيدان و كل ما طول العربيه زاد كل ما الثبات قل فى الملفات و كل ما نهاية الشنطه قربت من العجله الخلفيه كل ما الثبات زاد
و الثبات بيزيد مع الاتى .
1-تهبيط العربيه .
2- عفشه رياضيه .
3- بارات الترا ريس .
4-طول العربيه يقل .
5- عرض العربيه يزيد او المسافه بين قاعدة العجلات تزيد
6- جنوط كبيره و كاوتش عريض .و نوع كاوتش نضيف و نقشات معينه كمان .
7- ضغط الكاوتش مظبوط و الزوايا و الاتزان و حالة الكاوتش .لان الحجات دى بتخلى العربيه تحدف او تعوم .
8- انسيابيه العربيه مع الهوا و قوة الهوا فى جنب العربيه .
9- ملىء الشاسيه بالفوم لتقويته و تدعيمه زى البى ام و المرسيدس كده .(نوع معين من الفوم . مادتين مخلوطين ).
و الله اعلم
و السلام ختام.

عارف لو الطوول بين العجلتين كان كبير كنت ممكن اقولك لا اثبت زى السيفيك كدة الطول بين العجلتين كبير عشان كدة بتحك شويه فى المطبات لاكن انا شايف هى هى السيدان ولكن يختلف الشنطة الصغيرة فقط وعلى كلامك هتكون اثبت بس عوامل الثبات تعتمد على العفشة والعفشة متغيرتش فى الكوبيه يبقى تقريبا الثبات واحد وارجو ان تتقبل كلامى وشكرااااااا

لعربيتين (السيدان والكوبيه) واااااااااااااحد بالمللى فـ الشاسيه وقاعدة العجلات وأطوال المحورين الأمامى والخلفى..؟؟!!!
مفيش أى اختلاف غير فـ الـground clearance وده فقط نتيجة تغيير السوست (فقط)
الموضوع ده قتل بحثا فـ المنتدى قبل كده,
حتى الـsearch بين ان الـforte بتاع أمريكا 2000 و 2400cc برضه نفس شاسيه وعفشة ومقاسات الـequivalent سيدان..؟؟!!!

انا بقوووووووول كدة ايضااا +1111111