| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 10 من 10

  1. #1

    الصورة الرمزية A7MED_PHARMA

    رقم العضوية : 16690

    تاريخ التسجيل : 19Aug2008

    المشاركات : 9,439

    النوع : ذكر

    الاقامة : الـــــ زقا زيـــــــ ق

    السيارة: Classic BMW-79

    السيارة[2]: Nubira-auto

    دراجة بخارية: CBR600F4I-2006

    الحالة : A7MED_PHARMA غير متواجد حالياً

    افتراضي 127...لادا ..لانوس..لانسر..رانجلر..كريست الة .. سيفيك ..نص نقل..موتوسيكل..عجلة - Facebook Twitter whatsapp انشر الموضوع فى :

    hasad">

    السلام عليكم

    قسم تجارب القيادة
    أول مشاركة ليا فيه..مع إني عضو قديــــــــــــــــــــــ ــم

    نبدأ بالعجلة
    إشتريت عجلة .. من النوعيات المعدلة
    لها قدام إتنين مساعدين .. ولها تحت الكرسي سوستة
    عجلة مريحة جداااا
    ماتحسش بيها بأي مطب (علشان السوست والمساعدين)
    كاوتشها العريض مرهق شوية .. مش زي العجل الرفيع
    لكن مفيدة جداا جداا كتمرين للرجل
    ...
    الموتوسيكل

    أول مرة ركبته كنت هقع بيه
    لكن بعد كده إكتشفت إنه زي العجلة بالظبط
    الموتوسيكل كان صيني
    لما بيعدي الــ 80 كم/ساعة بيبدأ يرعش وتحس بذبذات غريبة
    غير كده
    إقتصادي جدااا جدااااااااااااااااااااااا اااااااا
    إيدك بتتجمد من البرودة حتى لو في الصيف
    وحاسب من الشكمان يلسعك
    ...
    العربية الادا

    سلام قول من رب رحيم
    ركبتها كام مرة ..
    كانت بتاعت جوز أختي الله يرحمه
    ناشفة بشكل خيالي
    الدركسيون بتاعها كان مبوش
    كانت التارة بتلعب في إيدي زي المراجيح
    قعدة العربية غير مريحة للي مش متعود عليها
    تحس إن راسك هتلزق في السقف
    التابلوه مش حلو .. ومش وحش يعني
    تحس إنك سايق مركبة حربية أكتر منها عربية
    مع إنها باور .. مع ذلك كان الدركسيون تقيل من وجهة نظري
    بسبب وزنها التقيل .. كانت ثابتة في الدورانات
    مايتجريش بيها خااالص علشان ماتضمنش إيه ممكن يحصل ساعتها
    ...
    الــ 127

    كانت برضو بتاعت جوز أختي الله يرحمه
    ركبتها مرتين
    عربية فظيعة
    ضيقة بشكل خيالي
    تحس إنها بتجري لوحدها
    تحس إن تحمك في العربية مش كامل
    يعني تحس إن هيا ماشية لوحدها وإنت راكب بس
    يعني ممكن تحس إنها هتتحول زي أفلام ترانسفورمر
    بتسخن بسرعة
    مشخللة من بعضها بشكل واضح
    مش عارف إلي صممها كان مصممها على أساس إنها تكون عربية أقزام ولا إيه

    ...
    فيرنا 2006

    بتاعت جوز أختي الصغيرة ربنا يديله الصحة

    عربية جميلة
    بتجري طبعا زي مانتو عارفين
    فراملها سيئة جدااا
    الباور بتاعها جميل جداااا
    التابلوه وتقفيل الصالون كله بلاستيك
    تحس إنك راكب عربية أطفال
    بحس إن التارة بتاعته كبيرة عليها أوي
    الصالون بتاعها مش وحش
    عربية سريعة لكن مش ثابتة في الدورانات
    ناعمة في المطبات
    بسس

    ...
    لانوس 99


    أول عربية خاصة بيا

    عربية جميلة وقوية نسبيا
    كنت بعمل بيها خمسات جميلة
    صالونها متوسط الجودة
    شكلها متوسط الجودة
    الباور بتاعها معقول .. مش وحش ولا حلو أوي
    ثابتة في الدورانات جداا (انا كنت مركب جنوط 205/15/50)
    عربية يعتمد عليها في السفر
    وإن كانت لها مشاكل ثابتة
    زي طرمبة البنزين
    طرمبة الميه بتتاكل بسرعة
    حمالة قسية
    دواسة البنزين أحيانا بتعض بسبب البوابة
    ناعمة في المطبات مع جنوطها الأصلية .. وأقل نعومة مع الجنط إلي أنا مركبه
    عزل الموتور عن الصالون حلو .. مش وحش
    ماتسمعش صوت الأسفلت وإنت ماشي
    ناعمة ف المطبات

    ...
    رانجلر


    بص بقا
    تحس إنك راكب ثور
    بدون مبالغة
    العربية ضخمة جداا .. وتحس إن كل العربيات تحت مستوى العربية بكتير وكأنك راكب نقل
    بوزها ضخم للغاية
    ماتقدرش تمشي بيها في حتت صغيرة لأنك صعب تحدد أبعادها
    قوية بشكل خرافي
    ناشفة جداااااااااااااااااا جداااااااااااااا
    مايتجريش بيها وماينفعش تسافر بيها
    طبعا التارة لو كانت باور .. تحس إنها مش نافعة معاه
    دي عاوزها ترة زي بتاعت المراكب .. حاجة كبير جدااا
    العربيات مالهاش تابلوه أساسا
    وواسعة بشكل بشع
    وطول مانت ماشب بتسمع صوت التزييق والتخبيط .. منين ماتعرفش؟؟؟

    الكل بيخاف منك ع الأسفلت .. وماحدش بيعدي وهو لازق فيك .. الكل بيعدي من جمبك بمسافة كبيرة


    ...
    لانسر


    عربيتي التانية .. والأخيرة

    للأسف أسوأ الياباني
    عربية ناعمة في المطبات مع جنوطها الأصلية
    أنا ركبت جنط 205/50/15
    صوت الأسفلت بسمعه في الصالون
    عزل الموتور زباااااااااااااااالة
    الصالون جميل جداااا جدااااا بالمقارنة بعربيات تانية كتير
    التابلوه بتاعها بيحسسني إني راكب طيارة
    سحب العربية مش إلي هو
    الباور جميل .. مش تقيل وناعم
    وضع كرسي السواق بالنسبة للباب والقزاز مريح
    مابتسحبش .. لكن بتجري لحد سرعات معقولة .. لحد 160 بدون غربلة ولا شخللة
    ثابتة جداا جدااا جدااا ع الأسفلت
    تاخد بيها غرز وإنت مستريح ومش خايف
    فراملها حلوة جدااا وخصوصا إن الــ abs موجود من أول 2001 لكن مش شغال إلا لو إنت شغلته

    عيبها إنها ماينفعش تكون أقل من 1600
    لكن للأسف منها الــ 1300 مانيوال .. والــ 1300 اوتوماتيك كمان
    أسوأ الياباني ع الإطلاق
    ...

    النص نقل

    تحس بعزم العربية مع صوت الموتور بسسس
    الباور بتاعها وحش جدا بالنسبة للي واخد على سواقة الملاكي الحديث
    تابلوها كويس كنص نقل
    تحس إنك راكب شئ قوي
    ناشفة طبعا في المطبات
    ثابتة بشكل هايل ع الاسفلت

    وتخمس بيها جامد .. عملتها مرة كنت هاااايص

    ...

    سيفيك 94


    بتاعت واحد زبون الصيدلية

    ركبتها مرة

    ناعمة
    قوية
    ثابتة

    مش هنتكلم عنها كتير علشان دي عربية م الأخر


    ...

    كريستالة

    نفس مواصفات الانسر البومة او المكوة
    تختلف طبعا في الشكل
    وإن كانت أخف وزنا .. وأقل ثباتا


    بسسسسسس

    [rmade]http://im58.gulfup.com/qswdwL.jpg[/rmade]


  2. #2

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    شكرا علي نقل التجربة

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  3. #3

    الصورة الرمزية minicooper20

    رقم العضوية : 78428

    تاريخ التسجيل : 24Aug2010

    المشاركات : 4,106

    النوع : ذكر

    الاقامة : ksa .geda

    السيارة: Pegute 407

    السيارة[2]: b.m.w 130i 2008

    دراجة بخارية: mesh 3andy

    الحالة : minicooper20 غير متواجد حالياً

    افتراضي -

    تجربه جمدا والله
    يا ريت كلواحد يلم العربيات الركبها و يحكى عنها

    كولو بالحنيه بيفك مع تجيات جمعيه حنينها قبل متحلبها


  4. #4

    الصورة الرمزية el_nahal2004

    رقم العضوية : 53122

    تاريخ التسجيل : 16Nov2009

    المشاركات : 1,413

    النوع : ذكر

    الاقامة : cairo - mokttam

    السيارة: NeW AcCenT 2010

    السيارة[2]: Kia CeRaTo 2010

    دراجة بخارية: NoOoO

    الحالة : el_nahal2004 غير متواجد حالياً

    افتراضي -

    تجربة هايلة
    احسن حاجة فيهم العجلة^^^^


  5. #5

    الصورة الرمزية A7MED_PHARMA

    رقم العضوية : 16690

    تاريخ التسجيل : 19Aug2008

    المشاركات : 9,439

    النوع : ذكر

    الاقامة : الـــــ زقا زيـــــــ ق

    السيارة: Classic BMW-79

    السيارة[2]: Nubira-auto

    دراجة بخارية: CBR600F4I-2006

    الحالة : A7MED_PHARMA غير متواجد حالياً

    افتراضي -

    العجلة دي هايلة
    ماتتخيلش
    لسه النهاردة جايب لها رفرق وسنادة جديدة

    [rmade]http://im58.gulfup.com/qswdwL.jpg[/rmade]


  6. #6

    الصورة الرمزية a7madramadan

    رقم العضوية : 51052

    تاريخ التسجيل : 25Oct2009

    المشاركات : 1,081

    النوع : ذكر

    الاقامة : Alexandria

    السيارة: My next will be a beemer :)

    السيارة[2]: Lada 2107 2009

    دراجة بخارية: None

    الحالة : a7madramadan غير متواجد حالياً

    افتراضي -

    طيب يا دكتور خد عندك التجارب السريعة دي :D

    عجلة رياضية بكاوتش عريض برضه غلسه قوي و سرعات هدية فالاعدادي و كرهتها :D

    ميتسوبيشي جالانت 1998 2.4T العربية صاروووووخ على اربع عجلات ثبات متوسط تابلوه عادي مش مريحة قد كده عشان نازلة ستوك بكراسي سبورت ناشفة حبتين كانت بتاعت الكلفيل بتاع والدي فالسعودية من زمان حوالي 9 سنين وبعدين والدي شراها منه 6 شهور وباعها عشان غووول بنزين وشرى اختها بس 97 2.0 بقت نفس العربية (تقريبا) بس نزلت عليها لعنة الفراعنة بطييييييئة بطريقة فظيييعة "بالمقارنة يعني" والعفشة بقت انعم قوي قوي

    تويوتا كامري 2001 موتورها كان 2.0 تقريبا انعم بمراااااحل وثابتة جدا جدا ما شاء الله وكانت أسرع من الجالنت ال97 2.0 بكتييير مش عارف ليه رغم انهم الاتنين مش تيربو ولا سوبر تشارج و مريحة قوي و صالون أجمل

    بعدهم في مصر الحبيبة :D ميكروباص سوزوكي توناية :D كرهت سواقة مصر و العربيات كلللللها فقيرة في كل حاجة وناشفة بغبااااء

    وبعدين اشتريت لادا 2107 كأول عربية ليا في أول 2010 موديل 2009 مريحاني جدا الحمد لله كنت متشائم من فقرها للكماليات بس خلاص خدت عليها و حبيتها و ثابتة و سريعة على قد حاجتي للسرعة جوة اسكندرية

    وسوقت فيرنا 2010 عربية لعبة مقارنة باللادا ... فرامل وحشة قوي و موتور سريع قوي ما شاء الله بس العربية حاسس انها مش ثابتة خالص على الملفات وعلى الطوالي فالسرعات فوق الـ 110 مش عارف ليه

    بولو 2005 عرفت يعني ايه ألماني :D

    و عربيتي الجاية ان شاء الله BMW Used بس ربنا يسهل الحال :D

    My Blog : Buzz From Egypt :- http://a7madramadan.tumblr.com
    My Mail : a7madramadan@ymail.com
    Ahmed Ramadan

    TheDieSeL سابقا


  7. #7

    الصورة الرمزية alsonbaty

    رقم العضوية : 134030

    تاريخ التسجيل : 27Jan2013

    المشاركات : 32

    النوع : ذكر

    الاقامة : cairo

    السيارة: fiat 127

    السيارة[2]: seat 133

    الحالة : alsonbaty غير متواجد حالياً

    افتراضي -

    مكسوف اقول اقول ولا امشي لا ياعم امشي احسن مش هقول خلاص ومش هكسف نفسي بس هقولكم اول عربية ركبتها كانت ايه وانتو استنتجوا الباقي لانها كرهتني في كل العربيات اسمها سيات 133 هههههههه عربية نيلة بمعني الكلمة والسلام عليكم


  8. #8

    الصورة الرمزية A7MED_PHARMA

    رقم العضوية : 16690

    تاريخ التسجيل : 19Aug2008

    المشاركات : 9,439

    النوع : ذكر

    الاقامة : الـــــ زقا زيـــــــ ق

    السيارة: Classic BMW-79

    السيارة[2]: Nubira-auto

    دراجة بخارية: CBR600F4I-2006

    الحالة : A7MED_PHARMA غير متواجد حالياً

    افتراضي -

    مفيش صورة لها طيب السيات الــ 133 دي؟

    [rmade]http://im58.gulfup.com/qswdwL.jpg[/rmade]


  9. #9

    الصورة الرمزية mohammed dodda

    رقم العضوية : 128895

    تاريخ التسجيل : 24Aug2012

    المشاركات : 619

    النوع : ذكر

    الاقامة : suez

    السيارة: كده رضا

    السيارة[2]: VAZ-107

    دراجة بخارية: no

    الحالة : mohammed dodda غير متواجد حالياً

    افتراضي -

    أكسنت 99 : عربية ناعمة جدا موتور وعفشة وخفيفة وثابتة نسبيا فى السفر بس ضيقة وواطية على الارض....لانسر بومة 2007 : عزل ممتاز وسحب معقول ونعومة متناهية وثبات متوسط فى الملفات.. سيراتو 2010 : سريعة وسحبها جامد وناعمة برضه بس تحس انها ورق مقارنة باللانسر وثباتها أقل شوية...شاهين 1995 : الميزة الوحيدة فيها انك بتمشى مش خايف عليها....لادا 2107 ( عربيتى)2006 : ناشفة بس قوية وثابتة وسريعة لما تاخد سرعتها بس مش فى الأول وعايزة متابعة مستمرة بس فى المقابل مصروفها قليل وصيانتها بسيطة وشكلها جوه وبره مش حديث وكماليات مفيش

    انه من يتق ويصبر فان الله لايضيع أجر المحسنين...


  10. #10

    الصورة الرمزية mhkorayem

    رقم العضوية : 115970

    تاريخ التسجيل : 24Oct2011

    المشاركات : 1,391

    النوع : ذكر

    الاقامة : القاهرة

    السيارة: كيا ريو 2014

    السيارة[2]: هيونداي ماتريكس 2008

    الحالة : mhkorayem غير متواجد حالياً

    افتراضي -

    hasad">

    موضوع جميل ودي تجاربي مع العربيات

    1- بولونيز (مش عارف موديل كام)
    دي كنت بتعلم عليها سواقه سنه 98
    عربية معفنه بمعني الكلمه (مش عارف ده الطبيعي بتاعها ولا هي اللي حالتها كانت ضايعه)

    2- اوبل فيكترا 95 اوتوماتيك 2000 سي سي
    عربيه والدي جابها زيرو سنه 95 تقفيل مصري ولسه معاه لحد دلوقتي
    عربية سحبها هايل جداً
    ناعمه في المطبات
    قطع غيارها معمره (الماني بقى)
    وعيوبها
    قاعدتها مش مريحه اوي
    المرايات الجانبية ضعيفة وبتتخلع على طول
    استهلاكها في البنزين عالي شويه (2000 سي سي بقى)
    ابعادها مش مريحه اوي في السواقه
    بس بشكل عام عربيه حلوه

    3- هيونداي ماتريكس 2008 اوتوماتيك 1600 سي سي
    دي عربيتي الاولى جبتها زيرو اول 2008 تقفيل تركي
    واسعه جداً
    زوايا الرئيه فيها هايله (بتحس انك لامم العربيه كلها)
    اماكن تخزين متعدش
    ممكن تقلبها نص نقل (عملت كده مرتين بصراحه سعفتني ووفرت عليا اجره نص نقل)
    عاليه وده شيء هايل في السواقه
    قطع الغيار متوفره بشكل كبير وسعرها معقول إلى حد ما
    صيانتها سهله وفي أي حته تلاقي اللي بيفهم فيها
    عيوبها
    العفشه ناشفه شويه
    سحبها بطئ الى حد ما (مش بتاعت شد وجري وكلام من ده)
    خامات الطابلوه البلاستيك مش مديه فخامه للعربيه

    4- سيراتو 2010 اوتوماتيك 1600 سي سي
    بتاعت ابن خالتي وانا اللي استلمتهالوا من المعرض
    مش هقول عنها غير اني ببقى مبسوط اوي وانا سايقها (بسم الله ما شاء الله ممتعه)
    اهم عيوبها
    الحراميه بيحبوها (ربنا يهدهم مشيبينا وربنا يحفظ عربياتنا جميعاً)

    أنا سعيد انك سألتني السؤال ده
    محمد كُريم



 

المواضيع المتشابهه

  1. اشتري لانسر كريستالة ولا لانوس موديل حديث
    بواسطة ahmed_bq في المنتدى قســـــــــم المقارنــــات
    مشاركات: 19
    آخر مشاركة: 17-10-2011, 10:06 PM
  2. لانوس - نوبيرا - لانسر كريستالة
    بواسطة mazda3 في المنتدى قســـــــــم المقارنــــات
    مشاركات: 17
    آخر مشاركة: 07-07-2010, 03:21 PM
  3. مطلوب لانسر كريستالة أو لانوس 2
    بواسطة meg2006 في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 1
    آخر مشاركة: 09-11-2009, 02:56 PM
  4. برجاء المساعدة فى الإختيار "لانوس موديل قريب ولا لانسر كريستالة أو مكواة "
    بواسطة kid في المنتدى قســـــــــم المقارنــــات
    مشاركات: 8
    آخر مشاركة: 15-08-2009, 12:46 AM
  5. ارجوكم افيدوني:لانسر 99 كريستالة و لا لانوس 2003
    بواسطة hassan_2h في المنتدى قســـــــــم المقارنــــات
    مشاركات: 21
    آخر مشاركة: 08-07-2009, 02:54 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2