فضفضه مالك تاكسي

**Islam_galal** · 22-05-2008 10:37 PM

أنا راجل علي باب الله ، سيبوكوا بقي من كلام الحكومة و الجرايد عن جشع التجار و سواقين التاكسي و و و
كأن المصريين شعب من الجشعين، داحنا غلابة قوي . . آه و الله غلابة قوي
أنا عايش و الحمد لله و فاتح بيت ، ربنا كرمني و معايا تاكسي لادا موديل تمانينات
لو إطبق القانون الجديد . . . أعمل إيه؟
مش حاقدر أبيع العربيه إلا لما أجيب الجديدة علشان أنقل النمر في المرور من العربية دي للعربيه دي
طب أجيب الجديدة منين :(

هي الحكومة بتعمل كده ليه، علشان البيئة و شكل السياحة و و و ، يعني هو تغيير التاكسيات هو اللي حيعدل البلد . . . .ماااشي
أجيب منين ، هو أنا مش مصري زيكم طب ساعدوني
- شيلوا الجمارك من العربيات الجديدة اللي حاتقلب تاكسي.
- خليني أحتفظ بالنمرة و أبيع العربية القديمة علشان أحط تمنها مقدمة للجديدة
- طب حتي نظام تقسيط من غير فوايد.

ماهو انا لو ماقدرتش اجيب عربية جديدة ، حابيع القديمة بكام و حيكفوني قد إيه و أعيش بعد كده إزاي

يا جماعة متنسونيش أنا مصري زيكم

(من تأليف العبد لله بكاءا علي حال عباد الله)

**SEATLOVER** · 22-05-2008 10:59 PM

-طب لية بتعمل المشوار اللى بيتكلف بنزين و استهلاك عربية ب 2 ج لاخر الشارع بتطلب فية خمســـــــة ج يا عم الافندى ..يا بية ..يا استاذ ..يا مواطن
-طب لية مصر تركب زبونك فى اللادا بتاعتك وتقرفة فى حياتة و انت صافى يومك 100 ج على الاقل يعنى فى الشهر 3000ج .. يعنى تروح اتوموتيف و تقسط اتومبيل Vw نازل من المركب
-بعدين لو بعت القديمة هاتبيعها بالنمر و دى لوحدها ب ضعف تمن العربية الهياكل اللى انت ماشى بيها
-لية لما ربنا بيكرمك بعربية زيرو متشمعة .. بتملاها ستاير و لمض نيون و مرايات فى السقف و اللى يشاورلك تتكلم فى الفودافون
-لية بتزعل لما يطلع عليك اتنين تلاتة يروقوك و يلموا الغلة من درج التابلوة و اللى بتبقى معدية الالف
-ونشيل الجمارك من العربيات اللى نازلة للتاكسى لية ..هو انت مش زينا و قلبك على الانتاج و الفلوس دى اللى بتتصرف على الطرق عشان نروق على العفشة بتاعتك

-ومتخافش يا عم ..احنا هناخد منك العربية ب 5 الالف ج ..يعنى اعلى سعر فى السوق و نديك حتة عربية صينى هاتحلف بيها بقية عمرك .

(الكلام موجة للسان حال القائل )

**Islam_galal** · 22-05-2008 11:10 PM

تبقي زبوني النهاردة (علي لسان شكري سرحان في اللص و الكلاب)

نسمع ردود تانية و اتقمص شخصية صاحب التاكسي تاني:boxing_smiley:

**MoToRiZeR** · 23-05-2008 03:17 AM

معظم عربيات التاكسي في القاهرة مش بتاعة السواق اللي سايقها
بتبقي بتاعة واحد عنده كذا تاكسي مشغلهم و جايب سواقين عليهم
عشان كدة السواق بيتلامض في تمن المشوار لأنه بيبقي عايز يطلع فيها مصلحة .. لو المشوار يستاهل 5 .. يطلب 10 و يضرب 5 في جيبه .. و لو خد 8 اهي مصلحة برده

و صاحب التاكسي مبيبقاش فارق عنده يقدم خدمة كويسة للي راكب فا لا بيجيب عربية تنفع .. و لو باظت فيها حاجة مبيصلحهاش (ساعات تركب تاكسي تلاقي التابلوه كله مفكوك و عبارة عن اسلاك متوصلة ببعض و مفيش كونتاكت اصلا دول سلكتين بيلمسهم في بعض ..و شغال !) و الشكمان يعميك ..و العربية تعطل و تموت الشارع

بالعكس خطوة الغاء العربيات القديمة دي المفروض تتنفذ في اسرع وقت
لو كان الناس عندها ضمير مكنش الحال يبقي كدة

**khattab_89** · 23-05-2008 03:53 AM

دا غير الذل اللي بيذلو للناس علشان يركبهم و يوافق و يتكرم أنو يركبهم

**Hussein_Ramdan** · 23-05-2008 04:26 AM

التكسيات باقيت حاجى صعبة تقول للتكسى على مشاور لو معجبوش يبوصلك من فوق لتحت ويسيبك ويمشى

**YaSSerwIN** · 23-05-2008 10:54 AM

يا جدعان دة انا السبب الأول أنى أجيب عربية بسبب حوار التاكسيات دة

والله العظيم انا مرة فضلت واقف فى روكسى علشان أخد تاكسى يودينى مشوار صغير يجى ساعة ونص عمال ما ركبت

كل تاكسى باشا

يقولك لاء ياعم فكك من أبو 2 جنية دة خلينا نشوف مشوار ب 10 ولا 20

وعجبى

**tutankhamoun** · 23-05-2008 12:16 PM

لا شعور بالرحمة تجاه أغلب سائقي الميكروباص و التاكسي
دول أكبر استغلالية في الدنيا .................

بس العيب على اللي سايبهم يبدهلوا في الناس

**samehafez** · 23-05-2008 02:04 PM

يا جماعة .... السواق من دول بياخد التاكسي من صاحبة بالوردية و ال 6 ساعات بقت ب 180 جنيه زائد البنزين قول كمان 40 جنيه يعني السواق لازم يطلع علي الاقل 37 جنيه في الساعة و لو مشوار سعادتك مهما كان قصير بس زحمة هياخد 15 دقيقة يعني لازم يطلع علي الاقل 9 جنيه و ربع و ده كله و هو لسه مطلعش اي مصلحه قول هيشتغل ورديتين
و هيكسب في اليوم 30 جنيه
يعني اي مشوار ربع ساعة لازم ياخد فيه 10 علي لاقل ....طب و الوقت اللي مفيهوش زباين
خلاص يبق ال 10 دقايق ب 10 جنيه
طيب و نظرا لسيولة المرور عندنا يبقي مشوار 3كم يدوب ياخد 10 دقايق يعني ب 10 جنيه
و سلملي عالمترو

وانت يعني قوللي يعني انت قلبك ليه بايعني ........... الصحراااااااوي