الموضوع: تصدقوا طلع بيتضحك على أصحاب العربيات القديمه فى الجنوط

المشاركة الأصلية كتبت بواسطة manola

حلو اوى أنا هتابع الموضوع بقى عشان لو فيه حاجة عايزة أدعبس و أعملها
و ميرسى كتير على الرد بس أنا بالنسبالى لازم أتحوج للصنايعية لأنى مش بعرف أعمل حاجات كتيرة أنا يا دوب بقفل الجراج عليا و بعمل حاجات غريبة

و الله فيه حاجات كتيير مش محتاجة صنايعية ابسط حاجة تغيير اللمبات
لما بتيجي تغيري لمبة بتدفعي مثلا 5 لتغيير اللمبة الواحدة
كل ده بعمله بنفسي تغيير اللمبات و فك و تركيب الفرش ..ألخ...ألخ عشان مقرفش نفسي بيهم و اوفر حتي لو فيه خبطة بردها ع البارد بنفسي ههههههههه
انتي برده تقدري تتعلمي تغيير اي لمبة في العربية و فك و تركيب الحاجات اللي مش محتاجة قوة عضلية و معدات و لا الحوجة للعباقرة الناصحين دول

المشاركة الأصلية كتبت بواسطة manola

من كام يوم كدة كنت ماشية و ببص لقيت عربيه فيها جنط شكله جميل أوى فبقول لواحدة صاحبتى بصى الجنوط دى شكلها نيكل ولا حاجة نضيفة كدة قالتلى يا بنتى دى حاجة أسمها طاسات قولتلها ليه يعنى هيقلى بيض راحت ضحكت و فهمتنى أن فيه حاجة أسمها طاسات بتتركب على الجنوط و دى بتكون رخيصة جدا المهم دعبست ورا الموضوع لقيت أن 90% من الناس بتغير الجنوط عشان شكلها يكون كويس و عشان كدة قولت أقولكم بما أن كدة كدة أصحاب العربيات القديمه مبتحبش تدفع كتير و بتحوش عشان تعمل تحديث , طيب ماتجيبوا طاسات أوفر و تريحوا دماغكم على سبيل أن الجنوط مش هترفع من أداء عربياتكم لأنها كدة كدة عربيات قديمه
مش فكرة برضة أقتصاديه ولا أية ؟
و من خلال دعبستى لقيت أن فيه طاسة بـ25 جنيه يعنى الأربعة يتهئ لى بـ100 جنيه و طبعا أكيد هتزيد أو هتغلى حسب الشكل و الخامه
هتدى نفس الشكل بتاع الجنوط و فى نفس الوقت شوف بقى التوفير هحاول أدعبسلكم و أجيبلكم كام صورة على النت منهم

ايه الاختراع الغريب ده
لو كنت اعرفه من الاول كنت اشتريت البيرسونا من غير جنوط وركبت لها الاختراع ده على الاقل هايوفر لي في الفلوس