باركولي ...وإلحفونى...

**mostmoh** · 02-12-2011 01:53 AM

ألف مبروك على العربية ، والحمد لله إنها جات فى حاجة بسيطة.

**amriar** · 02-12-2011 02:19 AM

شكرا لأحلى شباب و ربنا يبارك فيكم كلكم و ربنا يحفظكم من شر الطريق دايما ...

انا اشتريت كاوتش جديد من عند توكيل لبريدجستون و هانكوك في عباس العقاد ..
اشتريتها نوعها هانكوك كوري ب 473 جنيه شامله الترصيص و النتروجين و بلف جديد .. صناعه الاسبوع 37 السنه دي .. معاها ضمان 4 سنين ضد عيوب الصناعه

الحمد لله انها جت علي قد كدا ..

**amriar** · 02-12-2011 02:22 AM

المشاركة الأصلية كتبت بواسطة me_dooo

الف مبروك وربنا يبارك لك فيها ويكفيك شرها
هو حصرتك استلمت منين وهل دي الدفعة الجديدة اللي مستنينها ولا مخزون؟

انا استلمت من توكيل رينو فرع مصر الجديده لانى كنت المفروض استلم من الدفعه اللي قبلها من حوالي 3 شهور و حصل حاجه كدا أخرتني للمره دي .. والعربيه دي من دفعه الموزعين مش من دفعه الأفراد..

**amriar** · 02-12-2011 02:46 AM

المشاركة الأصلية كتبت بواسطة abd_elhalim85

بجد الف مليون مبروك يا عمرو و ربنا يكفيك شرها يا رب، على فكرة انا حاجز نفس اللون من شركة eim من حوالى شهر، عايزك تقوللى انت انتظرت قد اية؟ و يا ترىاية اللى خليت بالك منه و انت بتستلم؟ وباقى التفصيل يعنى، وياريييييييييييييت لوصورة كمان، و بالنسبة لضرب النار انا ضربت يا باشا

شكرا يا جميل .. بالنسبه للأنتطار انتظرت كتير حوالي 4 شهور بالنسبه للحاجات اللي اخدت بالي منها فهى كالأتى:

1- الجسم الخارجى سليم و مغطى
2- الاشارات الجانبيه و الاماميه والانوار تعمل
3- تجربه لمبه الاستوب و الفوج لايت
4- المساطر الكروم الاماميه والخلفيه موجوده و سليمه
5- لمبه الشنطه الخلفيه و صندوق التابلوه
6- غلق الابواب والزجاج والشنطه و الكابوت و فتحه بسلاسه
7- تجربه الستنر لوك و المفتاح بالريموت
8- تشغيل العربيه من المفتاح العادي
9- حركه الكراسي و تعديل وضعيتها
10- تجربه احزمة الامان كلها و وضع الدريكسيون فوق و تحت
11- تجربه التكييف و سخان الزجاج الخلفي و المرايات الجانبيه
12- تحريك المرايات الكهرباء و قفلها و فتحها
13- اشارات الانتظار تعمل
14- ولاعه السياره تعمل
15- وجود عتب الرينو علي الابواب الاماميه (فول اوبشن فقط)
16- نوع الاستبن نفس نوع العحل اللي متركب
17- طاسات العحل راكبه او في كيس لوحدها
18- الاريال و عده الكوريك و فك العجل و قطر العربيه
19- كتيبات الكتالوح و الضمان و الكاسيت
20- شفره الكاسيت و تجربه اسطوانه ام بي ثري
21- السماعات كلها تعمل
22- التأكد من السوائل كلها في العربيه ( المياه الخصراء و الزيوب و الرشاش للمساحات )
23- تعديل ارتفاع النور من بكره الارتفاع اسفل الدريكسون
24- التأكد من عمل المساحات
25- عداد السرعه يعمل مش مفصول
26- تجربه كلاكس العربيه
27- كمبيوتر الرحلات
28- باب التانك يفتح ويقفل عادي
29- لمبه الصالون وانها تعمل مع قفل الابواب

دي من تجارب اعضاء لوجانوين محترمين و اصدقاء استلموا قبل كدا و الباقي جه في بالي وانا رايح استلم يارب تنفع الكل إن شاء الله

**ayman1204** · 02-12-2011 09:51 AM

اداء العربية هيتحسن بعد 5000 كيلو
واداء البنزين يبدتدى يتحسن من بعد الـ 5000 الف كيلو لحد ال10 الاف كيلو
مرة عملت حوالى 4.6 لتر فى 100 كيلو والكلام كان فى تجارب وعامل مواضيع بيه
العربية جميلة جدا بس اصبرى عليها لما تلين