الموضوع: تصدقوا طلع بيتضحك على أصحاب العربيات القديمه فى الجنوط

من كام يوم كدة كنت ماشية و ببص لقيت عربيه فيها جنط شكله جميل أوى فبقول لواحدة صاحبتى بصى الجنوط دى شكلها نيكل ولا حاجة نضيفة كدة قالتلى يا بنتى دى حاجة أسمها طاسات قولتلها ليه يعنى هيقلى بيض راحت ضحكت و فهمتنى أن فيه حاجة أسمها طاسات بتتركب على الجنوط و دى بتكون رخيصة جدا المهم دعبست ورا الموضوع لقيت أن 90% من الناس بتغير الجنوط عشان شكلها يكون كويس و عشان كدة قولت أقولكم بما أن كدة كدة أصحاب العربيات القديمه مبتحبش تدفع كتير و بتحوش عشان تعمل تحديث , طيب ماتجيبوا طاسات أوفر و تريحوا دماغكم على سبيل أن الجنوط مش هترفع من أداء عربياتكم لأنها كدة كدة عربيات قديمه
مش فكرة برضة أقتصاديه ولا أية ؟
و من خلال دعبستى لقيت أن فيه طاسة بـ25 جنيه يعنى الأربعة يتهئ لى بـ100 جنيه و طبعا أكيد هتزيد أو هتغلى حسب الشكل و الخامه
هتدى نفس الشكل بتاع الجنوط و فى نفس الوقت شوف بقى التوفير هحاول أدعبسلكم و أجيبلكم كام صورة على النت منهم

المشاركة الأصلية كتبت بواسطة Axel

الجنوط بتدي شكل حلو و مبقتش غالية اوي دلوقتي لأن اللي بتوشفيها دلوقتي في اغلب العربيات القديمة صيني اللي هو 4 جنوط بــ800-1000 جنيه و ساعات بيتشروها مستعمل حالتها كويسة طبعا ممكن يجيبه في حدود 500 جنيه و ع حسب الحالة برده

اما الطاسات ديه فمن قديم الازل و بتركب ع الجنوط العادية اللي هي تبصلها تبقي عايزة ترميها في البحر و اقل طقم طاسات دلوقتي بيعمل 40-45 جنيه و هي بتتباع 4 ع بعض مش واحدة لوحدها :) و فيه منها اشكال كتيير
و طبعا الاسعار بتتفاوت حسب المقاسات و الطاسات اذا كانت عليها حرف العربية و لا لأ او ليها مكان للمسامير او ملهاش و طبعا ع حسب الزبون اللي قدامه و المكان
و فعلا بتكون احسن من الجنوط اقتصاديا و لو حصلت لها حاجة في داهية و تجيبي غيرها ع عكس الجنط لو حصله حاجة صاحبه هيقعد يعيط جنبه ههههههه و خاصة لو دافع فيه

و اقولك ع حركة حلوة لو حبيتي الطاسات تبان انها جنوط و خاصة بليل
تختاري طاسات شبه الجنوط السبور و ترشي الجنوط العادية اسود و تركبيها عليها هتبان انها جنط :)

و ده موضوع كنت عامله عن تجديد الطاسات عشان ترجع جديدة تاني شوفتي بقي توفير كده ههههههه و في الاخر اتكسرت رميتها و جبت غيرها :)

http://www.nilemotors.net/Nile/238410-a.html

معلومات كويسة أوى و أنا عندى جنوطى ههههههههههههههههههههههههه هههههههههههههههه
بس أنا من كتر الفضول بحب أدعبس كدة طول مانا ماشية و على فكرة الجنوط إلى عندى أحب أقولك أنها بتتغسل كل يوم

الجنوط بتفرق ف الأداء طبعا بتدي ثبات اكتر علي الطريق دا غير شكلها الحلو وانها بتنطق العربيه ومن رأي انا شوفت طاسات كتير شبه الجنوط بس عمرها ما دخلت دماغي الجنط جنط بردو

المشاركة الأصلية كتبت بواسطة Axel

طب و ايه يعني مانا العربية بتتغسل كل يوم :)
البس لبس القوات الخاصة و انزل اخلص المهمة
http://www.nilemotors.net/Nile/224234-a.html
و زيادة للمعلومات هتلاقي السلسلة كلها هنا عشان عارف ان اكيد ليكي تجارب سيئة مع الصنايعية زي حالتنا كلنا
http://www.nilemotors.net/Nile/252145-a.html
من تظبيط لتركيب لتغيير و لسه للسلسلة اجزاء ان شاء الله

حلو اوى أنا هتابع الموضوع بقى عشان لو فيه حاجة عايزة أدعبس و أعملها
و ميرسى كتير على الرد بس أنا بالنسبالى لازم أتحوج للصنايعية لأنى مش بعرف أعمل حاجات كتيرة أنا يا دوب بقفل الجراج عليا و بعمل حاجات غريبة

المشاركة الأصلية كتبت بواسطة madaxman

الجنوط بتفرق ف الأداء طبعا بتدي ثبات اكتر علي الطريق دا غير شكلها الحلو وانها بتنطق العربيه ومن رأي انا شوفت طاسات كتير شبه الجنوط بس عمرها ما دخلت دماغي الجنط جنط بردو

أنا كان قصدى على العربيات القديمه إلى مش هتفرق معاها الأداء بس اتأكدت كدة ان الجنوط بتفرق فى الأداء بس لو عربية قديمه مش هتفرق معاها دة قصدى , فهمت حاجة ؟

المشاركة الأصلية كتبت بواسطة Mina-Magdy

هو انا احب اضيف كام حاجة كدة
اولا لو اتكلمنا فى الطاسات وبم ان حضرتك فضولية وبتحبى تشوفى الجديد والبديل
فى نوع طاسات اعتقد بعض الناس شافتة الى هو لما بتكون ماشى وتقف بالعربية يفضل يلف زى مايكون العجل لسة بيتحرك وفى ناس بعد ماركبت جنوط رجعت تانى جنط الفبريكة علشان تركب الطاسة دة
اما بخصوص الجنوط ودة الاهم فى مواصفات خاصة لاختيار جنط العربية وهى كالاتى
1- لازم يكون وزن الجنط الاسبور الايكون اثقل من جنط الفبريكة الابنسبة 10 % فقط ودة الى مخلى الفرق فى السعر بين الجنط الصينى والاندونيسى والتايوان والتيالند والى الناس مش فاهماة ان كل ما كان نوع الجنط افضل وطبعا سعرة زاد تلاقى وزنة ومقاسات ابعادة معتمدة وبالرغم من كدة بتفرق فى البريفورمنس بتاع العربية كمان يعنى تلاحظ سرعة السيارة بالجنط الحديد الفبريكة 160 وبعد تركيب جنط صينى سبور تبقى 145 او 150 دة فى حالت تركيب نفس مقاس الجنط الفبريكة
فى ناس بتكون فاهمة ويروح عند الراجل يقلة انا عاوز نفس مقاس عربيتى بس ناسى ان وزن الجنط كمان مهم
تقبلو مرورى واكتر حاجة عجبتى صراحة انك بتفكرى فى الناس وعاوزة توفرى ليهم وكمان بتديهم بديل دة كلام جميل

تصدق معلومات كويسة جدا بس أنا عندى شكل الجنوط الأصلية كويس جدا فى الجين 2 فمش ناوية أغيرها

المشاركة الأصلية كتبت بواسطة icehearted girl

طاسة ب 25 جنيه؟؟؟؟؟؟؟؟؟؟؟؟؟؟؟؟؟؟؟ ليه دي ب 24 ف كل حتة

ايه يا مانولة

يابنتي دانا كنت بجيب الاربعه ملتوفيقية ب 20 جنيه ومن غير مفاصل كمان

دا فل 28

دلوقتي الطاسات اللي معايا فلبونتو افضل كتير طبعا ولأول وهلة من بعيد تبان العربية متجنطة

والله ماعارفة يمكن بقى أنا فهمت غلط أكيد الأربعة كدة بـ25 جنيه لأنى عرفت برضة أنه الطقم بالكامل بيتباع مرة واحدة و بدل ماكنت أفيد الناس و ألفت نظرهم كنت هوديهم فى داهيه

المشاركة الأصلية كتبت بواسطة l0new0lf

عشان الجنط الاسبور يدى اداء المفروض يكون وزنه اخف من الجنط الحديد اللى جاى فى العربيه
و نخلى بالنا من موضوع الاوفسيت

ميرسى على المعلومة بس فيه واحد قال لازم تتبقى أتقل 10%